السلام عليكم يااخواني ساعدوني بالشهر الكريم جزاكم الله خير قبل اسبوعين جيت ابيع سيارتي ماقدرت ابيعه لاني مطلوب بالمرور رحت اسال قالوا سيارتك مطلوبه من مكافحة المخدرات انا قلبي كان رح يوقف من الروعه قلت مااحد يسوف هالسيارة الا ولدي رجعت البيت وقلت لولدي السالفه تعال نروح المكافحه ونشوف رحنا انا وياه وقالهم انا اللي اسوقه ومادري ليش طالبين توقيفه قالوا انت تبيع مخدرات واخذوه للسجن وتحقيق معه وانكر وقالهم انا طالب مااروح الا للجامعه واشوف طلبات اهلي للاسواق القريبه حتى مااروح بعيد ويقى بالسجن 11 يوم وتحقيق معه حتى اليوم وهو مصر هل يحق لهم يبقونه بالسجن كل هذي المده بدون اثبات والولد ماعمره تغير علينا اولاحظنا عليه شي غريب اخاف عليه من مخالطة اللي بالسجن بدون سبب وتشوه سمعته بين الناس امه الليل والنهار تبكي تقول ليش توديه بيدك لهم بدون اثبات والله ياخوان اني بهم مايعلمه الا الله امشي مع الناس وبالي مشغول ولا اعرف احد هناك دعواتكم لنا بالفرج وهل يحق لهم حبسه بدون بينه ولمن اروح اطالب باخراجه جزاكم الله خير
الله يفرج عنك وعن ولدك شوف لك محامي استشارة مره عليه بالمكتب وعلمه السالفه وهو بيدلك ع الطريق مجانا وثاني شي قابل مدير المكافحه وقول وايش العلم والاثباتات وينه الغلط وارد
المخدرات آفة ، يقول احد الزملاء زوج ختي انقلب رأسا على عقب على أختي وحول حياتها الى جحيم لا يطاق واتضح لي انه يتعاطى مخدرات والآن ماأدري ماذا اسوي كلما اصلحت بينهما بعد يومين تسوء الأمور بينهما فهو عصبي بطريقة غريبة ويبحث عن المشاكل معها وبطريقة استفزازية لا ادري ماذا افعل يستشيرني واحول المشورة اليكم اخواني الافاضل
عموما هذا مو موضوعنا ولا ابي ازيد همك هم حاول تتكلم اعلاميا وراسل سبق ومن مثلها ترى الاعلام له دور الحين,,,وحاول بمعرفتك توصل لأحد المسؤولين مثلك عارف الواسطه عندنا حدث ولا حرج
اذا ولدك متورط بهذه الآفه الخبيثه اتركه ينال جزاه
واذا كان مظلوم وبرئ قدم فيهم شكوى على اكبر مسئول عندهم
واذا ماعطاك حقك
اشتكهم على الواحد الاحد الفردالصمد