اخواني ابي الافاده لاصحاب الخبره لو تكرمتوا

المشاركة الأصلية كتبت بواسطة ->شـقاوي نجـد<-

--------------------
الله يعينك.. لكن أنت قل للقاضي لو أستفاد من القرض كان ما جا يطالب باللي دفعه... لكن وينه طول ال11 سنه؟ ممكن لو سنه او سنتين او ثلاث نقول ممكن... لكن11 سنه كثير مره.. يعني لا هو أستفاد ولا خلاني استفيد من قرضي.. فالحل يكون بالتراضي.. هو طلب وانا وافقت وكنا بالتراضي ووقتها كان مسموح التنازل حسب كلامه هو ..انا مااجبرته بدليل أنه دفع المبلغ وهو موافق.. والأن أنا وأنت أمامك والحل يكون بالتراضي وبما أن ألمده11 سنه والمبلغ110 ألف ريال..يعني مايعادل 10 الأف بالسنه أنا أسدده له النص عن كل سنه5الأف ريال يعني له55ألف ريال... وصل الله وبارك وقرضي في وقتنا الحاضر ماله اي قيمه..و يمكن يكون لاغي لأن الأنظمه تغيرت وحولها على البنوك.. ان تم هالكلام سدد له وتغلق القضيه.. وأن تم غير هالكلام وألزمت بسداد110 ألف ريال... خلك ذهين وانتم عند القاضي وقله أحاول أدبر له حاليآ وأظغط على نفسي و اسدد له60 الف كاش الان وصل الله وبارك..لاني مااستفدت من قرضي وطار علي وطول 11سنه وهو لاحس ولاخبر.. يبي يكون فيه كلام...كيت وكيت أذا عيا قل للقاضي هذا مب عدل ولازم خصمي يتحمل جزء من الخطاء والموضوع قبل 11 سنه ..الزبده أن ماقدرت يمين يسار وحاولت ومافاد فيهم .. وألزمت وألزمك القاضي بالسداد بمبلغ110 ألف خلاص مافاد فيه ولا انصفكم القاضي بالتراضي والمفروض الأنصاف لاضرر ولاضرار لأن هو بعد عليه جزء من المسؤليه.. هنا أنت قل المبلغ حاليآ غير متوفر وانا عندي ألتزمات ومسؤليه وساكن أيجار او علي دين او راتبي مايغطي مصاريفي انا واسرتي..يعني طلع عذر صريح وأكيد وأطلب تقصيد ألمبلغ عن كل سنه5000 ألف ريال زي ماضيع عليك قرضك ومااستفدت منه لمده11 سنه ينتظر الله لا يهينه 11 سنه زي ماانتظرت انت وبتاريخ30/12/1445 يستلم اول 5000 ألف ريال ألى عام1455 هجري.. ولو أنا مكان القاضي أحكم له بنص المبلغ هذا أنكان الموضوع قبل سنه او سنتين بالكثير.. لكن11 طااارت الطيور بأرزقه.. عمومآآآآآ سامحنا والله يسهل امرك وأمرنا.. وأن كان حلي لمشكلتك او للموضوع ماجاز لك أو فيه خطاء ونسيان وعدم فهم الموضوع فالعذر والسموحه منك ومن الأخوه اللي يقرؤن ردي... والسلام عليكم ورحمه الله وبركاته.

المشاركة الأصلية كتبت بواسطة فهد سهم

انت متضرر بعد 11 سنه وهو اللي ما استفاد ولا خلاك تستفيد