لمن جرب سيارة (( ترافرس )) تستاهل او لا ؟

[اشـــاعة]

مرحبا

حابين نسأل من جرب السيارة هل هي جيده و تستاهل او فيها مشاكل

و الدبل فيها هو جيد او لا ؟

لمن جرب السيارة لا يبخل علينا نبي نلحق العرض قبل يخلص

[faroooosy]

نفس الاستفسار
للرفع

[داج]

هات تفاصيل اكثر

[لك زس]

أهم سؤال هل هي كورية أو أمريكية؟؟

[اشـــاعة]

المشاركة الأصلية كتبت بواسطة faroooosy

نفس الاستفسار
للرفع

اعتقد ما فيه غيرنا يرغب بالسيارة معقولة ما فيه احد جربها او يعرف شخص مجربها

المشاركة الأصلية كتبت بواسطة داج

هات تفاصيل اكثر

انا ابحث عن تفاصيل و معلومات من اشخاص مجربين

المشاركة الأصلية كتبت بواسطة لك زس

أهم سؤال هل هي كورية أو أمريكية؟؟

السيارة من شفروليه لكن في اي بلد تصنع يقال انها امريكية 100%

[لك زس]

المشاركة الأصلية كتبت بواسطة اشـــاعة

السيارة من شفروليه لكن في اي بلد تصنع يقال انها امريكية 100%

الأبيكا والايفيو وطقتها من شفرولية لكنها تصنع في مصانع دايو الي أشترتها شفروليو وقاعده تسوقها عندنا,,الأكاديا معروف أنها شفرولية

[اشـــاعة]

المشاركة الأصلية كتبت بواسطة لك زس

الأبيكا والايفيو وطقتها من شفرولية لكنها تصنع في مصانع دايو الي أشترتها شفروليو وقاعده تسوقها عندنا,,الأكاديا معروف أنها شفرولية

هذي بنت عم الاكاديا و البعض يفضلها على الاكاديا من ناحية الشكل و الاداء طبعاً الكلام هذا حسب ما وجدت في الانترنت لكن احب اسمع من شخص مجرب للسيارة

[themask2002]

ترافرس امريكية الصنع بس تبي العلم الأكيد ماتسوى التالية من الغنم جودة لك عليها الفنشنق تقول سيارة كورية و البلاستيك المستخدم لك عليه تقول بلاستيك صحون اذا تبي خذ اكسبلورر 95الف ريال اقل من سعرها بـ 15لف واطلق ووكيل ناجح

[اشـــاعة]

المشاركة الأصلية كتبت بواسطة themask2002

ترافرس امريكية الصنع بس تبي العلم الأكيد ماتسوى التالية من الغنم جودة لك عليها الفنشنق تقول سيارة كورية و البلاستيك المستخدم لك عليه تقول بلاستيك صحون اذا تبي خذ اكسبلورر 95الف ريال اقل من سعرها بـ 15لف واطلق ووكيل ناجح

شكراً لك اخوي و ياليت لو تعطينا معلومات اكثر اذا كنت مجرب للسيارة

و مدى راحتها في الاستخدام سواء في المدينة او الطرق السريعة

و مشاكلها الفنية و جودة تماسك السيارة سواء الهيكل او الديكورات الداخلية

و جودة التكييف و هل ترتفع حرارة السيارة او لا

لانها موجودة في بعض سيارات شفرولية و جي ام سي

و شاكر لك مرورك

[صياد الأسهم]

أنا أمتلك موديل 2009
وهي سياره مريحه للغايه وأنيقه للغايه من الخارج والداخل
وبها ثلاث مراتب وشنطه تتسع للكثير من العفش
وبالإمكان سفط المرتبه الخلفيه للتتسع المساحه

بس أنصحك أشتر اللي دفرنسها خلفي
لأن اللي عندي دفع أمامي وغرزت بي في أول طلعه للبر

[بندق 2000]

انا شفتها في الوكاله وعجبني شكلها وخصوصآ يقولون فيها تشغيل عن بعد ,,,

[samsam]

انا عندي اكاديا دفع رباعي 2010

بصراحه رائع

ولكن كما هو الترافرس ست سلندر...

الاكاديا اشخص وارتب شكلا

السيارة رائعه في العزم ... ولكن في الطعوس ما جربتها ...ان شاء الله هالسنة


انا رائيي تغير الى الاكادبا

[themask2002]

ابعد عن منتجات جنرال موتورز مادم الوكيل الجميح و العيسى
ماوراء سياراتهم خير
بعدين ترا الشفر من قال انه زين اشاعة من التسعينات وهومشاكل كان عندي كابرس 1995 صابونة قسم بالله صرقع بي ما عرفت اوفر من الراتب الا يوم بعتة ذا المكروه كل شهر الف وخمسمية ريال طرمبة موية - طرمبة بنزين - فحمات - هوبات امام - مكيف - حساسات - لعنتين الناس اللي معهم فرود معينين خير وان ملعون ابو خامسي في الورش كل ويك اند
ما حسيت بالراحة الا مع الفورد دق سلف وتوكل على الله واذا بتاخ جديد ازين وازين 6سنوات زي اللوز واترك عنك ذا الخمام جنرال موتورز

[اشـــاعة]

شاكر مرور الجميع و النصائح المفيده للجميع

اخوي صياد

لو خليت المرتبه الثالثة كم سعة الشنطة من العفش للسفر

اخوي samsam

الاكاديا حلوه و معجبتني لكن سعرها اغلى و خاصة لو بغيت الدفع الرباعي كذلك سمعت انها فيها مشاكل الحرارة مستمرة

اخوي themask2002

انا معك ان الفورد في السنوات الاخيرة افضل لكن الاكسبلورر 2011 يبي ينزل دفع امامي كما قال لي موظف الصالة قبل كم شهر و هو طبعاً الخيار الثاني مع الادج

[ProVestor]

نصيحة من تجربة حديثة ، هج عن الـ gm

حتى الكوري صار أفضل.