عبر عن حالتك النفسيه بأبيات شعر

تعال نكتب فـ المحبه رواية
باسمك وباسمي واسمها قلبي يهواكـ

انا هويتكـ عشق ماهي حكاية
تنقال في هذا وتنقال في ذاكـ

جيت وتركت الناس كلها ورايا
شلتكـ هنا في القلب والعالم هناكـ

01-09-2011, 02:03 AM

المشاركه #6026

ريم 1

قلم هوامير المميز

تاريخ التسجيل: Apr 2008

المشاركات: 10,438

رجـع يسـأل عـن اخبـاري بعـد غيبـة سنـه وشهريـن
" رجـع شايـل وجـع صـدره وقـال : ارجـوك واسينـي

رجــع كـنـه يحسبـنّـي سعـيـد بدنيـتـي أو زيــن "
" واهـو مايـدري الدمـعـه لــو إتراخـيـت تسريـنـي

دمع... / هل الوجع .... / كنه جمع فـي غيبتـه جرحيـن "
" وانـا عينـي بـدت تـدمـع عـلـى حـزنـه وتبكيـنـي

:11:

01-09-2011, 10:27 AM

المشاركه #6027

ريم 1

قلم هوامير المميز

تاريخ التسجيل: Apr 2008

المشاركات: 10,438

[ame]http://www.youtube.com/watch?v=hTeP4Ee8X4U[/ame]

01-09-2011, 03:03 PM

المشاركه #6028

علي المزيني

مشرف منتديات هوامير و قسم مكشات الهوامير
ابو سعود

تاريخ التسجيل: Mar 2007

المشاركات: 236,378

مادام ان الزمن قاسي ومدات اليال شحاح
ترا ما للفقير الا يمد أييده لخلاقه

وانا من فضل ربي عشت في وقت العنا مرتاح
والى جار الزمن ماقمت احاتي نوض برّاقه

لوّن قفل الزمن ماله مع بعض العرب مفتاح
فلاضني بتلقى واحدٍ طعم العسل ذاقه

ولاكن خلقت الدنيا كذا والرابح المنزاح
عن هموم الزمان اللي صدوفه تخلف الفاقه

ومدام اني على احسن مايرام وخاطري منساح
فموضوع الزمن مافيه داعي نكشف اوراقه

ابدله عن صواديف الزمان اللي حياه رياح
وادله نفسي بشيٍ عليه النفس سبّاقه

رعاك الله ياللي طال صبري لين سدي باح
وقلبي في يدك بابه ومفتاحه ومغلاقه

اسوج الرجل واقدامي على درب الغلى سراح
وقلبي في غلى حضرة جنابك ماحدٍ عاقه

عطيتك من بعض روحي على خبر القلوب صحاح
وبديتك على نفسي بشيٍ يصعب اطلاقه

الين اصبحت من بين العذارى تنعرف بوشاح
تليق بسمعةٍ فيها بنات العصر تواقه

وفي كسرة عصى تزعل : وتحرق شجرة التفاح
وتكويني على الضلع القصير وتنضج احراقه

لوّنك تكتشف حزنٍ تكامل فـ الضمير وساح
دريت ان لك مكانٍ في ضميري تنزف اشواقه

ترى مالزعل داعي تغانم فرصتك ياصاح
تغانم فرصتك قبل الزمن يقفي بمعلاقه

تعال: وعالج جروح الحزين وكل شيٍ راح
تعال: وجدد آمالك ترى الأيام سراقه

سرقة القلب واثرك معتبرها سرقة المزاح
حدٍ شافه ضحك وان ماحدٍ شافه رقع ساقه

للاستماع

[ame]http://www.youtube.com/watch?v=GfRRUrUcCBg[/ame]

تنسيق: المزيني علي

01-09-2011, 05:24 PM

المشاركه #6029

علي المزيني

مشرف منتديات هوامير و قسم مكشات الهوامير
ابو سعود

تاريخ التسجيل: Mar 2007

المشاركات: 236,378

أعاني الساعة و أعاني مسافـات
و أعاني رياح الزمان العتية

و أصور معاناتي حـروف وأبيـات
يلقى بها راعي الولــع جاذبــيــــــة

01-09-2011, 05:26 PM

المشاركه #6030

علي المزيني

مشرف منتديات هوامير و قسم مكشات الهوامير
ابو سعود

تاريخ التسجيل: Mar 2007

المشاركات: 236,378

الألـم والهـم والحـزن الدفـيـن
والشـقـا والضيـم وآهـات العنـا

و الأسى والغـم والقـلب الحزين
كلهـا أسماء والمعنـى " أنـــــا ":13:

01-09-2011, 06:28 PM

المشاركه #6031

. . ..

قلم هوامير المميز

تاريخ التسجيل: Feb 2011

المشاركات: 10,611

وهذا اليوم هو ثالث من أيَّام الشهر يا خال
ولا جاني مسج منَّه .. يبارك لي ويهنيني
ترى في غيبته مرَّت على عيني كثير أشكال
ولكن مثله ما شافت رغم , كثر البشر عيني

عساه بخير ..؟
شخباره ..؟ هذاك اللي غيابه طال ..
- نساني ..؟ وإلا ذاكرني ..؟
أبي بس أسأله ويني ..?
يا خالي تدري شـ تمنَّى إذا مَر التمنِّي وقال :
” تمنَّى لك طلب واحد ” أبي أطلب ويعطيني
أبسمع عيدك مبارك من أوَّل ما يهل هلال
أنا ودِّي .. قبل حزَّة صلاة العيد يطريني

(:

01-09-2011, 10:01 PM

المشاركه #6032

alsalmey

أبو نواف
قلم الملتقى المميز

تاريخ التسجيل: Dec 2009

المشاركات: 4,453

يانور عيـــني فــــرقتنا المــــقادير..........
والكل منا مبعدن عن خــــــــليله
حكم القدر ياصاحبي لازم يصــــير...........
وليا حكم محدن يحاول يزيـــــله
مدري من ايام الدهر حصل تقصير...........
ولا صدوف الوقت صارت بخيله

01-09-2011, 10:02 PM

المشاركه #6033

alsalmey

أبو نواف
قلم الملتقى المميز

تاريخ التسجيل: Dec 2009

المشاركات: 4,453

المعذرة على تكرار النت بهذلني

01-09-2011, 10:08 PM

المشاركه #6034

علي المزيني

مشرف منتديات هوامير و قسم مكشات الهوامير
ابو سعود

تاريخ التسجيل: Mar 2007

المشاركات: 236,378

نضحـك ونمـرح وكُلـن داخلـه جـمـره
يـاعــيـد لاتـخـدعـك ضـجــة تـهـانـيـنا

حـنا نـهـنـي عـشـان الـنـاس مـاتـشــره
والا الوجع والله ان يبطي وهو فـيـنـا

01-09-2011, 10:11 PM

المشاركه #6035

alsalmey

أبو نواف
قلم الملتقى المميز

تاريخ التسجيل: Dec 2009

المشاركات: 4,453

اقتباس:

المشاركة الأصلية كتبت بواسطة علي المزيني

عدل مشاركتك تراك نسخت الليت والكبوت والهيئه الاماميه:5:

هلا وغلا بأخي الغالي علي المزيني ..... وكل عام وأنت بخير ..... وعيدك مبارك

01-09-2011, 10:16 PM

المشاركه #6036

علي المزيني

مشرف منتديات هوامير و قسم مكشات الهوامير
ابو سعود

تاريخ التسجيل: Mar 2007

المشاركات: 236,378

لا عاد عيد الغرام و عاد عيد الجروح
ولا عاد عيد المنام وعاد عيد السـهر

هذي ثلاث الجفا مـرٌت و من غير روح
و ذا عـيـد ميلادها ..صادفهْ عيد الفطر

وشلون أعيٌد و قلبك كل ما لـه يروح
عـلـى دروب المفارق والجفا و الهجـر

لا والله إلا بهل دموع عيني و أنــوح
حـتــى ولو صادفت الأحزان عيد البشر :13:

صفحة 503 من 970

503

الكلمات الدلالية (Tags)

-

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

05:49 AM

النفسيه

بأبيات

حالتك

شعر

عن

عبر

اقرا ايضا

ملاذ ,,,,المهاجر

-

عبر عن حالتك النفسيه بأبيات شعر

النفسيه

بأبيات

حالتك

شعر

عن

عبر

__ملاذ ,,,,المهاجر __

-

ملاذ ,,,,المهاجر