شف طال عمرك فية نصب غير طبيعي
انا دخلت اليوتيوب وتعلم منة اشياء
كان عندي المكينة تنقط من تحت وكل واحد يبغى يسرق
رحت شريت سيلكون الماني حراري ب 25 حبتين ورفعت السيارة في الحوش ونزلت الزيت ونظفتها زي الفيديو وبعدين اخذت بخاخ تنظيف مع بنزين للمناطق الي فيها تراب ومشحمة ودعكتها وفركتها
حطيت السيلكون ورجعت الصحن وقفلت البراغي مية مية واليوم الثاني شغلتها نصف ساعة بعد ماعليتها زيت رخيص حق تجربة وخليتها 3 ساعات افحص التهريب ولا نقطة فكيت الزيت وعبيتها زيت اصلي ودق سلف يابطل مية مية ولا نقطة ولا تهريب
السبب الوجة او السيلكون اذا كانت مستعملة ولنعمل لها تصفية من اول
اما اذا كان التهريب يطلع من المنطقة الي بين الماطور والمحرك فهاذي شغلها ورشة
روح عند مغسلة ديزل تريلات يغسلوها من تحت ديزل وعلى طول عند ورشة مكيانيكي يفحص مكان الزيت وانت معاه في الحفرة وشف اذا كان الكاركتير فقط او بين الماطور والقير هذي الصعبة
ارجوا اني افدتك