اعتقد والله أعلم وهذا رأي شخصي ربما يكون خاطئ ..
أن اللي ما صار تاجر في ال15 سنه الماضية لن يصبح تاجر في السنوات القادمة
لأن الوضع كان سايب بالبلد تقريبا و ( بكل المجالات ) بعكس الآن ..
تعرف حتى مجال سمسرة اللاعبين انتعش سوقه قبل 7 سنوات وأكثر بدأ فيه إعلاميين ولاعبين قدامى من الصفر وخدعوا رؤساء الأندية واصبحوا مليارديرية ..
حاليا لن يستطيعون التلاعب على الرؤساء كما السابق لوجود رقابة من هيئة الرياضة
عليهم وعلى رؤساء الأندية وعلى الصرف واسعار اللاعبين
والله ياللبتن هالسمفونية سمعناها من زمان
الي ماتجر بوقت خالد مايتجر
وفيه ناس تجرت بوقت فهد
وعبدالله الخير انفرط
اعتقد ان بوقت الملك سلمان يحتاج الى ذكاء تجاري
الكلاسيكية متعبه
الذكاء التجاري سريع
لكن وين رأس المال
اذا ماعندك احد يدعمك انسى الموضوع .. اعرف لاعب نادي اعتزل مبكرا واشتغل في شركة مقاولات مراسل ..... عرف الشغله وطلب الدعم من اصحاب المؤسسه ودعموه والان يلعب بالملايين فتح مؤسسة مقاولات لوحده واشتغل عن طريق مشاريع خاصه ...
واذا تقصد الحصول على مبلغ للبدء بالتجاره هذا ممكن اذا لقيت تاجر طيب يدعمك مره واحده
قسم بالله ياهالمشاهير اغلبهم كانو مايلقون 50 ريال باليوم
والحين دخلهم الشهري يتجاوز المئة الف ريال من الاعلانات
والله العظيم احد المشاهير قبل 4 سنوات كنت اشوفه محاسب في مطعم والآن هو من اكثر المشاهير اللي يسوي اعلانات واعلاناته الواحد منها بخمسين الف ريال
والادهى والامر ان كل مواضيعه بالسناب سخافات واستهبال مافيه اي قيمة للمجتمع
متابعينه بالانستاجرام حول 3 مليون والسناب يقولون حول المليون
وصار كل سنة يروح يصيف بباريس ولندن عقب ماكان حدّه البطحاء وخنشليله
محتاج الى علاقات والى انسان مروا بتجارب ويخبرونك بالطرق
سو كذا انتبه من كذا حذاري من كذا الخ
هالاشياء تختصر الوقت عليك
اما اقعد اصفقها مره صح ومرة خطأ مثلي مثل اللي بدأ من الصفر وهذا يعني ان وفقك الله تدق السبعين ان شاء الله وانت توك تقول الحمد لله توني وصلت للإكتفاء الذاتي اللي تورثه لعيالك
22-01-2018, 10:21 PM
