في الاستراحة هذا اللي حصل وهل هو معه حق ؟
نحن خمسه اصدقاء في الاستراحة
وجاء ضيف لواحد من الاصدقاء وسوا له عشاء في مطعم هذا الصديق لضيفه وعلمنا ورحنا كلنا وماعلم صديقنا الخامس في الاستراحة ؟ وجينا للاستراحة وهو موجود وأكيد درا وشافنا جايين واكيد جاء في خاطره بس جلس صامت ولا قال شي وكتم في خاطره وهذا يدل على اخلاقه بس أنا جاء في خاطري من صديقي انه سفهه ولا علمه ويمكن نسى او ماامداه يعلمه بس هو غلطان للاسف بس وش رأيكم باللي حصل وهذا صديقنا له شهر ماعاد جانا في الاستراحة بعد ماسفهه خوينا ماعزمه ويعطيكم العافيه |
رد: في الاستراحة هذا اللي حصل وهل هو معه حق ؟
موضوع راح ولانت طرف فيه لاتحفر فيه وتدور الغثا
|
رد: في الاستراحة هذا اللي حصل وهل هو معه حق ؟
اقتباس:
انا اقصد له حق يزعل من خوينا ؟ وردة فعله عجيبه ماسوا مشكله ولا تكلم وترك الاستراحه ؟ لو انت مكانه بتسوي نفس رده فعله ؟ |
رد: في الاستراحة هذا اللي حصل وهل هو معه حق ؟
نصيحة لاتطري له الموضوع ولاتذكره فيه الا اذا هو فاتحك فيه وحتى اذا فاتحك هو خله يحس انك ماتدقق في شي
اذا كلمته هالحين بتشيشه وتقلب مزاجه وتخليه يركز على الموضوع |
رد: في الاستراحة هذا اللي حصل وهل هو معه حق ؟
الحل
تتصل على خويكم وتشوفون عذره وليش ماعاد جاكم يمكن الرجل عنده ظرف أو مشكلة أو مريض وصراحة ماهي زينة ولا اللي سواها فيه خير دام بعزم الغالبية أكمل عليهم كلهم وإلا من البداية آخذ ضيفي وأكرمه بالبيت بعيد عن الإستراحة أو بمطعم لحالنا وإلا أجيبه الإستراحة ونطيب فاله مع الربع ومعروف نظام الإستراحات كنت قاط بإستراحة فترة أي ضيف يأتي هو ضيف عند الجميع ومع التمدن اللي حاصل حتى الضيوف حاليا يفضلون الإستراحات لبعدها عن الإزعاج |
رد: في الاستراحة هذا اللي حصل وهل هو معه حق ؟
واضح انه رجل محترم وشهم .
خذ الأمور من قاصرها واشترى كرامته دام خويك ما عبره ولا يرتاح له . اتصل فيه وقله حدد موعد أبي أصلح أكلات بحرية جايبها من الدمام وإذا واعدك 100% حط له هرفي صغير تشتريه 700 + 200 طبخ وتجمل مع الرجال ورجع كرامته . |
رد: في الاستراحة هذا اللي حصل وهل هو معه حق ؟
هو الوحيد المحترم فيكم .
ومتربي عند رجاجيل . وسامحني .. |
رد: في الاستراحة هذا اللي حصل وهل هو معه حق ؟
أسأل رفيقك لا تخليه وشوف وش في خاطره ،، يمكن الجو العام مهوب عاجبه وما صدق على الله بهالسالفه تصير وانسحب بهدوء ,,, بس صراحه طريقة صاحبكم في عزيمته وتهميش الرجل مهيب زينه ولا تطلع من رجل يعرف السلوم.
|
رد: في الاستراحة هذا اللي حصل وهل هو معه حق ؟
ويش الخرطان حق العجايز باين انك فاضي
|
رد: في الاستراحة هذا اللي حصل وهل هو معه حق ؟
اقتباس:
اقتباس:
الرجل طلب نصيحة وقلبه على صاحبيه ويسعى لاصلاح ذات البين (( أنه عملة نادرة في زمن المال الملوث )) |
رد: في الاستراحة هذا اللي حصل وهل هو معه حق ؟
رأيي انك تمسك المعزب وتساله ليش ماعزم الرجال
اذا تعذر بتصريف افهمها انه مايبي خويك واذا تعذر بعذر زين حاول تقرب وجهات النظر وتجمعهم مع بعض بطريقتك |
رد: في الاستراحة هذا اللي حصل وهل هو معه حق ؟
المثل يقول :
انا مايهمني بطني ، لكن يهمني قدري .. طبعا معه حق يزعل هذا الصديق .. |
11:41 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك