شوف ياخوك تبغي وجهة نظر شخص ما يدل في الرياض الا برج المملكة و شرا بيتين بعد ما تأدب.
قبل ثلاثة سنوات اضطريت لظروف قهرية لشراء بيت في الرياض و انا من اهل الشرقية و الرياض ما جيته الا خمس مرات في حياتي.
رحت احياء مختلفة و اغلب الناس طايرين في حي اسمه حطين يسر الله و شريت بيت بعد سنتين بعته جاني فيه مربح معقول و لكن ما همني المربح الي همني البيت ما فيه مجلس زي العالم و الناس البيت مفتوح علي بعضه ما يناسب ابدا و ما اقدر الا اوقف سيارة وحدة داخل البيت و وحدة برا و الثانية بتسكر عاي القراج و هذا ما يناسبني ابدا و الشغلة الاخيرة بعيد نوعا ما بس يميزه اني اعاكس الزحمة و لكن الشئ المهم الاشكال الي هناك و ليس اهل الحي و لكن الناس الي يجون نصهم دشير سواء اناث او ذكور.
الشاهد في الموضوع ضعت مرة و كالعادة المارية عندي هو برج المملكة و انا اظن و اطيح لك علي حي كله قصور و بيوت مرتبه و شوارع زينة طبعا كنت اظن انها احياء اسعارها خيالية لاني اعرف ناس ساكنين فيها و في بالي انها قريبة من البرج و خلاص هذا اغلي شئ في الرياض و لكن انصدمت ان اسعار البيوت نفس اسعار الحي الي كنت ساكن فيه لكن المساحة اكبر و وفقني الله ببيت فيها يا رجل اوقف 4 سيارات داخل البيت و مجلس كبير و مقلط و مجلس خارجي و غرفة سائق كبيرة و قريبة من كل شئ و لا تزال في الشمال.
اما النظيم و الغندله هذيك اعوذ بالله منها يا رجل انا من كثر ما خذروني الشباب منها كنت اتوقعها مثل الثقبة عندنا في الخبر و لكن الثقبة صارت في عيني حي فخم مقارنة فيها.
26-02-2023, 07:34 PM
