رسالة خاصة إلى مضارب الأسماك

المشاركة الأصلية كتبت بواسطة Wvwx

اعضاء المنتدى الطيبين
السلام عليكم ورحمة الله وبركاته

واسمحولي بهالكلمتين ابي اوجهن لمضارب الاسماك
من حر مافي صدري

اسمع يامضارب الاسماك وبعدين معك ترفع السهم 10 هللات
وتنزله 10 ياخوي فهمنا وش تبغى بالضبط
تبي تجمع بالسهم وصله لراس المال ونطشه في وجهك وحنا نضحك
تبي تصرف علمنا وكمان بنطشه بخساره والله يعوضنا

لاتقعد تلعب باعصابنا تراك تلفتها

وبعدين انتم يا ادارة الشركة
الله عطانا بدال البحر بحرين وكلها كم طراد وشبكه
ودز من العمال يجيبون نص السمك اللي بالبحر وبلاش
ماتستحون مو عيب عليكم ولا مره ربحت شركتكم
خافوا الله والله فشله اذا انتم فاشلين للدرجة هذي
خلو لغيركم المجال اذيتونا كل نتايج الشركة خسرانه

وعذركم اقبح من ذنبكم
والله مزرعه الروبيان مابيض السنه هذي
ليه مافيه فحووووول
حطو معاهن قرش يمكن ايبيضن

وانت يامضارب الاسماك الواحد اللي نجيه في بيته ايصلح القهوة والشاهي ويعزمنا على مفطح مو يسرق اللي بمخابينا

استح على وجهك استح

وهذا آخر انذار لك
والا والله اجمع اهلي وربعي وكل اللي اعرفهم وندعي عليك

واسمحولي يالربع والله من حر مونس

والسلام ختام