ممكن أحد يفيدني بمكان مصانع السراميك اللي على طريق الخرج

[عاشق هواها]

الكتاب باين من عنوانه

أبي ياخوان محلات السراميك اللي على طريق الخرج

يقولون أنهم أرخص وعندهم كثير من الأشكال

أبي وصف دقيق ترى أخوكم عليمي :13:

علماً بأني ساكن بشرق الرياض

والسلام عليكم

[الهوى شرقي]

على طريق الخرج :)





.

:
مع الدائري الجنوبي ثم توجه جنوب وخل مصنع اليمامه للاسمنت على يسارك
تجيك اول اشاره تتعداها بعدها بتطب في المستودعات حقتهم

[حريد مستثمر]

تعرف الدائري الجنوبي ..اخر مخرج بالدائري الشرقي على اليمين ؟؟

[المنجنيق111]

على طريق الخرج بتلقى لوحه مكتوب فيها الخرج :5:


بالدائري الجنوبي بتلقى لوحه مكتوب فيها الخرج رح معها

[عاشق هواها]

المشاركة الأصلية كتبت بواسطة حريد مستثمر

تعرف الدائري الجنوبي ..اخر مخرج بالدائري الشرقي على اليمين ؟؟

:5:

واضح أني مفطر فووول

تنحت مابين الدائري الجنوبي والدائري الشرقي

[الصوت الحر]

شوف روح من الدايري الشرقي وادعس ياتجاه الجنوب وبيجيك مخرج 18 ادخل يمين على الدايري الجنوبي وادعس وامش بتطلع كبري وبتشوف لوحه مكتوب عليها العزيزيه تراك بتنزل منها فوق تحت بيكون اتجاهك جنوب وهذا هو الطريق

كله مصانع ومحلات سيراميك وهناك فيه مصنع الفلوه

[عاشق هواها]

المشاركة الأصلية كتبت بواسطة الهوى شرقي

على طريق الخرج :)





.

:
مع الدائري الجنوبي ثم توجه جنوب وخل مصنع اليمامه للاسمنت على يسارك
تجيك اول اشاره تتعداها بعدها بتطب في المستودعات حقتهم

ابشرك كأني فهمت :8:

[عاشق هواها]

المشاركة الأصلية كتبت بواسطة الصوت الحر

شوف روح من الدايري الشرقي وادعس ياتجاه الجنوب وبيجيك مخرج 18 ادخل يمين على الدايري الجنوبي وادعس وامش بتطلع كبري وبتشوف لوحه مكتوب عليها العزيزيه تراك بتنزل منها فوق تحت بيكون اتجاهك جنوب وهذا هو الطريق

كله مصانع ومحلات سيراميك وهناك فيه مصنع الفلوه

الحمدلله الحين أقدر أقول اني عرفت المكان 100%

شكراً لك ياصديقي وشكراً لك من رد بهالموضوع

[عاشق هواها]

المشاركة الأصلية كتبت بواسطة المنجنيق111

على طريق الخرج بتلقى لوحه مكتوب فيها الخرج :5:


بالدائري الجنوبي بتلقى لوحه مكتوب فيها الخرج رح معها

شكراً لك (_

[حريد مستثمر]

المشاركة الأصلية كتبت بواسطة عاشق هواها

:5:

واضح أني مفطر فووول

تنحت مابين الدائري الجنوبي والدائري الشرقي

ههههههه

اقصد اذا تعرف الدائري الجنوبي حلو !! واذا ماتعرفه تراه اخر مخرج في الدائري الشرقي وانت نازل جنوب اللي هو مخرج 18 يمين وليس يسار تحت النفق المؤدي لمدينة الخرج !!

تمشي بالدائري الجنوبي لين يجي كوبري وتشوف مصنع الاسمنت يسارك... (بعد الكبري) فيه مخرج يمين ديور معه ينزلك بجهة المصنع امش لين يصير مصنع الاسمنت يسارك ... المنطقة هذي كلها سيراميك وبلاط و لاتستعجل ترى خلف المحلات معارض لبعض المصانع تفرج وقيم وبعدين اشتر .. شيء ثاني ترى يوجد مصانع جبس بالدائري الجنوبي مااعرف اوصف بس اسعارهم حلوة .. شكلك تبي تجدد قلت اعلمك (_

[جاب العلم]

لاتلمني في هواها

وشلون من سكان شرق الرياض ولا تدل طريق الخرج القديم !!!

إلا لو كنت زاير ,,,,,, عموماً


تمسك الدايري الشرقي باتجاه الجنوب حتى مخرج 18 وتتجه يمين مع أول مخرج باتجاه الغرب

بعد ما يعتدل الموتر تبي تشوف مصنع اسمنت اليمامه على حجاجك الأيسر

اتبع اللوحة طريق الخرج جنوب مخرج حلزوني بعد الجسر اللي يباري المصنع

بعد أول أشارة تبي تشوف النون ومايسطرون من محلات السيراميك على اليمين

نصيحة لاتدخل المحلات الصغيرة أبو فتحة وثنتين لأنهم موزعين للصالات الكبيرة ووكلاء السيراميك

لاتدخل إلا الصالات الكبيرة تلقاها على اليمين واليسار وركز على محلات المدى للسيراميك بجوار الملحم للرخام على اليسار

فهمت شي ,,,,,, موفق

[coolholio_87]

نصيحه لوجه الله مشوار ماله داعى نفس المحلات موجوده فى شارع التخصصى وفى المرسلات وبنفس الاسعار

[أبوعبدالله التم]

Google Earth

وأنت سالم

[ابو سلمان1]

مساء الخير اذا كان بالامكان ان اعطيك اكثر من اسم محل واسعار رخصه مره ارسل رقم الجوال على الخاص لاني قبل فتره انتهتي من البلاط

[الكاتب2005]

طريق الخرج وجع راس وصداع وبضاعة مشى حالك وتعبانه ولايوجد توصيل .... وعليك بمخرج 9 بالمرسلات والفرق بسيط جدا فى الاسعار