ايش الفرق بين الاكسبديشن واليوكن من موديل 2015 الى 2016 وعيوبهم المصنعية

المشاركة الأصلية كتبت بواسطة الطارق56

هذا اللي خلاني اسأل

ياخوي الياباني مايسع العوائل مررة ضيق ولفلوس ماتكفي للجديد.

المشاركة الأصلية كتبت بواسطة سلطان المالكي

اليوكن او التاهو كلها ممتازه
مع واحد من اصحابي موديل ٢٠١٥ ما شاء الله عليه ماشي ٤٠٠ الف ولا غير زيت الجربكس الا قريب وماشي زي الحلاوه
مايصرف بنزين كثير في الخطوط
ابعد عن التيوتا في السيارات الكبيره محرقة بنزين
لكن الجوده ممتازه لكن الراحه لك عليها الا طبعا الكزس

المشاركة الأصلية كتبت بواسطة ابوعبد الله222

ماشاء الله والله يبارك لنا فيه
عندي أكسبديشن 2011 أسود طويل 8 سلندر أخذته وكاله وليس للبيع
مره مع العيال ومره مع السواق قرب من 400 الف أعتقد
وسفر ومكده وكانت صيانته في الوكاله الى قبل سنتين
غير زيوت وفلاتر وسير ومساعدات وفحمات ، قبل سنتين ارتفعت حرارته والسبب خرطوش ماء
وغيرته في نصف ساعه لدى أقرب ورشه ( فلبيني )
أفكر بقوه في شراء واحد جديد ولكن قصير
( الأخ الذي يقول المكيف له طقطقه نعم إذا وضعته على أبرد شئ ، ولكن أرجع تكه واحده في مفتاح التبريد ويختفي الصوت ، الملاحظه هذه منذ شراءه ولاتعيرها أي أنتباه )
الاكسبديشن ناعم ومتماسك أكثر من الجمس والتاهو الذي تسمع له طقطقات الدروج ويهربد أسرع من الاكسبديشن مع الزمن
الآن يقولون الاكسبديشن الجديد 6 سلندر
في كل الاحوال لابد من سياره أخرى تخدمك مع السياره الجديده
والله يبارك لك مقدماً .