اطــــــــــــرح خبرتك وتجاربك بالتريلات والقلابيات لكي نستفيد

المشاركة الأصلية كتبت بواسطة سعوط المجـانين

عادي لو رفعت الرحى 20 أو 15

مهوب لازم تدبل الشاص

المشاركة الأصلية كتبت بواسطة حاشر الهوامير

المشاركة الأصلية كتبت بواسطة التميمي1

مستحيل الرد

ب 600 ريال

بعدين صندوق مقاس 32 مافيه

لأنه ممنوع من الميزان

المشاركة الأصلية كتبت بواسطة نادر في زمانه

المشاركة الأصلية كتبت بواسطة فيصل السعود

أنا الآن في ألمانيا.
ولي أصاحب تجار كبار في التريلات هنا، وفي السعودية.

وأنا إنما جئت للدعوة، لكني أستطيع مساعدتك فيما تحتاج من هنا.
لأني آتي إلى ألمانيا كثيرا لأجل الدعوة إلى الله منذ أكثر من عشر سنوات.
وأعرف ممن يعملون في المجال بعض المعلومات يمكن أن أفيدك بها.

وسوف أعود للوطن الحبيب إن شاء الله بعد العيد.

----

وأبشركم أنه قد دخل الإسلام منذ ست سنوات ما يصل إلى أربعين ألف ألماني.

المشاركة الأصلية كتبت بواسطة khaled-f

السلام عليكم ورحمة الله وبركاته

نصيحه من محب الان الدخول في عالم النقليات متعب من جميع النواحي
طفرتها انتهت..
وكلن الحين عنده تريله والناس الله يبارك لهم دخلوها مثل الاسهم اللي يفهم واللي ما يفهم وصار فيه تضخم والشغل قليل والناس الحين تبيع
والعقود قليله قليله مره وبالواسطه وبالطرق الملتويه والبخشيشات .. ومنهم من يدخل معدته ويجلس شهور يلاحق يبي فلوسه والشركات والمؤسسات ما تسدد اللي عليها مماطله....ناهيك عن السواق والخرابات والطرق ومخالفاتها والحوادث...هذا من ناحية ان كان شغلها الان مجزي او لا
اما افضل الانواع من واقع تجربه فعلى حسب شغلك اذا تبي قلاب عندك الناس تقول ال بي مع انه وانا اشدد على كلامي الاكتروس يشتغل قلاب زي السلام عليكم والالمان ما صنعوه عبث
وافضل انواع الاكتروس الان مقاس 2040 وما تلقاه في السوق نادر جدا وغالي
وعندك 1840 1843 1844 وانت طالع كلها جيده واذا اخذت اكتروس لا تاخذ الا قير كهرب انتبه من الاكتروس العايدي..
المان كذلك ممتاز جدا وقطعه مثل المرسيدس وارخص سعر ولكن اغلى قطعه بتقريبا 20 بالمائه
ويجي كثير منه عايدي وهو جيد وانا افضله على المرسيدس ..سيارة مكده
وافضل انواعه 18.414 و 19.414 المرغوب في السوق لانه نظام عايدي ولا فيه تعقيد....
الشغل في التريلات متعب جدا ومتابعه حثيثه ومستمره ولو شافك السواق مطنش اهمل الراس ولعب فيه وغشك في الردود
وانا ابعطيك كل شغله وطريقتها

وايت السقس ماء حلو مثلا...تعبي من الشيب 80 ريال وتبيع في الصيف اقل شي 250 ريال اذا انت طيب وتطلع في اليوم والسواق نايم 5ردود واخصم الديزل وترب السواق مثلا 10 ريال على كل رد للسواق وفي الشتاء ماااافيييييييييه شغل ضعيف جدا
ولكن ممكن في بعض شهور الصيف تطلع اكثر من 40000 ريال وممكن تتعب مايضبط معك الشغل وكلها ارزاق من الرزاق في الصيف السنه هذي وصل السقس 400 ريال الرد وانت وشغلك ...

السطحه ....شغلها ضعيف جدا وانتبه من بعض العقود.. شغلها احسن لك انت بنفسك
وانقل برسيم اشتر سطحه اوروبيه جوانب ومن طبرجل للرياض اللبنه 1.5 والسطحه تشيل 850 تقريبا ولكن المشكله في طريقه لطبرجل تتعب الين تلقى رد للشمال
ودخلها تقريبا من 5000 الى 7000 بعد الخصميات وانت وتوفيق الله طبعا..

الصرف الصحي...تانكي محروقات او ما مستعمل واضربه اصفر وشبك الراس سعته 32طن والتفريغ ب5 ريال والرد 120 ريال ممكن تطلع اقل شي 3 ردود واحسب المكسب والديزل او اجره ب5000 ريال ومالك شغل بشي واللي يستاجره الاثيوبيين والسودانيين وانت وتوفيق الله ...

البلكر (نقل الاسمنت السائب) شغلته متعبه وشغلها ما يستاهل وتنقل اسمنت من مصنع الاسمنت والظاهر انه في مرات (شقراء)والنقله من 220 الى 250 ماني متاكد لمصانع البلك
ولا انصحك فيها...

المحروقات ...شغلتها يبيلها مواصفات ارامكو للتانكي وحساب في ارامكو لكمية الوقود اللي بتشتريها ومحطة وقود واذا ماعندك محطه تطلع سجل نقليات وخمس تريلات علشان تشتغل ومشكلتها المحطات وتربية الزبائن والفلوس في يد السواق تخاف يلهفها وينحاش والنقله داخل الريا تقريبا 280 ريال وتطلع من اربع لخمس ردود حسب شطارة السواق والمحطات اللي انت تتعامل معها والشغله هذي محتكره وفيها شركات ومؤسسات تملك عشرات الشاحنات وماتاكل معهم عيش

القلابات ...وما ادراك مالقلابات مافيه سعودي الحين الا عنده قلاب صارت مثل الدداسن والشغله كلن دخلها وصار فيها تضخم كبير وكل من بغى يشتغل راح للقلابات
وانا ماشتغلت فيها ولكن مما اسمع واشاهد شغلها متعب لك وللسواق وللراس
الراس يهربد بسرعه وكل ما كبر الصندوق صار اشد ضرر للراس
اغلب طرقها وعره او غير ممهده
الصناديق اللي صناعتها جيده ومعروفه في السوق غاليه وهي تستاهل سعرها لان الشغله فيها غش كبير مو كل صندوق يخدم معك على حسب الصناعه وجودة المقاسات واللحام والقاعده والبستم والوزنيه والحديد المستخدم ...وانا ما فتيك في القلابيات

اللوابد.... سعرها من 100000 الى 120000 بالكفرات وعلى حسب سمعة المصنع وجودته وردودها وشغلها ضعيف والمسيطر هم من الجنسيه الشاميه
والنقله من الرياض للشرقيه مثلا 700 ريال ومن جده للرياض 1200 الى 1400 حسب المعده اللي بتشيلها بوكلين شيول بلدوزر راس تريله...
والشغل في النقليات متعب مثل ماقلت لك السطحه كانت تطلع احيانا 14000 في الشهر صافي الحين 6000 وتحب يدك من الفرحه

اتمنى اني افدتك

المشاركة الأصلية كتبت بواسطة فيصل السعود

أنا الآن في ألمانيا.
ولي أصاحب تجار كبار في التريلات هنا، وفي السعودية.

وأنا إنما جئت للدعوة، لكني أستطيع مساعدتك فيما تحتاج من هنا.
لأني آتي إلى ألمانيا كثيرا لأجل الدعوة إلى الله منذ أكثر من عشر سنوات.
وأعرف ممن يعملون في المجال بعض المعلومات يمكن أن أفيدك بها.

وسوف أعود للوطن الحبيب إن شاء الله بعد العيد.

----

وأبشركم أنه قد دخل الإسلام منذ ست سنوات ما يصل إلى أربعين ألف ألماني.