سؤال للرجل سعودي ؟

20-07-2023, 12:33 AM

المشاركه #25

yas2000

محلل فني

تاريخ التسجيل: Nov 2007

المشاركات: 12,508

نجي لثانياً .. معرفك الإنجليزي اللي اول ما كتبتي الموضوع ههههههه هذا وش معناه بالله .. من جد وش معناه يا جماعة ولا حاطين نجمة الملتقى ههههههههههههه اقول الله لايبارك باللي رفعك للسماء وخلاك نجمة وبلشنا فيك ... نجمة الملتقى ... المفروض يحطون كوكب .. نيزك .. اعصار .. قارة .. عطارد مثلاً .. مجموعة التبانة .. يعني مثل كذا فيه تشابه بالمحتوى والشكل والخبرات .. أما نجمة الملتقى اسمحوا لي اللي اختار هاللقب ماعنده سالفة والظاهر إنه منكمخ ساعتها .

قضينا من ثانيا ً

20-07-2023, 12:37 AM

المشاركه #26

yas2000

محلل فني

تاريخ التسجيل: Nov 2007

المشاركات: 12,508

وقت العشاء ... راجعين يا زحل الملتقى .. تونا فيه ثلاثين نقطة خلصنا من ثنتين بس

راجعين

20-07-2023, 01:25 AM

المشاركه #27

yas2000

محلل فني

تاريخ التسجيل: Nov 2007

المشاركات: 12,508

رجعنا يا اخت نيزك .. ههههه تعشيت على السريع بوفيه مفتوح وشفت وحدة تشبهك مع فارق اللون حمراء وفيها بهق ومزلطة وعمرها الف سنة وشعرها أصفر نصفه شيب جلست عند طاولتي .. صراحة سدت نفسي مشفوحة الله ياخذها .

ماعلينا وين وقفنا

20-07-2023, 01:34 AM

المشاركه #28

yas2000

محلل فني

تاريخ التسجيل: Nov 2007

المشاركات: 12,508

ايه وقفنا عند ثالثاً ... وش هالكلام والعبارات .. نافشن ريشه وريش يتطاير .. وين يا اخت عطارد وينك فيه وانتي تكتبين الموضوع بحراج طيور ... والله ما استبعد إنك من رواد حراج الطيور وإلا حراج ابن قاسم

ريش أجل ... وش هالزوج غراب مثلاً وإلا ديك .. ريش ونتف وجنحان والله ما الوم الغراب إذا أخذ اجنبية معذور شكلها تكتب بالجوالات القديمة ولابسة عباية تسحب بالأرض ونصفها غبار .

ريش يا ناس بالله هذي عبارات وعلى بالها مستفزة .

20-07-2023, 01:52 AM

المشاركه #29

yas2000

محلل فني

تاريخ التسجيل: Nov 2007

المشاركات: 12,508

غريبة ما احد دخل يفزع للأخت المشتري ... والله بالعادة الفزاعة واجد ... لا الآن تأكدت مليون بالمية إننا بمقبرة والعالم ماتت وشبعت موت

ساعتين ولا أحد دخل يفزع لكوكب الملتقى

ادخلوا شاركوا والله إني فاقدكم من سنين

بالعادة يجيك صنفين طايرين بالعجة

الصنف الأول مطوع وفاهم المنتديات خطأ ويعتقد إنك ليبرالي وناشر للفساد وتتدافع عن الأجنبيات ... الخ

الصنف الثاني مخفة ويعتقد إن الحريم راح تدوخ معه .. الله يخليك يا قلبي ما قصرت رايتك بيضاء ... يقطع هالوجه يا المخفة هذي منتديات لا تطير بالعجة ونصف المعرفات اصحابهن غير حريم

عاد أنا ما أعرف نيزك الملتقى قصدي نجمة الملتقى ووالله أول مرة اشوف معرفها بس من خبرة بالمنتديات اقول هالشيئ .

لا لا لا الملتقى صاير مقبرة مافيه أحد ههههههههههههههه

20-07-2023, 02:02 AM

المشاركه #30

yas2000

محلل فني

تاريخ التسجيل: Nov 2007

المشاركات: 12,508

والله إني مليت اروح اسهر تحت بلا قلق .. احتمال ارجع لك يا قارة الملتقى

واحتمال تكون هذي آخر مشاركة .. عموما تراني العب عليك متزوج وحدة تسوى مليون أجنبية لا والله ماهن مليون إلا مليار اجنبية لا هونت الحريم كلهن من اولهن لآخرهن وأنا ضد التعدد إلأا عند العدل

مليت منك صراحة احسك ثقيلة دم يالله تصبحين على ريش قصدي خير

20-07-2023, 03:19 PM

المشاركه #31

yas2000

محلل فني

تاريخ التسجيل: Nov 2007

المشاركات: 12,508

يالله صباح خير وش صبحنا عليه .. اذكر إني البارح مستلم كاتبة اسمها نجمة الملتقى

وش صار عليها ردت وإلا تفرج من بعيد

ههههه شكلها بلشانة بنتف الريش

اللحين انتي ليه ما تردين تونا ما بعد تناقشنا وعطيك المفيد ... السابق بس مقدمة مستغرب من رفعك للموضوع

كل اللي فات طراطيش كلام يا أم الريش

يالله ناقشي وإلا شفت قبر غيرك انبشه ... أنا فاضي مع عندي شغل

20-07-2023, 03:27 PM

المشاركه #32

yas2000

محلل فني

تاريخ التسجيل: Nov 2007

المشاركات: 12,508

يا أم الريش والله أنا نيتي طيبة وأبيك تعيشين مبسوطة ومتهنية مع زوجك ابو الريش

اسمحي لي أنا متعاطف معك وأعرف طبيعة اللي يعددون عارفهم وعارف طريقة التعامل معهم

بس إنتي الله يهديك يا أم الريش ما فهمنا منك بالضبط حالتك لازم تاخذين وتعطين علشان نصرف لك علاج تمام

يخلي ابو الريش يلعن الساعة اللي زعلك فيها ويرجع ندمان وينسى ذيك اللي ما تسمى

لك إلى نهاية اليوم .. إن ما رديتي عز الله راح تبلشين زود على الريش وتنتيفه راح تستمر حياتك بمعاناة وراح تكرهين كل سعودي

تتخيلين انه مثل ابو الريش الله يهديه

ما نرضها عليك الحياة حلوة يا ام الريش بس نفهما كويس

20-07-2023, 07:45 PM

المشاركه #33

أم النمور

عضو هوامير المميز

تاريخ التسجيل: Dec 2009

المشاركات: 6,006

اقتباس:

المشاركة الأصلية كتبت بواسطة stockah

سؤال كان يدور في بالي عقب قرأتي لمواضيعكم الي تخص المرأه....
واتمنى مل كل ضبع سبع تمساح سعودي الاجابه عليه

:10: :10: :10:

ليش السعودي لما يتزوج سعوديه ينفش ريشه عليها كنه طاوس
ولو تزوج اجنبيه كنه كتكوت ؟؟؟؟
لحد يقولي انتوا السبب
اقوووووووووول اها بس
وجاوبني بطريقه منطقيه لو سمحتو
دمتوم بويد وتغدير على قولة اخونا الزوله
:11: (_ :11:

معليش اجــاوب
طــاقة البنـــت الســعوديه كــــذا ... تعطي غيـــرها "شريك حياتها " الجمــــال والهيبـــه والمـــــال ، الســـعودي مــاخذ جمـــاله مــن أمـــه وهيبـــته من زوجتــه " الســعوديه"
ولى صــــار عنــده بنـــت ..خطـــابها عيــــال الخليــج دايــم صــافين طــابور ، عشـــان كذا عيــال عمهــا صــاكين عليــنا اقصد علي السعـــودية

يعنــي ما يحــق له ينفــــش ريشــه؟!!! الا اكــــيد بينفـــش

غيـــر الســعودية ( مــع احتــــرامي لهــن).. أقـــــدر وأثـــمن الي تــــسويه له.. من تقــيم خدمــات خصــوصاً بالأكــل
تــأكله وتـــأكل عيــاله .. وللأســف هذا الي يهمــه بــس يــلا .. أهــم شي أكــله .

للمعلــوميه .. ما احـب اطبــخ

26-08-2023, 11:08 AM

المشاركه #34

نوره 22

عضو هوامير المميز

تاريخ التسجيل: Oct 2021

المشاركات: 26,892

مستحيل احد يرد ويقول كلمه الحق

02-10-2023, 03:50 PM

المشاركه #35

yas2000

محلل فني

تاريخ التسجيل: Nov 2007

المشاركات: 12,508

اقتباس:

المشاركة الأصلية كتبت بواسطة yas2000

يا أم الريش والله أنا نيتي طيبة وأبيك تعيشين مبسوطة ومتهنية مع زوجك ابو الريش

اسمحي لي أنا متعاطف معك وأعرف طبيعة اللي يعددون عارفهم وعارف طريقة التعامل معهم

بس إنتي الله يهديك يا أم الريش ما فهمنا منك بالضبط حالتك لازم تاخذين وتعطين علشان نصرف لك علاج تمام

يخلي ابو الريش يلعن الساعة اللي زعلك فيها ويرجع ندمان وينسى ذيك اللي ما تسمى

لك إلى نهاية اليوم .. إن ما رديتي عز الله راح تبلشين زود على الريش وتنتيفه راح تستمر حياتك بمعاناة وراح تكرهين كل سعودي

تتخيلين انه مثل ابو الريش الله يهديه

ما نرضها عليك الحياة حلوة يا ام الريش بس نفهما كويس

أم الريش كيف الحال

جالسة ترفعين مواضيع مغبرة وتبين موضوعي ينزل تحت ليه يا أم الريش ؟

أنا وش سويت لك بس اعلق على موضوعك المغبر واللي مدري وش تبين منه حتى الآن

لا انتي اللي ناقشتي وخذيتي وعطيتي ولا انتي اللي سلمنا من رفعك للمواضيع اللي منيب قايل مثل ههههههه وإلا خلاص .

اقول اهجدي شوي كم يوم خلي موضوعي فوق يقرونه الأعضاء

انتي فين تشتغلي يا نوير

اعترفي وش شغلك بهالمنتدى هاه تستلمين راتب من المختصر كل شوي بازعة برفع موضوع

المهم لا ترفعين المواضيع ترى وقسماً بالله لأتفرغ لك وأنتف ريشك

ههههههه

02-10-2023, 05:34 PM

المشاركه #36

نوره 22

عضو هوامير المميز

تاريخ التسجيل: Oct 2021

المشاركات: 26,892

اقتباس:

المشاركة الأصلية كتبت بواسطة yas2000

والله من قل ما ردت ههههه

موضوع من سنة نوح رافعته ومعرفات مدري منين طلعت

وغبار وعج وكسافة

وش اللي وهقنا يالله محاولة استفزاز بسيطة

تدرين اني متزوج ثنتين وحدة منهن اجنبية

يالله ردي علشان اعطيك من خبرتي

هلا فيك
زين انك تمزح

للرجل

سؤال

سعودي

اقرا ايضا

الكوب الورقي

بمناسبة تفعيل العضوية .. إهداء مع التحية الى (هوامير البورصة)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى