:::::::::::::::::: ما هو اجمل بيت شعر قراءته او كتبته

المشاركة الأصلية كتبت بواسطة ثامركو

وصف خلان الرجاء مثل ضحضاح السراب يفرح العطشان شوفه يحسبنه قدير !
للردي لوهو ولد عم لاتحسب حساب كم عزيزن ذله الوقت بضيافه حقير !
الدروس انواع تطبيق ولى بنتساب بس انا اللي طبق الدرس قدام المدير !
شعر :عيد بن مربح

المشاركة الأصلية كتبت بواسطة روح الغلا
[COLOR=#6d5423

يضيق صدري كل ما هبت علي من الجنوب *** نسايمن ما ملت طعوني وقلبي ملها

وارقى على مرقاب حزني واتحرى للغروب *** وامسك جدايل هالحياة المدبرة وافلها

وأشوف وشلون الليالي تدور في الوقت اللعوب *** واجمع مسائل هالبشر في دفتري واحلها

ا

والعن ابو الحظ الردي واستغفر المولى واتوب *** واقول يالله انك تعين اللي صبر ثم شلها

ياسعود قرب لي مدام الوقت والعمر محسوب *** واسمع ياخوك ابيات من جوفي نويت اتلها

لا صارت الدعوة مابين ضلوع صدري والهبوب *** باقولها واللي عقد روس الحبال يحلها

وش عاد نرجي من زمن صارت به اكبر الذنوب *** انك على الباطل سيوف الحق تنوي سلها

اسلامك اصبح متهم والنور غيب ومحجوب *** دروبهم يا كثرها ودروبنا يا قلها

خوينا تصلاه نار الكفر ونشوفه يذوب *** وحنى نترجى من عجوز الغرب ترهي ضلها

لا عاد به فزعة ولا غيرة وحيلتنا يادوب *** نشجب ونستنكر عساها تنسمع او علها

صار التنافس بالطرب من اولويات الشعوب *** الغانية صفق لها والراقصه طبل لها

والموضة تحاصر تقاليد العرب من كل صوب *** وتفوح دلتنا زعل واعوانهم تزلها

والكل منا يشوف نفسه للتخاذل مغصوب *** حلوقنا ميته عطش يالله طلبتك بلها

يالله سترك من علومن في خواطرنا تجوب *** رحماك سهلها علينا دقها مع جلها

ياسعود خذها من نمط حكي على لسان القلوب *** اربع نصايح لحياتك ياعسى توصل لها

المرجلة هي البلد وافعال يمناك الدروب **** الأدمي يولد غريب وليا تسنع دلها

والكايدة تبغى ولد ما هو طماع وكذوب *** الرابح اللي نفسه لربه قدر يذلها

وترى الكرم عند العرب يغطي الاف العيوب *** وانك بخيل تساوي عيوب العرب ذي كلها

واحذر تحسب إن كل بير بدنيتك به ما شروب *** وإذا تجاهلت العواذل بتموت بغلها

وانا بودع راس مرقابي إذا حل الغروب *** وباقول يالله انك تعين صبر ثم شلها [/COLOR]