افضل شي تشتري غسالتين وجهاز تنشيف
غسالة اتوماتيك 10 او 14 كيلو تستخدمها لغسيل الملابس والمفارش والبطانيات الصغيرة والافضل تكون التعبئة علوية
وغسالة عادية القديمة ام حوضين واحد للغسيل وواحد تنشيف هذي تستخدمها للملابس البيضاء لان التنظيف فيها ممتاز عكس الاتوماتيك في الملابس البيضاء التغسيل ليس جيد
وتشتري نشافة لوحدها تحط فيها كل الملابس بعد الغسيل وتسيبها تنشف وبعد ماتخلص تصرها في الدولاب ماتحتاج كوي الا بعضها
اذا عندك فلوس توجد غسالات ال جي اتوماتيكية سعرها غالي بس تغسل الملابس وتنشفها ولها فلاتر للتنشيف ماتطلع بخار فيها علبه صغيرة تفكها وتنظف الماء منها وهي الافضل بس مشكلتها سعرها غالي
توجد مشكلة في بعض الغسالات والنشافات تحتاج كهرباء قوية ولازم تشبك لها من طبلون الكهرباء اذا ماكان عندك تمديد كهرباء جيد ولازم تستخدم لها افياش 45 انبير ماينفع اقل من هذا تنحرق وخصوصا الغسالات والنشافات الامريكية
انتبه لبعض الغسالات بعد ماتخلص غسيل تفرغ الماء من نفسها ومالها حل لاتستطيع تغيير هذه الاعدادات وبتلبش فيها لو توقفها تفرغ الماء ويبغالك تعبيها من جديد بس هذه الغسالات قديمة ماادري اذا كانت موجوده الى الان
الغسالة العادية ابو حوضين القديمة ضرورية في البيت بعض الاحيان تحتاج تغسيل اشياء بسيطة تحط الماء على قدها وتغسلها بينما الغسالات الاتوماتيكية تحتاج تعبي الماء ويعتبر اسراف ماله داعي حتى فترة الانتظار في الغسالة العادية اقل تقدر تحط المدة الي تحتاجها للغسيل
اذا عندك عماره جديدة وتريد تأسيس غرفة غسيل لازم تسوي ثلاثة اماكن للماء البارد والحار وحسب الغسالات الموجوده في السوق يعني تحط بعضها فوق الغسالات وبعضها تحت الغسالات لان طريقة شبكها يختلف
ايضا لازم تسوي ثلاثة اماكن تصريف للماء ماهي نفس المكان السباك يعرف فين يسويها طبعا الغسالات العادية يكون التصريف في الاسفل والغسالات الاتوماتيكية يكون التصريف في منتصف الغسالة تقريبا السباكين يعرفون كيف يسوونها
ايضا في تاسيس غرفة الغسيل لازم تسوي عدد افياش كافي على الاقل اربعة افياش وتكون فيه مسافة بينهم وتكون هذه الافياش معزولة موصلة مباشرة من الطبلون لمكان غرفة الغسيل والسلك ستة ملي لان بعض الغسالات والنشافات خصوصا الامريكية اذا شغلتها تسحب الكهرباء ولو فيه اجهزة اخرى مشبوكة معاها ممكن تنحرق بسبب تغير تردد الكهرباء ويصير غير ثابت للحظة يحرق اللمبات والاجهزة
غرفة الغسيل تحتاج هواية كبيرة وشباك كبير حتى يتغير الهواء داخلها ولا ينتقل للمنزل وايضا تخف روائح ادوات الغسيل
شوف الضمان مهم في الغسالات الجديدة الاتوماتيكية لانك ماتقدر تصلحها عند المحلات تحتاج توديها للوكيل لان العمالة التي تعمل في المحلات لاتعرف كيف تصلحها لذلك خذ ضمان يمتد لسنوات وفيه نوعين من الغسالات بعضها يستخدم السيور العادية وهذي تحصلها رخيصة وضمانها محدود وبعضها تستخدم محركات خاصة اعتقد بشركة سامسونج وال جي سعرها اغلي شوي بس هذه المحركات عليها ضمان طويل الامد ماتخرب بسهولة وانا انصحك تشتري هذه النوعية