بخصوص اللياسه .. هل انتظر العماله الماهره او ننجز مع اللي يمشي الحال

المشاركة الأصلية كتبت بواسطة ابو تركي 88

بارك الله فيك وجزاك الله خير

حتى في شغل الديكور ما تنصح نبدأ فيه مباشره بعد اللياسه ؟

المشاركة الأصلية كتبت بواسطة saeed44

اللياسة مهمة
واذا في معلم مضبوط ومشغول انتظر لحد مايخلص
نصيحة لاتستعجل
وخصوصا اللياسة لخارجية تطلع عندك مموجه اذا اشتغلها عليمي حتى البوية البروفايل 3 ملم ماتغطي عيوبها

المشاركة الأصلية كتبت بواسطة test pilot

المليس يغطي عيوب البناء لذلك اختر الجيد ولو زاد سعره

المشاركة الأصلية كتبت بواسطة عاشق المرقاب22

نقطه اخرى نسيت اذكرها في اللياسة

لازم ترش الطرطشة جيدا

انتبه جيدا لايستخدمون الجبس نهائي ولايقرب اللياسة لانهم يقفلون الفتحات الكبيره بالجبس ورايح تطبل اللياسة مع الوقت
لاختبار اللياسة عدة طرق واليوتيوب مليان لكن اهمها انك تاخذ صيخ صغير طوله حدود متر وتمشيه ع اللياسة بشكل اقواس اي تطبيل رايح يظهر معك تميزه بصوت الاحتكاك وتحدده لهم حتى يكسروه ويعيدو عليه
نهاية الجدران اللي حولها رمل من اسفل خلهم يحفروها حتى يكون الجدار من النهايات متساوي ( شفت كذا مبنى مشوه بسبب هذه النقطة خاصة الجدران الخارجية )
في اتفاق اللياسة جوانب درج المداخل تراه معهم واغلبهم يسحب عليه
قبل اللياسة حلول تسلك كل شي نت من الخارج للداخل يكون الاسلاك في جرجور واحد لوحدها ولاتختلط مع اسلاك الكهرباء كذالك تسليك قفل الباب اذا بتركب قفل كهربائي كذالك تسليك كميرات المراقبة ترتاح جدا

لاتستخدم الماء المالح جدا لانه يسبب تصدعات
ماء عادي اهم شيء ماهو مالح مره

المشاركة الأصلية كتبت بواسطة ابوفيصلb

المشاركة الأصلية كتبت بواسطة امــــــــــر

انا شايف مفهوم خطأ في معظم المشاركات وهي ان اللياسة تصلح كل شي وهذا غير صحيح اهم شي في المنزل بناء الطوب يكون البنى شاطر لان كل شي في العمارة يترتب على البناء

بعض البيوت خصوصا التي يعطونها مقاول يجيب لهم عامل بناء بسعر خمسه ريال ويشتري لهم طوب نخب ثالث ملوح ومعدوم ياخذه بتراب الفلوس

هذه العمارة لايمكن تصليح مايفسده عامل البناء فيها ابدا لما تجي تسوي الابواب والشبابيك تحصل الجدران مختلفه ماهي على خط واحد ويصير الباب ملوح مثلهم وكذلك الشبابيك

لما يجي المليس بيليس يحصل الجدران طالعه نازله مايقدر يسوي فيها شي مهما حاول ستبقى في نفس وضعها

لذلك المليس مهم بس اهم شخص يشتغل في العمارة عامل البناء اذا كان سيئ خرب عليك العماره كلها

لذلك لو جبت مليس يمشي حالة على جدران شغلها تمام ترى بتمشي اموره وبيسوي اللياسه تمام اما اذا الجدران ملوحه لو تجيب اكبر معلم لياسه لن يستطيع تعديلها