اصلا احنا مانعرف نشتري نروح للبقالة ونجمع الاشياء يحسبها وندفع ونمشي مانعرف سعر ولا شي في البقالة غير الخبز
لذلك يتم استغلالنا ورفع الاسعار علينا وانا شاهدت شخص ماشاء الله عليه يعرف سعر كل شي ويقول لصاحب البقالة بصوت عالى هذي سعرها كذا ليه مزودين عليها ريال وكل شوي يمسك شي ويقولهم اسعاركم غالية واحنا زي الدراويش نشتري ونحط في الاكياس ونحاسب ونمشي
لو بس نعرف سعر الاشياء التي نشتريها باستمرار مافي واحد يزود الاسعار المشكلة اننا مانعرف سعر ولا شي في البقالة
الخطأ الثاني مانراجع الفاتورة لما نوصل البيت مره راجعت الفاتورة حصلت محل كبير مشهور حاطلي كرتونين ببسي ماشتريتها ولا اخذت معاي شي ورجعت وقالي اسف وهو حرامي يحط على الناس اشياء يزود فيها الحساب وياخذ منك كل التخفيضات الي مسويها لك
الخطأ الاخير اننا نروح نشتري اشياء كثيرة جدا مع بعض وهذا خطأ المفروض تاخذ جزء منها فقط لان اضافة اى شي عليك لن تنتبه له اذا كانت الفاتورة طولها مترين مين بيراجعها
فيه موضوع اننا مانعتمد على سوق الخضار ونشتري من البقالات وفرق السعر بينهم كبير جدا
لذلك بعيد عن العوامل الاقتصادية احنا ناس مانعرف نشتري حصلت شايب في سوق الخضار اعرفه وصرنا نمشي مع بعض والرجل ماعليه عنده فلوس ويفاصل في الجرجير يقوله حبه بريال قاله لا حبتين قاله خذ ثلاثة بريالين يعني طلع بنتيجة وكل شي يفاصل فيه مااعتقد اننا نعرف نشتري حتي مايرتفع علينا شي