كان عندي صديق كبير في السن معانا في العمل رحمه الله عرض علي شراء فرن خاص فيه بجوار الحرم بخمسين الف ريال قلت خليني اشوفه لما جيت للموقع حصلته مبني قديم من الطين والسقف طايح وباين كانه كومة تراب كبيرة
قلت له ماينفع لي يمكن تحصل له مشتري غيري وبعد كم سنه دخلت المنطقة الموجود فيها الفرن في التعويضات وقدرو له الفرن بمبلغ مليون واربعمائة الف واول من بارك له انا وقلت له شايف لو بعته بخمسين الف كان خسارتك كبيرة بس منظر الفرن والسقف طايح عليه كان خير لك حتى ماحد يشتريه لانه عرضه على كثير غيري ورفضوا يشترونه
فالارزاق بيد الله وهذا الرجل كان محتاج لمبلغ خمسين الف ريال والله رزقه مليون واربعمائة الف ريال ومع ان مبلغ بيع الفرن يعتبر بسيط خمسين الف ريال ماحد رضي يشتريه لانه مكتوب لهذا الرجل
15-03-2024, 09:57 PM
