في احد اسواق شمال الرياض ( اتحفظ على اسم السوق ) ؛ فيه
رجل يتردد على المقهى المتواجد في السوق من سنوات واقابله
واسلم عليه الى يومكم ذا ، قصته غريبة كان سمسار عقار بعض الصفقات ياخذ فيها 300 الف ريال الكلام ذا قديم عام 2004
اشتغل على نقسه كون ثروة و تحديدا عام 2006 كلمه واحد من
اخوياه قال بنروح المغرب و سافرو و راخو هناك و تعرفون زكرتة
الشباب و كذا يعني
حب له بنت من اول يوم وجلست
عندهم ثلاثة ايام و رابع يوم راحت الى بيتها وكلمته قالت تعال مسوية حلا لك و قهوة وكانو في مراكش بالتحديد و راح لحاله
لبيتها و كلم خويه قال بروح قريب واجي وصل عندهم ( طبعا الرجال من ثاني يوم يقول علمتها باملاكي و الي عنده بالعربي
عطاها كشف حساب باللي يملك ) ، دخل عندهم اكل من الحلا وكان فيه سحر الله يلعنها و من ثالث يوم حول 100 الف لها و رجع
الرياض و على تواصل معها و يمين بالله كل اسبوع يرسلها حتى خلته على الحديدة والى يومكم ذا مسحور و البنت تركته من 10
سنوات تقريبا و اتقطعت اخبارها وهو عمره في مطلع ال 50 عام و لا تزوج وحالته يرثى لها يقول الحمدلله عندي بيت ملك ( في
شارع الضباب بالرياض )) هذا اللي طلع فيه من الدنيا بعد ما اكلت الاخضر و اليايس من دراهمه ،،،
1- الرجال اشوفه تجيه بعض الفصلات احيانا و يتذكرها و يحزن
و يرجع طبيعي ( ما زال مسحور ما انفك باقي ).
2 - الله يهديه و يصلحه ( راعي بنات و غزلنجي قديم ) لكن اي بنت تقرب منه بالعربي جسديا ينفر على طول ويتركها و ينحاش
نها لو انها ملكة جمال الكون حاول يتزوج و فشل يقول قبل الملكة اخاف و اغير رايي ( سوت له ربط عن النساء الله يشفيه )
3 - يعترف انه مسحور و راح للشيوخ و قرو عليه و رقية شرعية و لا فاد يتعب و يطيح ؛
4- سالته عن السحر في المغرب و قال فيه ومنتشر هناك ولكن ما يسحرون الا واحد فيه طمعة يعني كاش ، يقول اكثر السوالف كذب مثل الطفارى ابو قرض و رايح هناك يقول ما درو عنه يبون الكاش ،
5 - هذه سالفته و من لسانه و انا جالس معه شخصيا ، الله يشفيه و يشفي كل مسحور و يفك عنهم اللي فيهم يا رب ، تحياتي .