الان قمنا بالصعود الى الطائرة
وسوف اذكر لكم المشكلة التي حصلت لي وهي البصمه وماادراك مالبصمة
القصة من البداية انني عندماسجلت في نظام ابشر قبل سنوات وذهبت الى تفعيل البصمة في الجوازات رفض النظام قبول بصمتي مع انني قمت سابقاً بالتبصيم بالاحوال المدنية
عندما رفض نظام الجوزات قبول البصمة اخبرت المدير بذلك فقال سوف اقوم بإعادة تشغيل الجهاز وانت اعد التبصيم بعد نصف ساعة.حضرت بعد نصف ساعة واخبرت مدير الجوزات انني ارغب التبصيم مرة اخرى فأخبرني انه اعاد تشغيل الجهاز. ذهبت الى التبصيم ولكن المشكلة لازالت قائمة البصمة غير مطابقة. رجعت الى المدير واخبرته بذلك فقام بتفعيل نظام ابشر من جهازه. وقال لي موضوعك انتى خلاص مايحتاج بصمه. قلت له طيب والمطارات. الا يحصل لي مشكله. فقال. لا سافر وانت متطمن. واذا رغبت في تحديث البصمة وهو الافضل. اذهب الاحوال وحدث بصمتك.
المهم. ذهبت الى الاحوال لتحديث البصمة. باعتقادي ان التحديث موضوعه سهل. شرحت لموظف الاحوال المشكلة حاول معي قرابة الساعة لمعرفة المشكلة وغسل يديني بسائل خاص عندهم. ولاحياة لمن تنادي. تبصم العشرة الاصابع تقبل. تبصم اي اصبع لوحده. ترفض
المهم اخبرت الموظف اني ارغب بتغيير البصمة. لكن الموظف فاجأني بأن تغيير البصمة ليس بالامر السهل فهو يحتاج الى معاملة تصل مدتها ع اقل تقدير الى ٨ شهور. حيث ان المعاملة يجب ان ترفع لوزارة الداخليه
تراجعت عن الطلب وقلت الموضوع سهل مايحتاج. مدام المطارات ماعندها مشكله. اجل مايحتاج تحديث للبصمة. عمرها ماقبلت
اهااااا
اليوم وقعت المشكله. الموظف يبيني ابصم ويرفض النظام
ويعطيني ذيك النظرة اللي تخليك تكع اللي عندك كله مع سؤال. انت واش اسمك. وليه بصمتك كذا. وكد رجعوك قبل
وانا اتنافضضض واعلمه باسمي. لكن موضوع البصمة قلت ياولد اجحدددد. قلت والله مدري واش سالفته. ودايم اسافر دبي ولافيه. مشاكل. المهم مرمطوني شوي. وودوني موظف متخصص بالبصمات ونفس الاسئلة. وانا جحييييد. واظهر لهم وجه البريء اللي مايدري واش السالفه.
قال لي واش عندك بعمان. ماهي وقتها هالحزه. قلت بروح صلاله. قال وذا وشو. يقصد فيزة تايلند. مع ضحكة استهتاريه.
سألني عمان ترانزيت. ؟
قلت ايه. قال توكل ع الله. وضبط امور بصمتك
اسف جداً جداً ع الاطالة. بس تعرفون الروعة وماتسوي
25-07-2016, 01:54 AM
