يستاهل اتـخلى عن الروح

10-11-2012, 05:58 PM

المشاركه #13

عضو هوامير المميز

تاريخ التسجيل: Feb 2012

المشاركات: 3,190

ياصاحبي ياما تمنيت أشوفك
0000000000000000أقضي معك في غفلة الواش مقدار

مقدار ما تسمح بشوفك ظروفك
0000000000000000أبوح لك بالسر وأبوح لك بأسرار

غبت وغابت مع غيابك وصوفك
00000000000000000وأبعدت عني ما معي منك تذكار

ما عاد لي شف يخالف شفوفك
00000000000000000بيني وبينك ما يفيد(ن) الأعذار

كثرت معاذيرك وكثرت حلوفك
0000000000000000000وأنا لما تذكر بلا حلف عذار

ياما على كفي تلاقن كفوفك
0000000000000000في غيبة الحساد وعيون الأشرار

كان أنت ناسي ما نسيت معروفك
00000000000000000حيثك لأجل حبي تعرضت الأخطار

10-11-2012, 06:02 PM

المشاركه #14

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

انـا بلـيت بحبـكم مـــن هبــالي
والا انت ظل ما لنا فيـه مقيـال

خـيرك لغيري والشقى والعنا لــي
والمشكـل انـي عـارف كـل الاحوال

ارمي بـروحي في بحــرك الــزلالـي
وتنسفني امواجـاك على يابس الجـال

اسأل افراشي كيف اقضي الليـــالي
بالليل لي حال ومعكـم لي احــوال

ومن خـوفي العـذال تـدري بحـــالي
ويكثر علي من العذل قيل والقال

أبعــدت خـلانـي وجيتـك لحــالـي
وفـرشــت لك قلـبي مقـر ومدهــل

ويـوم أبعدن احبـالهم عن احبـالي
ودريت انـك عندنا غــالي المــال

أبديت عقب الحـب صافي الجفـا لـي
وخليتـني محتـار في أشهـب الــلال

وطلبت رب عـالم مـا جـرى لــــي
ما حط دون الخلق حاجب ومرســـال

ومنحني السلوان عـالي الجـــــلالي
ورد الحياة لسال ما طلب مـــال

وابعد خيالك خالقي عن خيـــالي
وقصر على الليل من عقب ما طال

واليوم ترســل وتبـدي الوفا لي
تبدي لي أعذار قصيرات واطـــوال

تبي تجـدد ما انقطـع من وصـــالي
ترضى غـرورك بس ياحسن الاقبــال

ما عـاد تخدعـني عقـب ما بـــدالي
وان عدت فيما عفت ماني برجــا

10-11-2012, 07:01 PM

المشاركه #15

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

الصاحب اللي شوفتي له شفاقه

ردوه عنـــي لا يجينــي ولا اجيـــه

اذا عنى لي جيّته لي بانســراقه

يزود حــــبــه يا المخــاليق واغليه

اللي هروجه بالســـوالف دقاقه

لو طالت المده فلانــي بناســيه

يا ونتي ونة كســـــرٍ بسـاقــــه

.يوّن شرق وساكن الغرب يوحيه

على الذي طبعه دلال ولبـاقـــه

شرع الهوى دارس ومتخرجٍ فيه

يارب تجمعنا بليّا انفــراقــــه

بصكٍ من القاضي به ختــوم واليه

10-11-2012, 07:38 PM

المشاركه #16

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

ياناس احبه واحب اسمع سواليفه

يا ناس احبه واحب اسمع سواليفه
صوته يشتت هموم عايش فيها

يامر وينهي وانا دايم على كيفه
أرجي ورود الهوى تنبت بأراضيها

لاغاب عني يعيش الفكر مع طيفه
وان صار عندي حياة الحب الاقيها

مسكين قلب شكى غيبة مواليفه
عزي لعله تعذر من يداويها

ظل ظليل علي وغصونه مريفه
شمعة زماني عسى الله ما يطفيها

أن سل من نظرته لأهل الهوى سيفه
ويطيح قلبي من غصون نبت فيها

لامن ضحك لي خذت قلبي تواصيفه
ولامن زعل عفت انا الدنيا ومافيها

لجل أن احبه وأحب اسمع سواليفه
صوته يشتت هموم عايش فيها
......................

10-11-2012, 09:35 PM

المشاركه #17

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

قصيدة ابتعــد عنّي ,,
.
.
.
.
.

.
.
إبتعد عنـي ماحبـك وش تبيبـي
قدرك العالي رميتـه فـي الثـرى
,
واحسايف قوليتي لـك ياحبيبـي
يـوم قلبـي مـولـع بــك مــادرى
,
إنك الغادر وقصـدك تلتهـي بـي
ون عاطفـتـك تـبـاع وتـشـتـرى
,
إنس وقت فات مالك به نصيـب
لاتــذكــر ،لاتــذكـــر مــاجـــرى
,
يوم هفت شمس حبـك للمغيـب
استرحت وعاد لي طيف الكرى
.
.

/
/
/
/
/
/

قصيدة ليتني ماشفــت,,
.
.
.
.
.

.
.
ليتنـي ماشفـت فـي عينـك دمـوع
منظـر الدمعـه علـى خـدك هــلاك
,
يامضوي في دجى عمري شموع
الـحـزن ماخـلـق لعـيـون الـمـلاك
,
اتحـمـل عـنـك كــل امـــر يـــروع
خـذ هنـا قلبـي وخلـف لـي عنـاك
,
واتقـدم لـك بقلـبـي فــي خـضـوع
ضح به فـي هيكـل الحـب لهـواك
,
او تلطف به وضمه في الضلـوع
علهـا تـورق غصونـه فـي حمـاك
,
من سهومك ماحمـى قلبـي دروع
والشفا ياروح روحـي فـي شفـاك
,
.

/
/
/
/
/

قصيدة تعاتبــني ,,
.
.
.
.
.

.
.

رضيـت لـي ... هـون القـدر والمـذلـه
وارخصتني ... وانا مع الناس مغليك
,
وطاوعت في اربوع قل لي ... وقل له
عـدوانــى الـلــي طايلـتـهـم حسـانـيـك
,
مبنـى الغـرام الـلـي ... نعمـنـا بظـلـه
مــن عـشـرة اعــوامٍ هدمـتـه بيـاديـك
,
قـمـت تعاتبـنـي عـلـى غـيـر ... زلـــه
ومن اول حبي عن العيـب ... معميـك
,
سيـف الجفـا يبـرق بيمنـاك ... سـلـه
تهوبنـي بـه يـوم ... كثـرت طـواريـك
,
خـلــك بـعـيـد هـــو لـــك الـكــل كــلــه
حسيـبـك ... الـلـي بالفعـايـل يجـازيـك

11-11-2012, 06:29 AM

المشاركه #18

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

ماظن ياعمري يجي مثلك اثنين

يالغاليه قولي وش اللي تودين
تكفين قولي لي وش اغلا أمنياتك

ودي اعرف بدنيتك وش تمنين
حتى احقق أمنيه في حياتك

وأكون أسعد شخص وأنتي تكونين
اغلا بشر عندي وانا اكون ذاتك

يعني انا انتي بكل الموازين
وانتي انا يجمع شتاتي شتاتك

واقول احبك موت وانتي تقولين
اموت احبك يعني حبي مماتك

انا فديت القد والخد والعين
وفديت لبسك للثام وعباتك

ولبيه لامنك اندمجتي وتحكين
فيك الدلع واضح على مفرداتك

وش عاد لو بالناس يابنت حلوين
ترا حلاهم مايشابه حلاتك

انتي حلاتك غير وانتي تعرفين
صفاتهم ماهي تشابه صفاتك

ماظن ياعمري يجي مثلك اثنين
لان انتي حاله نادره في سماتك

يعني...خلقك الله كذا كاملة زين
وميزك ربي بالحلا عن سواتك

مع كل هذا...اااه...ليتك تحسين
وشلون خلتني المشاعر وجاتك

ولوكان باللي داخل القلب تدرين
ماكان عينك تهتني في مباتك

ولو يعلمون شكثر عندي تساوين
والله فيني يحسدنك خواتك

لكني ادري تعشقيني وتموتين
ومن زود ماني واثقٍ من غلاتك

اخاف..وانتي..ياحياتي..تصلّين
يجيك طيفي...ثم....يقطع صلاتك

11-11-2012, 11:34 AM

المشاركه #19

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

ياليت بعض الناس فيني يحسون

وياليت مافي خاطري يعرفونـه

وياليت بعض الناس للعهد يوفون

والماضي اللي فات ماينكرونـه

وياليت لاقبلنـا عليهـم يهلـون

لاجيتهم والقلب زايـد شجونـه

وياليت لاواجهتهـم مايصـدون

ابتمعـن فـي حــلاوة...... عيونه

وياليت لارسلت الرسايل يردون

وباب الوصل ياليت مايغلقونـه

وياليت لاجيت اشتكي له يعذرون

قلـب تولـع ليتهـم يعذرونـه

وياليت ياهل الحب للحب قانون

قانون يجمع شمل منهـم يبونـه

وياليت ثم ياليت ياليت يـدرون

من سبته قلبـي تزايـد طعونـه

11-11-2012, 09:09 PM

المشاركه #20

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

عقـــب الحبيبـــــه يضيـــق البــــال

الســـلام عليكـــم ورحمـــة الـلــه وبــركــاتــه

نقلــت لكــم هاذي الابـيــاتــ

واتمنــى ان تعجــبـكم ,,

"""
عقب الحبيبه يضيق البال
والقلب شبت لواهيبه

طال النوى والليالي طوال
ومصيبتي ياهي مصيبه

قلب العـنا من رداة الفال
عيت تطيعه مطاليبه

انا اشهد ان الهوى قتال
من طاح به ناره تصيبه

قلبي جريح الهوى والحال
وانتي علاجه وتعذيبه

ياليت لي حيلة ٍ واحتال
يالله عسى القدره تجيبه

دمع الغلا ياعذابي سال
سيل المطر في مضاريبه

11-11-2012, 09:26 PM

المشاركه #21

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

راحــو ضحيتـهـا عـيــال الحـمـايـل ..!!

[ لايومي بيوم ولا ليلي بليل ولا السّعد مقبل ولاالهم زايل ]

لايـومـي بـيـوم ٍ ولا لـيـلـي بـلـيـل

ولا السّعـد مقبـل ولا الـهـم زايــل

ماغيـر ازم همـوم واحــط واشـيـل

ولاراح منـهـا هـــم جـالــه بـدايــل

تـدرون يالعربـان وشهـي البهاذيـل

فرقـى وليـف وحـظ مامـن صمايـل

الوصـل نعـمـه والمـفـارق غرابـيـل

يـاحــظ لـيـتـك تـعـتـدل مـاتـمـايـل

لامـن بغيـت اعدّلـك تـرجـع تمـيـل

كنّـك تقـول اعيـش وامــوت مـايـل

ياشيب عينـي يـوم روح وانـا اخيـل

دموعـي وبـلٍ علـى الخـد سـايـل

وانـا اتصبّـر وازهـم العقـل والحـيـل

والقلـب يشكـي للضلـوع النحـايـل

وانـا اتـرفـع واتــرك الـقـال والقـيـل

واجبر عزى قلبٍ على المـوت آيـل

أشب نار الشوق وارهي المعاميل

واريّــح اعصـابـي بـبــدع المـثـايـل

ولاّ الـغـلا مـاعـاد يحـتـاج تفـصـيـل

لـنّــه مـوريـنـي نـجــوم الـقـوايــل

ياللـي غيابـك حـط بالقلـب تنكيـل

ويلـي علـى قربـك ولانـي بطـايـل

لاغـاب صوتـك ماتفـيـد المراسـيـل

وفـر علـى الجـوال كـثـر الرسـايـل

والله لــو تـاخــذ لـدمــي تحـالـيـل

تلـقـاك بالجيـنـات صـايــل وجـايــل

حبـك تعـدى حـب الاكـراد لأربـيـل

الاّ تـعــدى حـــب شـمــر لـحـايـل

صبيـت حبـك مثـل صـب الفناجيـل

وين الجليله تشـرب اشـواق وايـل

وانته تواعدني من اسهيل لسهيل

والشوق في قلبي مسوي عمايل

ليتـك تبادلـنـي الـغـلا والمواصـيـل

وتـرد لـي بـعـض الـوفـا والجمـايـل

تعبـت انـا مـن ظروفـى والعراقـيـل

وتعبـت مـن قولـة يـاقـل الوسـايـل

لاقلت انـا احبـك ومشتـاق بالحيـل

تقول لي جعـل العـوض فالموبايـل

يعـنـي انــا ويــاك مـثـل المهابـيـل

واشباهـنـا فالـوقـت هـــذا قـلايــل

كـذاب مـن قـال المحبـه تساهيـل

راحــو ضحيتـهـا عـيــال الحـمـايـل ..!!

12-11-2012, 12:41 AM

المشاركه #22

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

لا تسألين النار وشلون شبّت
تبدى لواهيب الجمر من شراره
ولا تسألين الريح وشلون هبّت
وليه القمر متمسكن في مداره
السيل لا مر الاراضين نبّت
كل السهول اللى قصدها مساره
والعلم في كل الميادين ثبّث
عمدان قوم فاقدين الحضاره
والحب بيتٍ فيه روحي تربّت
تسرح وتمرح ماكنه في قراره
ليتك سألتي وين الاشواق غبّت
وين الهوى اللى ما بقى الا اثاره
دبّت ظنون الشك في الجوف دبّت
والصدر منها قد تصدع جداره
جبّت جناح الوصل غيبتك جبّت
واستل على حبي جفاكم ستاره
وين الهنوف اللى من القلب حبّت
مات الهوى ولا نوت لستخاره
وين العيون اللى لها العين لبّت
يامن يبشرني وسوق البشاره
تبقى الحقايق بينه لو تخبّت
وانا على عهد الوفى بنتظاره

12-11-2012, 01:02 AM

المشاركه #23

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

ياهم ليتك يوم قفيت ماجيت

ياهم ليتـك يـوم قفيـت ماجيت
ليتك علـى وجهـك مقفـي ليا لي
رجعت يوم اقفيت وشفيك ما بطيـت
في غيبتك مرتـاح بالحيـل سالي
عزالله انك جيـت يومـك ترديـت
خليتني اشكي على النـاس حالي
ياما من اسبابك عن النـاس قفيت
عزلت نفسي عن عمـام وخوالي
وياما من اسبابك على الخد هليت
دمع العيون اللي على الخـد سالـي
وياما بكيـت الليـل كلـه وبكيت
من هو جنوب البيـت ولا شمالي
وياما من الظيقات للجيـب شقيت
وامشي وانا كني من العقـل خالي
وياما من الظيقه عن البيتiصديـت
وازبن على المشراف واجلس الحالي
واقول في نفسي انا ويش سويـت
وشفي زماني يا عرب مـا صفالـي
مامر يوم(ن) فـي حياتـي تهنيـت
طعم الفرح سعره على القلب iiغالـي
وياما وياما فـي حياتـي تمنيت
يرجع لي اللي في حياتـي مظالـي
قلبي يعزيني وانـا اليـوم عزيـت
فكرن عجز يلقى جـواب السؤالـي

12-11-2012, 08:32 AM

المشاركه #24

مفور الهلمور

عضو هوامير المميز

تاريخ التسجيل: Feb 2012

المشاركات: 3,190

لـلا لـلا

أبي منه الخبر ويقـول لـلا
لِفا المرسول وماعيَّـن محلَّـه

وقلبي تايهٍ مِـن عـام الاوَّل
ألا يالله يسَّـر مـن يدلَّـه

خذاه الَّلي على خدَّه علامه
سوادة غيم في شمسٍ مطلَّـه

سرقني مادريت إنَّه سرقنـي
سلبني و أحسب إنَّي فاطنٍ له

أنا يوم أرسلعيونه لقلبـي
عطيته مُهجتي والمعطـي الله

نصف زين الخلايق في عيونه
وباقي الزَّين في باقيـه كِلَّـه

كلمات: خالد الفيصل

اقرا ايضا

يتبع الخلان

ياحروفي...

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى