بكره النظره الشرعيه وش اقول لخطيبتي ؟

[منساب]

يااخي ياللي تقول ناس متحجرة

طبعنا نختار المرأة لدينها ونسبهاا الاساس عندنا
وغالبا حنا نتزوج بنت عم او خال او واحد من الربع
وهنا يهمنا النسب بالدرجة الاولى

[صالح العبيد]

الله يختار لكم الخيرة الطيبة
ويتمم لكم بخير إن شاء الله

[Redman]

قول لها .. !

ياصاحبى وط ســـ ...؟ الظاهر انا توافقـنا
كان بالى على بالك ..؟ ترا
الوعدفى نخل مقنا




الله يتمم لهم على خير ويهيء لهمالذريه الصالحه

[fahd2010]

ترا كلها 5 ثواني
استغلهااااااااااااااااااااااااااااااااا
قززززززززززززززززززززززززززززززززززززززززززززززززززززززززززززززززززززززززززززز زز

[قرهود]

الف مبروك مقدماً

[StOrMtRoOpEr]

(يا أرض إحفزي ما عليكي ) اذا موافق واذا رفضت قول ( يا ارض اخسفي ما عليكي ) على قولة الفنان المصري عبدالفتاح القصري

[عتيبي برلين]

مبرووك والله يختار لهم الخير والخيره

[عشقتك بسكات]

الله يوفقكم جميع تستاهلون ارد عليكم واحد واحد ، استفاد من ردودكم كثر خيركم جميع ، واللي بارك ودعاله ونصحه الله يبارك فيك ويجزاك الجنه ، وبعض الردود تضحك الله يسعدكم دووووم .

[taif-2008]

لايقولها شي اذا سلمت يرد السلام ويطالع فيها ويذكر الله

اهم شي لايوقف وقت النظرة تجنباً لأي إ

[الصاادر]

يتراعد ويقعد ينتف بالمخده اللي عنده ويروح لمـه

[كان غدا]

المشاركة الأصلية كتبت بواسطة ربيع العرب

معنى كلامك ان اللي ماشافوا زوجاتهم وقت الخطوبه حقين بن........

الله يهديك كيف ربطت هذي بتلك

لا لم أقل ذلك على الإطلاق، لكن ما هو سبب سرقة النظر إلى نساء الناس، وعدم كسر النظر عن النساء، وكثرة السفريات بدون عائلات إلى البلدان المشبوهة .

المشاركة الأصلية كتبت بواسطة منساب

يااخي ياللي تقول ناس متحجرة

طبعنا نختار المرأة لدينها ونسبهاا الاساس عندنا
وغالبا حنا نتزوج بنت عم او خال او واحد من الربع
وهنا يهمنا النسب بالدرجة الاولى

قلنا اختيار الحسب والنسب مطلوب (والأفضل منه ذات الدين) وكل ذلك لا يتعارض مع أهمية النظرة الشرعية للمخطوبة والخاطب.

[منساب]

كان غدا الله يطولي بعمرك
النظرة لو كنت متردد فالزواج
اما انا ماتقدمت للخطبة الا بعد مشورة الاهل والاستخارة
بعد النظرة لاتقدم ولاتوخر

[أحب وطني بقوة]

ههههههههههه ذكرتني بواحد دخلت عليه البنت يشوفها وارتجف وطاح منه الفنجال ونزل راسه بعد يومين اتصل على ابو البنت قال يا ابو الشباب تراي ماشفت شيئ منزل راسي ومرتجف ،،،،

عموما خله يقولها تبين لون الفراش احمر ولا بني ،،،

[ربيع العرب]

المشاركة الأصلية كتبت بواسطة منساب

يااخي ياللي تقول ناس متحجرة

طبعنا نختار المرأة لدينها ونسبهاا الاساس عندنا
وغالبا حنا نتزوج بنت عم او خال او واحد من الربع
وهنا يهمنا النسب بالدرجة الاولى

لو تدري كيف خطبت وتزوجت ماتصدق ياخوي منساب

عشان اثبت للأخ ان فيه ناس مايهمهم الا النسب واختيار الأم الصالحه لإبناءهم وليست الأم الجميله فقط

كنت اعمل في مدينه خارج الرياض والشيبان حاطين عينهم على بنت خال الوالده

سمعوا تسريبات ان فيه ناس بيتقدمون للبنت اللي حاطين عينهم عليها بكره وصابهم قلق

طبعاً خال الوالده مشهور بالكرم والنخوه والشجاعه والتدين وهذا السبب الوحيد اللي خلاهم يقلقون ان بنته تروح لغير ولدهم

اللي هو انا

كان الوقت متأخر تقريباً الساعه 11 بالليل

راح ابوي لبيت خالي وطق عليهم الباب . يقول ساعه حتى فتحوا لي الباب الظاهر الناس كانوا نايمين

طلع ولد خالي مستغرب من اللي جاي تالي الليل . وبعد السلام قاله الوالد ابوك موجود قال نايم

قال صحه وقله ابو ربيع العرب يبيك

طلع خالي بثوب النوم مستغرب

سلامات يابو.... عسى ماشر اقلط

قاله ابوي : مانيب قالط ولدي ربيع العرب مرسلني ويسلم عليك ويبغى بنتك فلانه

قال خالي : هذا اللي جايبك تالي الليل

قال ابوي : ايه

قال : تراها جتكم

كذا وهم عند الباب

زعلت عمتي ام البنت كيف الخطبه هذي من عندالباب وبدون ياخذون رايها

قال خالي ماجابهم تالي الليل الايبون قربنا وانا اعطيتهم كلمه ولانيب راجع عنها

بعد الكلام هذا بأسبوع الملكه وبعدها بشهر الزواج ولله الحمد

المهم تزوجنا وعشنا في سبات ونبات وخلفنا صبيان وبنات

والكلام هذا له 12 سنه ومازلت احمد ربي ان ابوي راح يخطبلي تالي الليل ماقعد للصبح

طراه النظره الشرعيه هههههههههههههه

[سروي]

قل لها وش تتوقعين السوق يوم السبت اخضر والا احمر ؟