logo

هوامير البورصة السعودية > الاقسام الرئيسية لموقع هوامير البورصة > ساحات الهوامير المفتوحة

وجئـتكم من ( وزارة الإسكان ) و ( الواقع ) بالخبر اليقين +++ معلومات حصرية لهوامير



صفحة 1 من 4
1
2
3
4
قديم 16-08-2017, 12:57 PM
  المشاركه #1
الكواكبي
عضو موقوف
تاريخ التسجيل: Aug 2010
المشاركات: 4,651
 


وجئـتكم من ( وزارة الإسكان ) و ( الواقع ) بالخبر اليقين +++ معلومات حصرية لهوامير

السلام عليكم ورحمة الله وبركاته



الاخوة الهوامير أنا عارف ان نصكم منتف ومغير تبطح قدام الشاشة وعلشان كذا ابي اقدم لكم أخبار حصرية لكم ولمن يريد أن يشتري عقار سواء معه قريشات ومحفشها ويبي يشتري بيت العمر أو يراوي ( مثل حالتي ) وهو ولله الحمد موب مظطر يعني فيه نفس يصبر لحد معيّن.



أولا : الخبر الحصري والخاص ( لو قرأ الموضوع صاحب المصدر معاد يعلمني )


قريب لي في وزارة الإسكان ومسؤل قسم ومطلع على القرارات والسياسات القادمة
يقول لاتخلي عليك ديون خلك نظيف لابنقو ولا مانقو ولا برتقال خلك نظيييف من القروض طبعاً
فيه توجه مع الإصرار على حل مشكلة الإسكان على زيادة الضخ حتى يتشبع السوق ويصبح العرض يفوق الطلب بآلاف الآلاف والوزارة جايها توجيه من سمو ولي العهد حاط برأسه مشكلة الإسكان لو هذا كلف الدولة تسوي المستحيل ! ولذلك خلك نظيف راتبك يصفى لك
فيه شركات اجنبية جايه بالطريق راح تبني امريكية ويابنية والظاهر المانية


ثانياً : قبل شوي كنت في مكاتب العقار الركود سيد الموقف واللي معه كاش ماسك كاشه وتناقشت مع عقاري عنده عدة قطع يقول الامانة وصل لــ 700 المتر ( الامانة حي بالرياض شمال الرياض )

يقول هالركود الناس متخوفة واللي معه كاش مترقب والبيوت طاح من قيمتها 20-30% بل وصل للبعض 40% طبعاً للتجار اللي يبني ويبيع وهذا طبعاً من ربحه موب رأس ماله لكن ماوصلنا للتخارج برأس المال.

نصحني يقول النصحية الذهبية انتظر الى بعد الحج بشهرين حتى تتضح لرؤية يايبي يجي خبطة ماترحم مثل خبطة حي الامانة كان 1600 المتر والان 700 للمتر ( في شهر 7-8-10 هالكلام )


يا يمسك سوقه ( طبعا الرجال ماعلمته بسوالف قريبي راعي وزارة الإسكان لأني ما أصدق وزارة الإسكان لين أشوف على الواقع فعلهم ).




الزبدة :


انتظر ولاتشتري انتظظررر ليا بعد الحج بشهر بشهرين حتى تتضح الصورة نحن مقبلين على :

1- ضريبة القيمة المضافة وهذي تؤصر على القوة الشرائية للمواطن يعني راح يكون المواطن ماسك فلوسه زيادة واللي كان متردد يبي يصرف النظر لان الضغوط المادية كثرت

2- البنزين يقال بيرتفع

3- الكهرباء بيرتفع

4- الامور ببداية 2018 راح تتضح أكثر ونحن الآن في مرحلة الغبش






تذكر لاتغامر في مرحلة الغبش وعدم اتضاح الرؤية انتظر حتى تتضح الأمور

ولاتقول فاز باللذات من كان جسورا حتى لا اقول مات من الغم من اكل خابورا :)
الموضوع الأصلي : اضغط هنا    ||   المصدر :

ساحات الهوامير المفتوحة
 
  
قديم 16-08-2017, 01:37 PM
  المشاركه #2
لا بد تفرج
عضو هوامير المميز
تاريخ التسجيل: Jan 2008
المشاركات: 5,402
 



سبحان الله والحمدلله





قديم 16-08-2017, 01:47 PM
  المشاركه #3
فريد الغطريفي
عضو هوامير المميز
تاريخ التسجيل: May 2010
المشاركات: 12,033
 



طيب ايش دخل القروض؟؟؟

ثانياً

لايوجد موظف او موظفة سعوديين الا وعليهم قروض والتزامات مالية

انا سمعت ان الصندوق العقاري بيرجعونه زي اول

قرض ٥٠٠ الف

واراضي توزع وتطبيق رسوم الاراضي فقط

لكن من خلال المصادر

اكيد في شيء يحاك بالخفاء واتوقع لصالح المواطن

والله اعلم



قديم 16-08-2017, 01:54 PM
  المشاركه #4
الكواكبي
عضو موقوف
تاريخ التسجيل: Aug 2010
المشاركات: 4,651
 



ابو الغطاريف القروض تعطيك احقية


يعني رجال ماعليك ديون بنيكة تكون لك الافضلية في اخذ الرقم الاول في الاستحقاق وراح تكون فيه شركات اجنبية وتصاميم تختارها انت بل وتتشرط عليهم بحدود معينه طبعا موب زي ابني واخذه بالغصب الان


انا نقلت كلامه عاد ماسألت عن ارجاع ابو 500 الف


رغم ان ابو 500 الف هو احد اسباب المشكلة في الارتفاع حسب مافهمت



قديم 16-08-2017, 02:26 PM
  المشاركه #5
الكواكبي
عضو موقوف
تاريخ التسجيل: Aug 2010
المشاركات: 4,651
 



استغرق العقار حتى يصل الى هذه الاسعار إلى 25 سنة تقريبا في صعود متواصل


يقابله في الاسهم صعود متواصل لمدة اشهر


الان وصل العقار الى القمة ونزوله كما ارتفع راح يكون نزول مظلي ولكن بالاسابيع والاشهر

يعني الان رح لمكتب عقار وشف سعر المتر بالحي الفلاني

بعد اسبوع ارجع وشف كم او بعد اسبوع او حتى بعد شهر وتعرف كيفية نزول اسعار العقار


العقار لاينزل بين ليلة وضحاها مثل الاسهم العقار نزولة متدرج وشبه بطيء ولكن نزوله مؤلم لصاحبه لان التعويض صعب فيه



قديم 16-08-2017, 02:31 PM
  المشاركه #6
داهية بني سفيان
عضو موقوف
تاريخ التسجيل: Mar 2016
المشاركات: 8,970
 



اقتباس:
المشاركة الأصلية كتبت بواسطة الكواكبي
ابو الغطاريف القروض تعطيك احقية


يعني رجال ماعليك ديون بنيكة تكون لك الافضلية في اخذ الرقم الاول في الاستحقاق وراح تكون فيه شركات اجنبية وتصاميم تختارها انت بل وتتشرط عليهم بحدود معينه طبعا موب زي ابني واخذه بالغصب الان


انا نقلت كلامه عاد ماسألت عن ارجاع ابو 500 الف


رغم ان ابو 500 الف هو احد اسباب المشكلة في الارتفاع حسب مافهمت
( بنيكة تكون لك )!!!!!
جبتها من حيث لاتشعر



قديم 16-08-2017, 02:33 PM
  المشاركه #7
الكواكبي
عضو موقوف
تاريخ التسجيل: Aug 2010
المشاركات: 4,651
 



مافهمت يالداهية


انت داهية وحنا على باب الله دوب ندفدفها



انا اقصد ماعليك ديون تكون نمبره ون مافيه زيك تستحق الاستحقاقات اللي تعطيها الوزارة



قديم 16-08-2017, 02:37 PM
  المشاركه #8
داهية بني سفيان
عضو موقوف
تاريخ التسجيل: Mar 2016
المشاركات: 8,970
 



اقتباس:
المشاركة الأصلية كتبت بواسطة الكواكبي
مافهمت يالداهية


انت داهية وحنا على باب الله دوب ندفدفها



انا اقصد ماعليك ديون تكون نمبره ون مافيه زيك تستحق الاستحقاقات اللي تعطيها الوزارة
ادري والله انك تقصد بنكية ولكن اردت فقط المزاح معكم بمايسمى الكوميديا السوداء
مما وصل له حالنا ذوي الدخل المقرود وكيف صار حالنا بين شاري وبائع ..وآه يازمن .
(سامحني )



قديم 16-08-2017, 02:38 PM
  المشاركه #9
فريد الغطريفي
عضو هوامير المميز
تاريخ التسجيل: May 2010
المشاركات: 12,033
 



اقتباس:
المشاركة الأصلية كتبت بواسطة الكواكبي
مافهمت يالداهية


انت داهية وحنا على باب الله دوب ندفدفها



انا اقصد ماعليك ديون تكون نمبره ون مافيه زيك تستحق الاستحقاقات اللي تعطيها الوزارة
هذه لكاعة عيال الطايف



قديم 16-08-2017, 02:38 PM
  المشاركه #10
ابو سلسبيل
عضو هوامير المميز
تاريخ التسجيل: Jul 2015
المشاركات: 1,153
 



اذا دخلت الشركات الاجنبيه السوق

ستكون المنافسه بينهم ببناء المنازل الاجود والارخص والمستفيد طبعا المواطن

لكن ستبنى لغرض السكن و في اراضي الاسكان البعيده الغير مرغوبه ويمكن لايسمح بالاستثمارفيها وستكون محدده لمستفيدي الاسكان فقط وبقروض للبنوك .وجهة نظر



قديم 16-08-2017, 02:42 PM
  المشاركه #11
الكواكبي
عضو موقوف
تاريخ التسجيل: Aug 2010
المشاركات: 4,651
 



اقتباس:
المشاركة الأصلية كتبت بواسطة داهية بني سفيان
ادري والله انك تقصد بنكية ولكن اردت فقط المزاح معكم بمايسمى الكوميديا السوداء
مما وصل له حالنا ذوي الدخل المقرود وكيف صار حالنا بين شاري وبائع ..وآه يازمن .
(سامحني )
مسموح مسموووووووووووووووووووووح



قديم 16-08-2017, 02:43 PM
  المشاركه #12
الكواكبي
عضو موقوف
تاريخ التسجيل: Aug 2010
المشاركات: 4,651
 



اقتباس:
المشاركة الأصلية كتبت بواسطة فريد الغطريفي
هذه لكاعة عيال الطايف
الله يخرج اهل الطايف من غيابة الجب اللي هم فيه



صفحة 1 من 4
1
2
3
4



الكلمات الدلالية (Tags)

لهوامير

,

من

,

معلومات

,

و

,

وجئـتكم

,

وزارة

,

الإسكان

,

الواقع

,

اليقين

,

بالخبر

,

حصرية


«

عاجل بدأ دخول اخواننا حجاج قطر عبر المنفذ

 |

الغباء في بيئة ذكية .. [ وزارة العمل ] نموذج حي .. !!

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


06:29 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.