بناء الدور الارضي فقط يعتبر من القرارات الممتازة في البناء لان الهدف السكن واذا بتكملها عظم وتنتظر سنوات حتى تكملها قرار خاطئ تماما قد تتحمل بسببه ديون وبعدها ماتقدر تسدد وتبيع العماره
بناء الدور الارضي تقريبا معظم تكلفة العماره لان كل شي بيكون في الدور الارضي بعد كذا ان شاء الله تكملها بدون مشاكل
بس في العقد حط شرط على المقاول يشد لك اعمدة الدور الثاني ضروري ومهم لازم تسويها حتي لاجيت تكمل العماره مايخرب عليك الدور الارضي وجود اعمدة الدور الثاني يسهل عليك الامور كثير بس لاتسيبها وبعد مايخلص المقاول السقف تقوله ابسوي اعمدة الدور الثاني بياخذ منك فلوس كثير حطها في العقد من البداية
عندك بعض الامور لازم تنتبه لها وماتتكلف فيها الدرج والحوش والسطح لاتتكلف فيها سويها بلاط مازايكو وارخص رخام للدرج لانك بعدين بتكسرها كلها
الحوش والدرج وجدران الدرج بتكسرها كلها لانك سوف تمدد كيابل كهرباء للدور الثاني واسلاك وغيرها لذلك لاتتكلف فيها
الخزان اذا عندك منور حطه فوقة حتى الماء يأتي قوي لاتحطه على السطح مباشرة وانصحك اذا جيت تسوي الدور الثاني جيب سباك ينزله في الارض ويمدد له المواسير وغطيه بخشب حتي تنتهي من كل العمارة ودور طريقة لاخراجه بعد ماتنتهي او قصه حتي تستمر ساكن في الدور الارضي ويمكن مارايح تشطب الا بعد عدة اشهر او سنوات حافظ على الخزان
انصحك سوي العماره بنفسك اشتري كل شي واتفق مع المقاول شغل نجارة وحديد بس لانه دور واحد مقدور عليه وبعدين انت اتفق مع عامل بناء وروح اشتري الطوب ترى الموضوع سهل كله تروح لمحلات الخرسانه والحديده مره وحده وبعدين يوصلون لك بالتلفون يعني ماهي شغلانه
اقولك ليش تسويها بنفسك لانك بتسوي سقف قوي في الحديد والخرسانه واذا جيت تشتغل في الادوار العليا مايتأثر ابدا ولا يصير له شي والعكس تماما لو شغل مقاول وهو مشتري المواد بيسوي لك سقف اي كلام والله كل شي يطيح عليه من الاهتزاز والماء بيخر على الدور الارضي ويعدم كل شي فيه لانه شغلهم اي كلام يحط الطوب الهردي ويغطيه بشوية خرسانه ويقولك سقف ويحط حديد قليل معروف شغلهم
اذا جيت تشتغل في الدور الثاني سيب البلاط المزايكو لاتشيلة بس خليهم يطلعون الاعمدة ويشتغلون واذا جيت ترش الخرسانه والطوب جيب لي صغير يرش الخرسانه والطوب ومايسوي كميات مياة مالها داعي تؤدي لتسريب المياة للدور الارضي
نصيحتي لك مساحة 500 سويها ثلاث غرف وصاله وحماميين فقط اذا بتسويها اربعة غرف بتصير شقة غريبة ماتقدر تسكن فيها لان كل شي فيها صغير المطبخ والحمامات والغرف واذا كنت بتشد دورين فوق الدور الارضي سوي الدور الاخير لك سوية شقة وحده كبيرة تطلع معاك ستة غرف او سبعة غرف واربع حمامات او خمسه وغرفة غسيل ومستودع
النصيحة الاخيرة اذا جيت تسوي دور واحد كمل كل شي سوي بلاط للسطح وبلاط للحوش ودرج بس اشتري مواد رخيصة والمازايكو للسطح جيد والله يعينك على تكلفة شغل اليد للعمال
انتبه للاشياء المهمة مثلا في البيارة طلع منها ماسورة للصرف اذا كان ماهو موجود عندك بيوصلك يوم من الايام ايضا البيارة طلع منها ماسورة من السقط لو تعبت تسحب منها والله انها مريحة
الحوش لازم تحط تحته خرسانه وحديد وبعدين تسوي البلاط حتي لايهبط معاك ابدا ترى لو اعطيت العماره مقاول بيحط لك البلاط على التراب ويهبط ويكلفك تصليحة فوق مائتين الف لان الغرف بتهبط معاه
المهم لاتتراجع طالما حطيت في بالك العمار ولقيت الطريقة ولاتسمع كلام احد يقولك كملها صدقني بتجلس عشر سنوات وانت ماسكنت فيها وبتدور الديون وتسكن والنفسية زفت من الهم والتعب منها