السلام عليكم ورحمة الله وبركاته

تحيه طيبه

تقبل الله منا ومنكم صالح الأعمال والطاعات يارب

المعذره منك ارسلت لك خاص والله لحاجه معرفه اسباب هالنزول اللي ضرب سهم عنايه هل هو تخويف او نصبر انا اثق فيك ومن المتابع لك بكتباتك بالمنتدي

السلامعليكم
سؤال ؛:: بالنسبه للخليجيه كم المدة بين التخفيض والرياده

مافهمت ذالك

السلام عليكم

صباح الخير
مالنا بالطيب نصيب
ودنا نعوض خسايرنا
الله يجزاك خير

مرحبا اخ بوسعود واتمنى أن تكون بأتم صحه وعافيه , معاك أخوك محمد من المحاربين القدماء في سوق الأسهم وممن عاصر جميع أنهيارات السوق
أولا أرفع لك القبعه على كلامك عن العقارية وشرحك الوافي عن وضعها الحالي والمستقبلي ومتابع كلامك عنها وهي ب 12 ريال . أنا مادخلت السهم الا في مناطق 14.5 وللأسف ماقدرت أمسك السهم يعني اربح لي ربع او نص ريال واطلع وأرجع ألحق السهم مره ثانيه واعتقد ان هذا بسبب معاصرتنا للأنهيارات السابقة . المهم مالك بالطويله عزيزي انا دخلت في العقارية آخر مره يوم الخميس بكمية بسيطه بسعر 16.5 وابشرك مازال عندي السهم . سؤالي لك ياغالي بحكم متابعتك للسهم ومعلرفتك بخفايا السهم انا ناوي ازيد الكمية بالسهم يوم الأحد وأيغى أعرف نظرتك للسهم في المستقبل القريب ( 6 شهور ) وبدون أي مسؤليه عليك هل تتوقع أن السهم يصل لمناطق ال 25 قريبا وهل مافي خوف على السهم من أعلان السهم للنتائج لأنه كما تعلم محقق خساير بسبب توقيف معظم أراضي الشركة . والله يجزاك خير ويرحم والديك
.

هلا اخوي ابو سعود
بخصوص العقاريه واهتمامك فيها كا استثمار
انا درست الشركه وتوصلت بفضل الله للاتي ( خلاصه )
1- بخصوص ارض الوديان الصافي بعد التطوير حوالي 4.2 مليون متر موزعه بين اراضي مخصصه (ابراج وتجاري وسكني وترفيهي)
يقدر متوسط السعر(مع التحفظ ) 5000 ريال للمتر
5000 × 4200000 = 21 مليار (ربح خرافي)
2- كما تفضلت الذي يقود الشركه والشركات التابعه الان هو صندوق الاستثمارات
3- الشركات التابعه شركات متخصصه وذات تقييم وتصنيف عالي وهذه اخطبوط تمتلكها الشركه تقدر بمليارات كثيره وهذا سوف يحلق بقيمة الشركه بعد الطرح وعلاوة الاصدار
4- العقاريه ذراع من اذرعة رؤية 2030 ( وسوف يكون لها الاولويه بالاستفاده الكبيره من فرص الرؤيه )
5- العقليه القديمه للشركه بالاعتماد على التاجير وانشاء الوحدات وبيعها فقط انتهت والان رؤيه جديده تتبلور (تعظيم العائد )

الخلاصه
سهم الشركه العقاريه والله اعلم سوف يدخل في الثلاث خانات
وبالنسبه لي شخصيا استثمرت في هذه الفرصه بحوالي 90 % من محفظتي

مساء الورد ياورد
العقاريه هل له سعر اعلى مرصود لو تقريبي
لو فيه سهم ثاني تنصح به اكون ممنون
تحياتي يابوسعود

السلام عليكم مساء الخير يابو سعود الله يبارك فيك كم تتوقع ياصل الخليج للتدريب لأن عندي كمية فيه حفظك الله ووفقك وأسعدك

هلا ابوسعود
ليش ماتقول لي راجع الخاص حالي حال المسلمين
هذاني جيتك خاص بلا احم ولا دستور
اولا سامحني على هالحركة لكن أثق جدا فيك ومن متابعتي لمداخلاتك مع الاعضاء اقولها ولا أجاملك انك تحب تفزع شفتك من كذا رد خاصة ذاك اللي محتاج طبيب نفسي كل ما شرا ماظبطت معه حسب ماأذكر وقلت له رح ع الخاص وايضا من كلامك احس ان عندك معلومات عن الشركات ماهي بسيطه
مالك في الطويله سبق وتواصلت معك عن ثمار اللي مخسرني خساره ماقد خسرتها ونا مبطي في الاسهم لكن ورطت
وسالتك عن انعام وقلت لي انه من الاسهم اللي تحتاج صبر
ووعدتني بتعطيني سهم على ما أذكر
فضلا اذا فيه بمعرفتك سهم سهمين تأمين او غير تأمين أهم شي يعوض لو جزء من خسايري وطبعن لا احملك اي مسؤليه القرار قراري فقط علمني متى ابيع اذا أمكن
تقبل خالص التحية والتقدير

السلام عليكم وحياك الله ابو سعود وارجو ان كان عندك تطمين او مايفيد عن العقارية جزاك الله خيرا وبارك فيك .

السلام عليكم
معلش على الازعاج
عندي اسهم اصليه بسلامه 3200
وحقوق كثرهم 3200
الحين لو بعت الحقوق عشان اعدل بسهمي الاصلي ..
هل الاسهم الاصليه 3200
تنقص والا تبقى ري ماهي محد يلمسها