اللي اتوقعه ان السعودية جالسه تأمن نفسها
الامريكان صار عندهم مثل العرف كل مرشح رئاسة يجي للسلطة
يقدم وعود انتخابية بمعاقبة السعودية ولا بفتح ملف حقوق الانسان
ولا بمعاقبتهم على اغتيال خاشقجي وكل شوي رفعين ضد ولي العهد
الله يحفظه في المحاكم يبغون يمنعونه من دخول امريكا ..الخ
هذا الخطر اكبر من خطر ايران المنتفه والمشغولة في مشاكلها الداخلية
ماتضمن بكرة يجي رئيس يفرض على السعودية املاءات ولا يعطل
مشاريعها بفرض حظر او عقوبات مالية واقتصادية .. الخ
لهذا السعودية جالسة تدفع الصين علشان تلعب دور اكبر في المنطقة
ورعايتها للمصالحة مع ايران نوع من تقديم الصين كلاعب في الشرق
الاوسط وليس انتم يالامريكان وحدكم
وليش طيب ؟
علشان طال عمرك لو جاء رئيس وسوى عقبات اقتصادية
او سن قوانين تعطل من رؤية المملكة ومشاريعها الكبيرة
وتعاقداتها مع كبار الشركات وقتها السعودية بيكون عندها
رد مؤلم وهو بيع النفط بالليوان الصيني واللي بيكون اثره
على الاقتصاد الامريكي مثل اثر تسونامي على السواحل الاندونوسية
.