انتبهوا انتبهوا انتبهوا

المشاركة الأصلية كتبت بواسطة امــــــــــر

انا شخصيا اذا صدمني واحد او صدم احد من الاولاد او البنات اسامحة واصلح سيارتي وسيارته خصوصا اذا كان غير مقتدر او ظروفه صعبة مايقدر يصلح سيارته

ياخوان ترى الامور سهاله والله ماعندي غير راتبي بس ماعمري طلبت من احد شي في الحوادث وغالبا اصلح سياراتهم الا بعض الاشخاص يطلع مثلي تمام ويصر اني ماادفع له شي ويطلب مني انه يصلح سيارتي

وللاسف من مشاهدتي للحوادث فيه ناس ماشاء الله الله منعم عليهم وعندهم ملايين ومايسامح احد لو يصدمه شخص فقير او شاب ماعنده شي مايتنازل عنه ويحاول ياخذ منه لو ثلاثمائة ريال بصراحه مرض وقرف

اخر واحد صلحت له سيارته كلفتني سبعة الاف ريال وسيارة الولد كلفة ايضا

وقبله باكستاني عليه الخطأ ميه في المية ولا اخذت منه ريال وكفيله رفض اني اصلحها وقالي يكفي انك تنازلت عنه قلت له بس ماتحمل الباكستاني شي قالي لاتخاف عندي ورش اصلحها فيها مايدفع شي

حتي الان بعد التأمين ماعمري استخدمته مع اني مأمن على كل السيارات اصلح السيارات على حسابي يكفينا ان الله نجانا منها والله اول شي لازم تسويه تحمد الله انه سلمك وسلمه من الحادث الباقي مايستاهل تتشدد فيه

المشاركة الأصلية كتبت بواسطة ttt104

حقك ضايع .....فقط يوقفون خدمات خصمك وتمضي الاشهر والسنين ولن تستفيد شي

المشاركة الأصلية كتبت بواسطة سبعة ملايين

العالم ما عاد مثل أول تأمن على سياراتها.
أمس زميلي بالعمل يحكي لنا سالفته مع من صدمه قبل 5 شهور، وتسحب بالمحاكم وإيقاف خدمات على من صدمه، سعروا الصدمة ب 17 ألف ريال، وطرح منها الشيخ 5 الاف ريال وصفى على 12 ألف ريال، خصمه اللي صدمه كل شهر يدفع 200 ريال لمدة 60 شهر 5 سنوات متخيلين معي لأنه راتبه رايح اغلبه بقرض عقاري وهذه إمكانياته لا يستطيع يدفع اكثر من 200 ريال بالشهر، عاد زميلي شوي ويبكي يوم يسولف علينا.

والمغرب مفطرين عند جارنا ويسولف واحد صادمه عاطل لا وظيفة ولا شيء وموقفين خدماته، يكلم خصمه ويقول من وين اجيب حقك أسرق، أنا أصلا مستحق للزكاة وقفل بوجهه، ولا عاد يرد على اتصالاته وسافهه.

علشان كذا انتبهوا ما دام تأمينك ضد الغير فأنت بخطر، يمكن يصدمك واحد الخطأ عليه 100% وظروفه صعبة أو بايعها بريال، فحدك توقف خدماته، ما عاد فيه سجن، إذا مغنيك الله فأمن تأمين شامل خاصة إذا موترك غالي.

.

المشاركة الأصلية كتبت بواسطة السامر11

وليش ما يطالب المرور اصحاب السيارات الغير مؤمنة ويلزمونهم او حجز السيارات المخالفة