علشان تركب راسين في دش واحد غير متحرك .. راس للقمر العربي و راس للنايل سات اول شي تسويه هو انك تثبت الراس اللي في نص الدش و تضبط القمر حقه و تثبته كويس و تنتهي من الصحن و هذي هي المرة الوحيدة اللي راح تضبط فيه الدش و تنتهي من تحريكه .. لانك بمجرد ما تنتهي من ضبط الراس اللي في منتصف الدش ما راح تحتاج تحرك الدش بعد كذا .. بعدما تثبته تمام .. تبدأ في تركيب الراس الثاني و هذا يحتاج قطعة اسمها المسطرة و هذا تجي لها مقاسات .. يعني مقاس للقمر العربي و مقاس للنايل سات و مقاس للقمر الاوروبي .. تركب المسطرة في الدش ثم تحط عليها الراس و تبدأ بحركة بطيئة جدا تحرك الراس بالمسطرة الى ان يلقط الاشارة من القمر .. الاقمار الصناعية تجي على خط واحد لكن بينها مسافات و انت تحرك الراس المحطوط على المسطرة فقط مو الدش كله و تتابع الريسيفر و تشوف اذا لقط الاشارة و اول ما يلقط بأحسن ما يمكن من اشارة شد المسامير و بكذا انتهت المسألة .