غــربـيـةٍ هـبـت تـقـل حــــد مـنـشــار = برده يقـص العـظـم مافيه حـيـلــه
مـهـبـهـا صــلــفٍ ولا تــدفـي الــنـار = حتى ولا تدفي الهـدوم الثــقـيـلــه
مـتـكـومـيـنٍ كــنـنا كــومـة احـجــــار = تـسفي عـلـيـنا لين صرنا نــثــيـلـه
وسَفْي الرمل بوجـيهـنـا تـقـل مسمار = مـتـلـطـميـن ولا لنا من وســيـلـــه
ولاردهـــا عــنــا خــيـــامٍ وتــــيـــزار = حتى الـمذاري اصبحـت مستحـيلـه
وخوينا مشـبـب ترك عـفـشـه وطــار = خلى الفـراش وراح ينفـض شليلـه
يصيح باعـلى الصـوت ماني بصبــار = يامن يوصلني لحـضـن الحـلـيـلــه
الـبـرد عـذبـني وقـلـبي كـمـا الــطــار = يرجـف من اللوعــات واعـزتي لـه
لا ني براعي بر ولا ني بـصـقـــــــار = خـلوني ارحـل قـبل اشـق الفـنـيلـه
وش جابني معكم على درب الاخطـار = حـدي ترى الكـورنيش ياحـبني له
و(غـيث) الدليله ضيع الدرب واحتار = (خِـرّيت) لـكـن ضـيـع الله دلــيـلــه
ورحنا (بدينه) نحتمي في ذرى الغار = يوم الـهـبـايب كـل قـشعٍ تـشـيـلـــه
وساعة لمحـت الغار والعـقـل مـنـدار = وارتـد للـمـاضي سـنـيـنٍ طـويـلـــه
وتـفجـر الماضي براكـيـن واعـصــار = واشعـل لماضي الذكريات الفـتـيـله
وتحـطـم الحـاضر على طول وانـهـار = واقـفى يجرجر خـيـبـته والفـشـيلـه
وحـضـني الماضي على صـدره ودار = حضنة خـليلٍ مبطـيـن عن خـلـيـلـه
وقـمت اتـبـسـم وازرق الـدمع هــدار = ابكي على ماضي السنـيـن الجميله
وقالوا الرحيل وقلت ياربعـنا .. صار = خـلاص .. ماني قـايلٍ بـس لــيـلــه
يامن يوصل صـاحـبي جـل الاخـبــار = قولوا العـريفي ما تـهـنـا برحـيـلـه
جـاكم من المشرق يبي شم الازهـار = لـكن رجـع مـنـكـم بلـيـا حـصـيـلــه
والـخـاتـمـه ياعـبيد لاتـنسى الاذكـار = ذكـر الولي ياعبيد يرفى الخـمـيـلـه
وصــلاة ربي عــد ماســايـرٍ ســـــار = على الرسول اللي دعى للفـضيـلـه
احمد بن عبدالرحمن العريفي
(نديم المجره)
08-01-2015, 11:36 PM
