موضوع آخر
سأخبركم قصتي التي تحولت الى كابوس بالنسبة لي
السلام عليكم ورحمة الله وبركاته
كيف حالكم يا اخواني ؟
اريد ان ادخل الموضوع بشكل سريع واخبركم بما حدث معي
مرة كنت بالسوق وقابلت واحد مصري معاه شرايح نت
قالي عرض لك 30 شريحه ب 12 الف ريال
وتقدر تترزق منها وتبيع الواحده بالف ريال
لانها نت مفتوح لمدة سنه انا شريت منه بنفس الوقت وراح طريقه ورحت طريقي
وبديت ابيع بالشرايح الى ان انفصلت على جميع بعد كم شهر من اشتروا من الشرايح
وانا اكلتها على راسي لا يوجد لدي رقم تواصل مع المصري ولا اعرف وين مكانه ماهو موجود بالسوق من فترة
الان جميع اللي يشتروا مني الشرايح يبون فلوسهم انا موظف بمستشفى حكومي لكن على بند اجور وتعاقد
لي 9 اشهر كل ما اقولهم متى الترسيم يقولون لي مافي وظايف واستلم حاليا 7315 بدون بدالات
تروح 2400 ايجار للسياره طبعا ايجار وليس تقسيط منتهي بالتمليك لان ما اقدر اطلع الين ما استلم راتبي على الصرافة
لان لي 9 شهور استلمها شيكات بحكم اني غير مرسم بالمستشفى الحكومي
والف تروح لابوي و 500 لامي شهريا اعطيهم منها
تقريبا 4 الاف ويتبقى لي 3315 تروج بنزين 500 ريال بحكم تبعد عملي عن بيتي 80 كليو تقريبا رايح و 80 كيلو جاي
يتبقى لدي 2815 ريال اسدد منها للي اخذو مني الشرايح كل شهر اسدد لاثنين
ولا يتبقى لي شيء من الراتب الان انا في مأزق كبير البعض يريد ان يشتكي والبعض يدعي علي ولا يعلمون ما هي ظروفي وفي نفس الوقت لا ألومهم هذا من حقهم وابسط حقوقهم لكن الان اكثر من 10 اشخاص يريدون المبلغ
وفي نفس الوقت حاولت اقدم على قرض الجميع يرفض بسبب الراتب ما ينزل على الصرافة
كذلك المستشفى لاتعطي خطاب تعريف وانت بنظام عقد ورمضان والعيد جاي فماا ادري وش اسوي
اقسم بالله اني في هم ما يعلم فيها الا الله عز وجل كذلك لدي عزة نفس لا احب ان اخذ من شخص فلوس ابداً
وفي المقابل اريد ارجاع جميع المبالغ للاشخاص لانها بذمتي وانا مسئؤول عنها
حاليا اريد منكم حلول لهذه المشكلة كذلك اللي يعرف احد يمولني 20 الف واسدد شهريا 2000 ماعندي مشكلة
بس اخرج من هذا المأزق اللي انا فيه انا باقي شاب وما تزوجت وبداية عمري وما ابي ادخل في دوامه طويلة
فتكفون اللي قدر يساعدني او يعرف احد يكلمني واللي ما يقدر يكتفي لي بالدعاء وجزاه الله خير
28-09-2018, 12:14 AM
