شوف اخوي ..
اولا تشوف كم اخر رقم في رقم الهوية الخاص بزوجتك او اختك.
لأن كل رقم له ثلاثة ايام للتسجيل فقط
من باب الترتيب لكي لايكون ضغط على الموقع.
اذا جاء اليوم اللي فيه موعد تسجيلكم
تدخل على جدارة ثم تبدأ تدخل المعلومات
اذا كانت موجودة .. شئ حلو .. تراجعها وحده وحده
اذا لم تكن موجودة فالله يعينك تسجلها من جديد.
الشئ الثاني
انتبه لشئ مهم جدا
وهو اختيار المنطقة والترتيب للأفضلية.
مع ملاحظة الشئ الأهم
وهو ان فيه امر ملكي الحين بأن يتم تعيين المعلمة في أي مكان بدون شرط السكن فيها
لأنه كان اول : لما تتعين المعلمة في المنطقة الفلانية لا يتم التعيين إلا بإثبات سكن فيها.
عشان ماتزعجهم بعدين وتطالب بالنقل!!
لكن الحين استثنوا هالشئ.
فإذا كان عندك استطاعة وعند اهلك استطاعة بالعمل في أي منطقة في المملكة. فاضغط على "نعم أرغب"
أو اضغط "لا" وذلك عند اختيار : في حال توفر فرصة عمل في منطقة اخرى. او شئ يشبه هالكلام!!
بعدين طال عمرك مثل ماقلتك لك تراجع البيانات وتضيف اي شئ حصلت عليه
مثل دورة حاسب لغة خبره اي شئ. حتى لو رقم الجوال لابد تتأكد منه لأنه يصل عليه رسالة في حال تم التعيين.
اذا ما فيه شئ من هذا تراجع وتختار الختيار التالي وهكذا حتى تنتهي
وهذا هو تحديث المعلومات فقط
** اذا استصعب عليك شئ .. راسلني على الخاص.
والله يوفقك ويوفقك الجميع لكل خير .