صح لسانك
احيه يا قلبي غدا موقد النار
تمسي وتصبح والأماني تشابه
العمر روح وارضنا مابها دار
نسكن ايجار جنب بيتن خرابه
حرم علينا الوطن نسكن الغار
وحرم علينا الوطن نسكن فغابه
من القهر في موطني اغبط الفار
حتى القطاوه والبهم والتشلابه
يلقون مايسترهم اكبار واصغار
عيشه بلاش ومسكنن في رحابه
وحنا ليا ضاقت سكنا في دوار
جنبك رصيف وثيلن به ذبابه
وناسن تفحط يمتلي وجهك غبار
وحولاك حونشيه وشلة عصابه
يالله ياربي يامنجي من النار
تستر علينا ياعظيم المهابه