|
السفره قربت ( للفلبين ) .. وين اهل الخبره
ان شاء الله قريب رايح للفلبين
وهذي اول سفره لي لمانيلا ياليت تفيدونا عن افضل الشقق في مكاتي حنا اربع اشخاص ويلزمنا شقه من 3 غرف وصاله ومطبخ وتكون في مكان حيوي وقريبه من كل شي او تفيدونا عن رقم سمسار شقردي او سمساره يسنعونا واكون لكم من الشاكرين |
رد: السفره قربت ( للفلبين ) .. وين اهل الخبره
مانيلا مدينة صاخبة وحارة شوي .. اهم المناطق السياحية جزيرة بوركاي اذا مازرتها مارحت الفلبين والاسعار رخيصه
|
رد: السفره قربت ( للفلبين ) .. وين اهل الخبره
في مانيلا اسكن في مكاتي في اسكوت شقق فندقيه ممتازه وموقعها في ارقى منطقة القرين بلت وتقدر تحجزها عن طرق بوكنق او اقودا
واذا بتطلع من مانيلا وتبي تروح جزر مثل مت قالك ابا صقر روح بوركاي بس يبي لها طياره واذا مالك خلق تركب طياره وتبي جزيرة قريبه من مانيلا عليك في بورتوقليرا واي خدمة حاضرين يا غالي نصيحة ابعد عن السماسره |
رد: السفره قربت ( للفلبين ) .. وين اهل الخبره
اقتباس:
الوجه لمانيلا فقط . بناخذ اسبوع وبعدها لاندونيسيا وبوركاي اسمع عنها كثير ولكن ليست مجدوله من ضمن الرحله الوجهه في الفلبين فقط لمانيلا |
رد: السفره قربت ( للفلبين ) .. وين اهل الخبره
بدون سماسره ولا شيء
أحجز بهالفندق وخذلك شقة من غرفتين ومطبخ وغرفة أضافية الشقق قريبة يم المنطقة الحيوية بمكاتي أفينيو على بعد 100 متر من برقص وهذا موقعهم http://www.lourdessuites.ph/ عندي أرقام سمسارات بس ماأنصحك بهم خلك حر وخصيم نفسك هذه الشقق سعرها 2 غرفة نوم ومطبخ وصالة 4500 بيسو طبعا راح تضيفون غرفة نوم بحقها بس ترى يحبه قلبك شعبي وقريب يم كل الي تبيه |
رد: السفره قربت ( للفلبين ) .. وين اهل الخبره
ح
من خلال تجربة لااوصيك تأخذ العزبه معك :- الارز - البهارات - القهوة وتوابعها - التمر - طحينة حلوان - كرتون جبن مثلث - زيتون - لو يصل لك تأخذ كرتون دجاج مجمد وتضعه في حافظة ثلج اعرف بتستغرب لكن الدجاج عندهم مخنوق - وانا اخاف من مشتقات الاجبان عندهم ممكن دهن خنزير - التيوس تلقاها اي واحد يقول لك او افتح النت وتلقاهم مسلمين تروح وتجي بالسلامة |
رد: السفره قربت ( للفلبين ) .. وين اهل الخبره
اقتباس:
اسمع عنه كثير اسكوت . بس ياليت اعرف كم الاسعار لاني اسمعه عنه اغلى شقق فندقيه في مكاتي واهم شي عندنا الصاله والمطبخ عزبتنا معنا . نطبخ وننفخ |
رد: السفره قربت ( للفلبين ) .. وين اهل الخبره
لاتنسى تروح للشلالات بس انتبه من اللي يؤجرون قوارب تراهم نصابين واخلاقهم شرسه مايحبون احد يتناقش معهم اتفق معهم قبل ولازم تأخذ معك ملابس غيار غير ملابسك علشان الميه رايح تحوسكم او ملابس بلاستيك تلبسها فوق ملابسك ولاتنسى تأخذ كيس بلاستيك تحط فيه اغراضك وجوالك وجوازك عن الماء ماتتبلل مهم جد هذا الكلام - بالنسبه لبروكاي شاطيء جميل وهدوؤ والليل نووووم |
رد: السفره قربت ( للفلبين ) .. وين اهل الخبره
اقتباس:
حفظت الرابط في المفضله وسعره ممتاز بس ياليت اعرف هل الصاله شرحه والغرفه الاضافيه هل هي مفتوحه مع الشقه |
رد: السفره قربت ( للفلبين ) .. وين اهل الخبره
اقتباس:
غرفة بصالة ومطبخ والصالة شرحه فيه غرفة آخرى تفتح على الصالة فقط لكن لو رغبت غرفة إضافية خلهم يحجزون لك غرفة مقابلة للشقة وهذا أفضل لكم حتى تكون هذه الغرفة مستودع لأغراضكم وبعيده عن أعين الطباخة والضيوف نصيحة لك ومن تجربة هذا الفندق خطوتين إلا وبرقص جنبك خطوة وكل شيء بجنبك شخصيا سكنته فوق 5 مرات كان سابقا أسمه ريجينس لكن أشتراه شخص صيني ورممه من بكرة أبوه وغير أسمه الى لوردس هنالك أفضل منه بس صدقني لن تنبسط إلا في هذا المحل وحتدعي لي لو حبيت ملاتي بدل مكاتي عندك شقق ربونسون الفندقية حلوة جدا بس مكاتي في الليل شي وجو خيالي وخاصة برقص لايفوتك هافانا كافيه في القرين بلت وهذه أسماء أماكن لاتفوتها لو بغيت طباخه كلم وحده أسمها ديبي رقمها 00639159032888 راعيت فزعات وتجيب طباخات على كيف كيفك روحو زورو أنجلس سيتي حلوه وخاصة فيلد أفينيو mall of asia gloria mall robinson fire house manila bay cafe pump disco mango socialista كلب شهرزاد دندشة mbc شوف لا أوصيك زور هذا المكان بعد العشاء Jerraf وراح تدعي لي تحياتي |
رد: السفره قربت ( للفلبين ) .. وين اهل الخبره
اقتباس:
والعزبه لها شنطه خاصه من قدر الضغط وانت ماشي للفناجيل خخخخخ من ناحية الدجاج مالقا عندهم دجاج وحنا نشغدله |
رد: السفره قربت ( للفلبين ) .. وين اهل الخبره
فيه محلات بسوق الدجاج يبيعونك دجاج حي وأنت تذبحه بنفسك ويسلخونه وينظفونه
مثل التيوس تذبحها بنفسك وسوق السمك لاأوصيك عليه لاتنسى تاخذ فول وفاصوليا ونواشف جبن كرافت + زبدة فول سوداني+ وكثل ماقال لك الأخ الي فوق |
| 04:27 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك