هل سوف تاخذ او أخذت قرض للزواج .!
السلام عليكم ورحمه الله وبركاته
بعض الناس اذا فكر يتزوج على طول في باله فكرة انه ياخذ قرض الزواج 60 الف ريال ويجلس يسدده 5 سنين وكل شهر يخصمون 1000 ريال من راتبه والغريب ان الطلبات قروض الزواج مثل ما وصلتني انه لمختلف الرواتب يعني تحصل اللي راتبه حول 3 ياخذ واللي حول 15 ياخذ !!! وبعضهم عندة بحسابه مبلغ وقدرة وكافي وايضاً ياخذ قرض للزواج انا عن نفسي صح راتبي جيد ولا عندي التزامات من قروض او اقساط سيارة لكن ما افكر يوم اخذ قرض للزواج حتى لو ما في من رصيدي الا 1000 ريال ولا اقول هالكلام لانه يعتقد البعض اني ولد نعمه او يعتقدون ان اقاربي بيدعموني وقت الزواج ابد اقاربنا عمرهم ما دعموا احد بقرش ولا عندنا نفس بعض الناس اقاربه يعطونه عانية عند زواجه صحيح يمكن احصل من اخو ولا اخت دعم مالي لكن غير كذا ابد حتى اصدقائي اللي اعرفهم مطفرين ولا ماسك قرشه بهذا الوقت ههههههههه حتى ايضاً الوالد صحيح موظف حكومي لكن راتبه كله يروح للمصاريف البيت من كهرباء وماء( اخر فاتورة نزلت بـ 23 الف ريال هههههههه) والسبب من اني ما احب اخذ قرض لانه اشوف في نظري اي خصم من الراتب يعتبر سرقه في نظري ولا فيه بركه هالراتب وفوق كذا تشيل هم ان كل شهر بيخصم من راتبك مبلغ واللي يزيد همي ان المبلغ بسيط 60 الف تروح بساعتها مثل تأثيث شقه وايجارها ولا مهر وتحطه في مصاريف زواجك مثلاً واجلس بعدها حسب 5 سنين 60 شهر وانت تسدد وانا اشوف هالشي عمر ومستحيل ادخل هالمغامرة ومن هنا صرت اجمع هالمبلغ من مهر وايجار شقه ....الخ وادفع كاش في وقتها وافك نفسي من الخصم من الراتب حتى السيارة اللي معي مطلعها كاش ومريح نفسي وليش احد نفسي على القروض وانا استغرب من اللي ياخذ مادري وش الله حاده ياخذ هالقرض وليش مستعجل وليش ما يجلس يجمع وخاصه اذا كان القرض مطلعه عشان يحطه في المهر |
رد: هل سوف تاخذ او أخذت قرض للزواج .!
اخذت قرض قبل زواجي لشراء سيارة جديدة وتأثيث شقة
تكاليف الزواج دفعها ابوي الله يطول في عمره على طاعته |
رد: هل سوف تاخذ او أخذت قرض للزواج .!
اقتباس:
قرضك غير مقنع بصراحه يعني دام الوالد الله يطول بعمره دفعها لك يعني ما كمل خيره وشرالك سيارة واستأجرلك الشقه وريحت نفسك من القرض اللي بتدفعه هالسنين ووش السيارة وتاثيث الشقه اللي كلها بـ 60 الف !!! اذا تقصد قرض ثاني من بنك ليش حديت نفسك وفوقها فوائد للبنك !!! |
رد: هل سوف تاخذ او أخذت قرض للزواج .!
للرفع ....
|
رد: هل سوف تاخذ او أخذت قرض للزواج .!
لو كنت من الطبقة المتوسطه ( المعلمين ، الضباط ، مدنيي المرتبه 7 8 9 ، وماشابه فباذن الله تقدر تدخر من راتبك 3 الى 5 الاف ريال شهريا سنويا 36 - 60 الف
اربع الى خمس سنوات و عندك مبلغ كافي للزواج و البناء و السيارة بالكاش . اضف لها انك ستحصل على دعم في زواجك متوسطه 30 الى 40 الف ريال وهذا يعادل قيمة المهر او قيمة سيارة شبابية . |
رد: هل سوف تاخذ او أخذت قرض للزواج .!
المغربيه زواجها كله مايكلف 30 الف
اعرف ناس كثير تزوجوا ب 20 الف فقط لا داعي للديون ابدا الحمد لله الزواج ميسر |
رد: هل سوف تاخذ او أخذت قرض للزواج .!
واللي راتبه 4 الاف وش يصرف ووش يخلي اصلا ؟
قرض الزواج للاسف ضروره لابد منها |
رد: هل سوف تاخذ او أخذت قرض للزواج .!
بنك التسليف يعطيك قرض 60 الف ريال بدون فوائد اللي راتبه من 10 الاف ريال وتحت اما فوق 10 الاف ما يعطوه شي
ما ادري هل تغير النظام ام لا |
05:42 AM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك