نصيحتكم في بناء دور أرضي

المشاركة الأصلية كتبت بواسطة ولد-صبيا

اذا كنت ترغب في توفر فلوسك راجع المخطط فبعض المكاتب الهندسية تبالغ في الحديد فخلية يقلل من الحديد مع العلم ان منزلك سياحفظ على قونه من ناحسة الحديد والشد ونقص الحديد لن يؤثر فيه.

من ناحية البناء الاساس وهي القواعد والرقاب والميدة مجد تنتهي منهي اعتبر انك انتهيت من 8% من البناء ويبقى الاعمدة و الجدران والسقف ويحبذ ان تبني الجدران وبعدها تصب السقف لكي تتماسك بشكل اقوى.

المشاركة الأصلية كتبت بواسطة ابوالهمم

قرارك سليم الله يبارك لك
واحب اقول لك
من ناحية التصميم
لاتخرب الارض فيلا ومافيلا
حط في كل دور شقتين
لك وللعيال وللزمن

المشاركة الأصلية كتبت بواسطة كمال10

الله يبارك لكم ويجعله سكن السعادة والعافية
غالبية الناس اذا فكروا في المخطط للبدأ بالبناء .. تفكر في الضيوف مدخلهم ومخرجهم ونسي انه هو من سيسكن فيه ..
اخي خطط وانظر للامام لما يصلح لك ويريح نفسيتك واهلك ببيتكم .. وبعدها فكر بضيوفك ..

المشاركة الأصلية كتبت بواسطة خالد حلو

400 الف ريال المتوقع يكلفك يالغالي دور واحد

المشاركة الأصلية كتبت بواسطة no women no cry

المشاركة الأصلية كتبت بواسطة alamakne

اهنيك على تفكيرك

المشاركة الأصلية كتبت بواسطة يومي سعيد

استشر مكاتب هندسيه واصحاب خبره وكل مدينه لها طابعها وطريقه التصيمم . سوءا ايجار او سكني

المشاركة الأصلية كتبت بواسطة مستعد99

انتهى 55% للان المتبقي عمدان وصبت سقف فقط

المشاركة الأصلية كتبت بواسطة ولد-صبيا

اقصد 80% من البناء

المشاركة الأصلية كتبت بواسطة محب الفائدة

اعمر مسطح صغير دورين بجزء متطرف من الأرض وإذا تيسرت أمورك تبني مبنى إضافي ملاصق له بحيث أنك لا تتضرر عند الرغبة بالتوسع ....

ومبارك عليك مقدما

المشاركة الأصلية كتبت بواسطة مستعد99

ممتاز شكرا لك

المشاركة الأصلية كتبت بواسطة كاف خيره وشره 0

تكلفه الدور الارضي اضعاف تكلفة الدور الثاني والملحق بسبب الاساسات والخزان والبيارة الله يكرم الجميع

الدور الثاني مجرد سقف خرسانه وبلك

الدور الارضي هو الموت وشق الجيب

اذا بتبني ابني لك البيت كامل وضبط شغلك بحيث انك تشطب الدور العلوي وتسكن فيه بحيث لو بغيت تكمل بيتك العمال يشتغلون في الدور الارضي بعيد عنك ولا يكون عليك ازعاج

يعني يكون الدور الاول والملحق مفصولة بطريقة مناسبة عن الارضي لو كنت تبغى تكملة

يسر الله امرك والله يكتب لك اللي فيه الخير استخير واستشير من يحبك

المشاركة الأصلية كتبت بواسطة مهندس كهربائي 2

اخواني الكرام

لكم جزيل الشكر و وافر الامتنان على مشاركتكم بالرأي و النصيحة و الدعاء , جزاكم الله خير.

المشاركة الأصلية كتبت بواسطة kingklied

تبغى الرأي إبني العظم كامل وشطب الدور الثاني وأسكن به.

المشاركة الأصلية كتبت بواسطة استغفر الله_

ونعم الرأي

المشاركة الأصلية كتبت بواسطة امــــــــــر

تصدق اني اعرف اشخاص نصحتهم قبل عشر سنوات يسوي دور واحد ويسكن وحصل ناصح زيك قاله كملها وشطبها واسكن الفكره جميلة بس هل الفلوس تكفي هذا هو السؤال الصعب لو قالك فلوسي ماتكفي الا ابني دور واشطب او اكمل العماره كيف بتكون النصيحة بتقوله كملها
الاصدقاء الي اقولك عليهم عشر سنوات ماسكنو في عمايرهم ولا هم قادرين يكملونها قفلوها بشبك وبعضهم باعها وكذلك اصحاب الفلل نفس الموضوع من عشر سنوات الى خمسة عشر سنه حتى يسكن فيها

ياخوان الافضل اذا ماعندك فلوس تسوي دور وتسكن فيه وبعدين تكمل عارف الموضوع ياخذ كم شهر ممكن ستة شهور او ثمانية شهور وتخلص العماره وتسكن فيها اما نصيحة كمل العمارة تاخذ اقل شي عشر سنوات او اكثر

المشاركة الأصلية كتبت بواسطة استغفر الله_

رأي الاخ هو ان يبني عظم ويشطب الدور الاول ويسكن فيه والدور الارضي يخليه على سعه
وانا وافقته الرأي بارك الله فيك

المشاركة الأصلية كتبت بواسطة امــــــــــر

اخوي هذا الرأي صحيح اذا كانت الفلوس تكفي اما اذا الفلوس يادوبك ياتكمل العماره او تشطب الدور الارضي اش بتقوله كمل العماره طيب وبعدين من فين بيجيب فلوس يستني حتي يسدد القرض بعد خمسه وعشرين سنه او يروح يتسلف سيارات يحطون عليه مثل قيمتها فوائد

النصيحة لازم تكون على قدر المتوفر من الفلوس والله لو الرجال معاه فلوس تكفي مايتسلف بعدها كان قلت له كملها عظم وبعدين شطب دور بس انا اعرف العمار واعرف مشاكلة في تكملة العماره او بناء الفلل لانها مرهقة يعني الواحد كل فلوسه مثلا ستمائة الف وتقوله سوي عماره تكلفك مليون وخمسمائة وتقولي رأي سديد وهذا المفروض وهذا الصح لا ماهو صح ولا رأي سديد بل توريطة محترمة

المشاركة الأصلية كتبت بواسطة آخر حبه

اشتري كتاب اخطاء في البناء واقراه من الجلده للجلده
هذي النصيحه الي بتخليك تعرف كل مسمار في البيت

المشاركة الأصلية كتبت بواسطة kingklied

تبغى الرأي إبني العظم كامل وشطب الدور الثاني وأسكن به.

المشاركة الأصلية كتبت بواسطة امــــــــــر

بناء الدور الارضي فقط يعتبر من القرارات الممتازة في البناء لان الهدف السكن واذا بتكملها عظم وتنتظر سنوات حتى تكملها قرار خاطئ تماما قد تتحمل بسببه ديون وبعدها ماتقدر تسدد وتبيع العماره

بناء الدور الارضي تقريبا معظم تكلفة العماره لان كل شي بيكون في الدور الارضي بعد كذا ان شاء الله تكملها بدون مشاكل

بس في العقد حط شرط على المقاول يشد لك اعمدة الدور الثاني ضروري ومهم لازم تسويها حتي لاجيت تكمل العماره مايخرب عليك الدور الارضي وجود اعمدة الدور الثاني يسهل عليك الامور كثير بس لاتسيبها وبعد مايخلص المقاول السقف تقوله ابسوي اعمدة الدور الثاني بياخذ منك فلوس كثير حطها في العقد من البداية

عندك بعض الامور لازم تنتبه لها وماتتكلف فيها الدرج والحوش والسطح لاتتكلف فيها سويها بلاط مازايكو وارخص رخام للدرج لانك بعدين بتكسرها كلها

الحوش والدرج وجدران الدرج بتكسرها كلها لانك سوف تمدد كيابل كهرباء للدور الثاني واسلاك وغيرها لذلك لاتتكلف فيها

الخزان اذا عندك منور حطه فوقة حتى الماء يأتي قوي لاتحطه على السطح مباشرة وانصحك اذا جيت تسوي الدور الثاني جيب سباك ينزله في الارض ويمدد له المواسير وغطيه بخشب حتي تنتهي من كل العمارة ودور طريقة لاخراجه بعد ماتنتهي او قصه حتي تستمر ساكن في الدور الارضي ويمكن مارايح تشطب الا بعد عدة اشهر او سنوات حافظ على الخزان

انصحك سوي العماره بنفسك اشتري كل شي واتفق مع المقاول شغل نجارة وحديد بس لانه دور واحد مقدور عليه وبعدين انت اتفق مع عامل بناء وروح اشتري الطوب ترى الموضوع سهل كله تروح لمحلات الخرسانه والحديده مره وحده وبعدين يوصلون لك بالتلفون يعني ماهي شغلانه

اقولك ليش تسويها بنفسك لانك بتسوي سقف قوي في الحديد والخرسانه واذا جيت تشتغل في الادوار العليا مايتأثر ابدا ولا يصير له شي والعكس تماما لو شغل مقاول وهو مشتري المواد بيسوي لك سقف اي كلام والله كل شي يطيح عليه من الاهتزاز والماء بيخر على الدور الارضي ويعدم كل شي فيه لانه شغلهم اي كلام يحط الطوب الهردي ويغطيه بشوية خرسانه ويقولك سقف ويحط حديد قليل معروف شغلهم

اذا جيت تشتغل في الدور الثاني سيب البلاط المزايكو لاتشيلة بس خليهم يطلعون الاعمدة ويشتغلون واذا جيت ترش الخرسانه والطوب جيب لي صغير يرش الخرسانه والطوب ومايسوي كميات مياة مالها داعي تؤدي لتسريب المياة للدور الارضي

نصيحتي لك مساحة 500 سويها ثلاث غرف وصاله وحماميين فقط اذا بتسويها اربعة غرف بتصير شقة غريبة ماتقدر تسكن فيها لان كل شي فيها صغير المطبخ والحمامات والغرف واذا كنت بتشد دورين فوق الدور الارضي سوي الدور الاخير لك سوية شقة وحده كبيرة تطلع معاك ستة غرف او سبعة غرف واربع حمامات او خمسه وغرفة غسيل ومستودع

النصيحة الاخيرة اذا جيت تسوي دور واحد كمل كل شي سوي بلاط للسطح وبلاط للحوش ودرج بس اشتري مواد رخيصة والمازايكو للسطح جيد والله يعينك على تكلفة شغل اليد للعمال

انتبه للاشياء المهمة مثلا في البيارة طلع منها ماسورة للصرف اذا كان ماهو موجود عندك بيوصلك يوم من الايام ايضا البيارة طلع منها ماسورة من السقط لو تعبت تسحب منها والله انها مريحة

الحوش لازم تحط تحته خرسانه وحديد وبعدين تسوي البلاط حتي لايهبط معاك ابدا ترى لو اعطيت العماره مقاول بيحط لك البلاط على التراب ويهبط ويكلفك تصليحة فوق مائتين الف لان الغرف بتهبط معاه

المهم لاتتراجع طالما حطيت في بالك العمار ولقيت الطريقة ولاتسمع كلام احد يقولك كملها صدقني بتجلس عشر سنوات وانت ماسكنت فيها وبتدور الديون وتسكن والنفسية زفت من الهم والتعب منها

المشاركة الأصلية كتبت بواسطة استغفر الله_

ونعم الرأي

المشاركة الأصلية كتبت بواسطة امــــــــــر

تصدق اني اعرف اشخاص نصحتهم قبل عشر سنوات يسوي دور واحد ويسكن وحصل ناصح زيك قاله كملها وشطبها واسكن الفكره جميلة بس هل الفلوس تكفي هذا هو السؤال الصعب لو قالك فلوسي ماتكفي الا ابني دور واشطب او اكمل العماره كيف بتكون النصيحة بتقوله كملها
الاصدقاء الي اقولك عليهم عشر سنوات ماسكنو في عمايرهم ولا هم قادرين يكملونها قفلوها بشبك وبعضهم باعها وكذلك اصحاب الفلل نفس الموضوع من عشر سنوات الى خمسة عشر سنه حتى يسكن فيها

ياخوان الافضل اذا ماعندك فلوس تسوي دور وتسكن فيه وبعدين تكمل عارف الموضوع ياخذ كم شهر ممكن ستة شهور او ثمانية شهور وتخلص العماره وتسكن فيها اما نصيحة كمل العمارة تاخذ اقل شي عشر سنوات او اكثر

المشاركة الأصلية كتبت بواسطة استغفر الله_

رأي الاخ هو ان يبني عظم ويشطب الدور الاول ويسكن فيه والدور الارضي يخليه على سعه
وانا وافقته الرأي بارك الله فيك

المشاركة الأصلية كتبت بواسطة امــــــــــر

اخوي هذا الرأي صحيح اذا كانت الفلوس تكفي اما اذا الفلوس يادوبك ياتكمل العماره او تشطب الدور الارضي اش بتقوله كمل العماره طيب وبعدين من فين بيجيب فلوس يستني حتي يسدد القرض بعد خمسه وعشرين سنه او يروح يتسلف سيارات يحطون عليه مثل قيمتها فوائد

النصيحة لازم تكون على قدر المتوفر من الفلوس والله لو الرجال معاه فلوس تكفي مايتسلف بعدها كان قلت له كملها عظم وبعدين شطب دور بس انا اعرف العمار واعرف مشاكلة في تكملة العماره او بناء الفلل لانها مرهقة يعني الواحد كل فلوسه مثلا ستمائة الف وتقوله سوي عماره تكلفك مليون وخمسمائة وتقولي رأي سديد وهذا المفروض وهذا الصح لا ماهو صح ولا رأي سديد بل توريطة محترمة

المشاركة الأصلية كتبت بواسطة المقنع الكندي

أعاننا الله وأعانك أنا معك بنفس المخطط وأفطر آخذ القرض العقاري أسرع ,أما القرض الشخصي مايغطي معك الاثاث والسيراميك والتشطيب

المشاركة الأصلية كتبت بواسطة kingklied

عزيزي لو حسبتها بالعقل الدور الأرضي يكلف ضعف الطابق الأول.

بعدين الطابق الأرضي فيه مجلس وملحق والحوش الأساسي للبيت وهذي تأخذ منك الكثير. وترتيب الغرف عندنا بالغالب الأرضي إستقبال ومطبخ ومستودع ووبكذا انت ما تقدر تصممه بغرف نوم مناسبة للعائلة.

بينما الطابق الأول وبعضهم يسميه الثاني مع السطح تشتغل به مره وحده من عزل وغيره.

لذا الأفضل بناء العظم كامل.
كان لي أقارب من اهل مكة المكرمة بيتهم ٧ طوابق او ٦ طوابق قبل أن تأخذه التوسعة المباركة.

ساكنين بالطابقين الأخيرين ويؤجرون الباقي أيام المواسم ونفس الطريقة شطبوا من فوق وسكتوا ثم كل سنتين ٣ سنوات يشطبوا طابق