حصلت لي مثل هذه القصة ولكن بشكل مختلف
في احدى الدول قابلت واحد سعودي ومعه زوجته واخذني على جنب وقالي ان بطاقة الصراف حقته ضاعت ومابقي معاه الا القليل وانه ماقال لزوجته حتى ماتقلق ويبي اللي يمشي فيها حاله يومين لين موعد رجعتهم قلت كم يكفيك قال ٥٠٠ ليرة تركيه تكفينا قلت له ابشر واعطيته ٨٠٠ ريال قلت له هيص وانبسط واعتبرها هديه من اخ لاخوه وطلب رقم جوالي واعطيتها اياه
وقلت له بس المبلغ اعتبره هديه لا انتظر سداده
وتبادلنا الحديث كل منا يسال الاخر انت من وين وانت من اي مدينه ... وكل منا ديرته تبعد عن الاخر مئات الكيلو مترات ... الخ
انتهت السالفه
وبعد شهر يتصل علي يقولي انا في ديرتك انت وينك
المهم قابلته وقال انه جاي يسلم وحلف يرجع الفلوس وانا ارفض
وعزمته وتغدينا وتمشينا
وما زال التواصل مستمرا بيننا الى الان