نوموني مغنطيسياً وسرقوني

07-05-2010, 06:51 PM

المشاركه #1

عضو هوامير المميز

تاريخ التسجيل: Nov 2007

المشاركات: 1,597

السلام عليكم ورحمة الله وبركاتة

اخواني توني جاي من تركيا قبل اسبوع طلعت انا وام العيال قلنا نغير جو اسبوع واول يوم وصلنا طلعنا على الشاطي نمشي بالجو الجميل وبالطريق جاني هندي ومعه زوجته وقال لي ممكن تأخذ لنا انا وزوجتي صوره قلت طيب صورتهم وبعدها جاني قال انت من السعودية قلت له ايه فقال زوجتي تبي تروح السعودية وتبي تتعرف على شكل وفلوس السعودية معك فلوس سعودية قلت له لا ما اشيلها في السفر وبعدها حط يده على يدي وزوجتة تكلمني وهو مدري وش يقول وبعدها ما ادري الا وانا اطلع المحفظة وافتحها له وقلت شف ما عندي غير دولارات اخذ كل الدولارات بيد واليد الثانية على يدي وقام يفرك الدولارات وانا اناظرة وساكت وزوجتي استغربت فسحبتني تنبهني وانا فقت من الغيم اللي على عيوني واشوف فلوسي مع الهندي واسحبها وقلت له بأي حق تاخذها قال لا معليش ادور فلوس سعودية اخذت فلوسى ومشيت مسافة 20 متر قالت الحرمه تأكد من فلوسك عديتها لقيت ناقصه 900 دولار والتفت ادوره فص ملح وذاب قعدت ابرم لين مليت وفي اليوم التالي رحت لمركز شرطة ابلغهم بعد معاناه افهمو القصة بعد ماحكيتها لوحد بالتلفون يحكي تركي وارسلوني لمركز في نفس المنطقة ورحت المركز الثاني وانا واياهم شيل وحط اقول لهم سو بلاغ وعندكم القصه يقولون لازم يجي ترجمان حق الفندق حنا ما نأخذ على ترجمان بالتلفون حسيت انهم ما من وراهم رجاء لا عربي يفهمون ولا انجليزي يتكلمون اخذت بعضي ومشيت وقلت الله يعوض بس قاهرني الهندي لانه مفلوت وراح يقابل ناس غير ويلعب عليهم

وحبيت انبهكم لا تصدقون احد مهما كانت اشكليته ضعيف صادق خرطي عطه مقفاك وارحل وانا عارف اني غلطان ولا اول مره اسافر بس نصيب

الموضوع الأصلي : اضغط هنا || المصدر :
قسم السفر والسياحة

15-05-2010, 07:14 PM

المشاركه #2

جوهرة

عضو هوامير المميز

تاريخ التسجيل: Mar 2010

المشاركات: 23,828

سبحان الله العظيم

الله يعوض عليك مالك

اهم شي سلامتك انت واهلك

ومشكوور لتنبيهك لان النصابين يبتكرون طرق جديده محد يتوقعها

مررت من هنا

،،

28-05-2010, 08:35 PM

المشاركه #3

فياجرا

عضو هوامير المميز

تاريخ التسجيل: Nov 2007

المشاركات: 1,597

اقتباس:

المشاركة الأصلية كتبت بواسطة همسة حزن

جزاك الله خير بس تصدق قاعدة بقلبي حركة الهندي ودي اتوطا ببطنه

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

02:07 AM

قسم السفر والسياحة

مغنطيسياً

نوموني

وسرقوني

اقرا ايضا

لمن سافر اندونيسيا,,يعطيني رايه

اسال مجرب ,,,,,,ايهما افضل واضمن ,,,؟؟؟؟؟