قالو تزوج قلت يالله عسى خير - هوامير البورصة السعودية

18-09-2012, 04:48 PM

المشاركه #1

عضو هوامير المميز

تاريخ التسجيل: Jul 2009

المشاركات: 896

الاخوه الاعضاء مساكم الله بالخير

هذه ابيات قالها واحد من الربع عزابي رافض فكرة الزواج المبكر اعجبتني واستاذنته في عرضها عليكم

قالو تزوج قلت يالله عسى خير --- لا تجيب طاري العرس كبدي تحومي

عزابي متريح ومبسوط وبخير --- نعمه كبيره ياعساها تدومي

ادبغ من الكبسه على لحمة بعير --- وعلبة مراعي طازجه كل يومي

مانيب فاضي للغثى توي صغير --- اصبر عليه لين احقق حلومي

ابي اجمع لي ملايين واصير --- هامور كل الناس تسمع علومي

وطيارة تحت الطلب شغل وطير --- ماهمني حجز السفر والقدومي

ويخت اقضي فيه بعض المشاوير --- لا صار لي عند النشاما لزومي

وقصر يغني فيه ورق وعصافير --- بجزيرة في وسط بحر تعومي

واللى يخدموني بنات غنادير --- من قومتي حتى يجي وقت نومي

من عقبها ماندري وش عاد بيصير ---- يمكن افكر واتزوج بيومي

وسلامتكم

الموضوع الأصلي : اضغط هنا || المصدر :
قصائد الهوامير

19-09-2012, 12:21 AM

المشاركه #2

ابومحمدعبدالله

عضو هوامير المؤسس

تاريخ التسجيل: Aug 2005

المشاركات: 4,316

خل الزواج وخل درب المناعير........واصبرعلى حالك عسى ما تدومي
ماكولك الكبسه كبسها مهاتير.........وملبوسـك مغسل وسمل الهدومي
جوال مع ربعك ولا لك محاذير........والعـمـر يمـضي بك بليا عـــزومي
واخر حياتك تنتســـب للمقادير........وتقــول ماربي كـتب لي ســهـومي
غيرك خذاها من بنات غنادير.........تسقيه من عذب اللمــاء مايرومي
يلقا بها عيال لها هــدة الطير.........لي هـــدها جـابت خــيار القسـومي
من يتبع السنه حياته على خير.......واللــي تعـداهـــا رفيق الهــمــومي

19-09-2012, 12:44 PM

المشاركه #3

tarab

عضو هوامير المميز

تاريخ التسجيل: Jul 2009

المشاركات: 896

اقتباس:

المشاركة الأصلية كتبت بواسطة ابومحمدعبدالله

يعطيك العافيه ابو محمد ومشكور على هالاضافه الجميله

19-09-2012, 01:52 PM

المشاركه #4

محب الخير55

عضو هوامير المميز

تاريخ التسجيل: May 2009

المشاركات: 21,642

سنة رسول ن نور الكون تنويــر ... فطرة من اللي عالم ن بالثلومي
في محــــكم الآيات نص وتدابيــر... مقسام الأرزاق في كل يـــــومي
العمر كله لحظة الصبح وعصير..ماهو مزايد فيه بيع ن وسومي
مافيه داعي تعكس الخط وتسير...وتعاكس التيار ياابن القــــرومي
يمكن خلل في دقة السلف والسير ...ياللي تمنى للشقا والهمـــومي
وختامها مني تحـــــــــــيه وتقدير....ياللي من أحضان النعيم محرومي

20-09-2012, 03:22 AM

المشاركه #5

mmtmt

عضو هوامير المميز

تاريخ التسجيل: Oct 2011

المشاركات: 1,498

أن كان للابداع عنوان
فهو انتم

26-09-2012, 04:14 PM

المشاركه #6

tarab

عضو هوامير المميز

تاريخ التسجيل: Jul 2009

المشاركات: 896

كل الشكر لكم اخواني على مروركم وتعطيركم صفحتي

05-10-2012, 11:48 PM

المشاركه #7

أبو فارس 2

عضو هوامير المؤسس

تاريخ التسجيل: Apr 2005

المشاركات: 8,069

يعطيك العافيه ومشكور

15-10-2012, 10:18 PM

المشاركه #8

ابوخضر

كاتب مميز

تاريخ التسجيل: May 2008

المشاركات: 8,677

بارك الله فيك

بيتين حلوين

ثورة سوريا

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

07:23 PM