وين العجب انا عمري الان تجاوز الاربعين و لازلت اعزب فلا غرابة .. ليش ؟ .. وضع الزواج صار صعب على الشباب اللي انا منهم .. البنات اليوم ما عاد شبعن و لا يعجبهن العجب مهما وفرت لها تلاقي عينها دائما على اللي اعلى منها مهما بحثت انت كشاب عن مستواك و لا تعديته .. ما عاد يعجبها تاخذ من مستواها و مستواي .. و اللي مستواهم هاي يبون من مستواهم او يفضلون مستوى اعلى من مستواهم .. الزواج اليوم معادلة صعبة جدا .. اذا عندك مرسيدس تقول لك ليش ما عندك بنتلي .. اذا عندك بنتلي تقول لك ليش ما عندك رولز .. و اذا عند رولز تبي طيارة خاصة .. المجتمع اصبح مريض .. اهلها يبحثون عن مستوى اعلى من مستواهم اكيد .
البنات اليوم شي ما يسر الخاطر .. اللي تبي كوري و اللي تبي واحد عايش في كندا واللي مستواها متواضع جدا و و لو بحثت عنها تلاقيها تبحث عن غيرك ما تنظر لك و لا انت في عينها شي لان عينها على هذول اللي يبون من مستواهم ..
المشكلة هذا الحين اذا مع اهله تجارة و عمارة و يرجعوه .. ما عاد له مخرج الا بالزواج من الخارج .. صرنا في زمن نيلة .. الاهل شاطحين من جهة و البنات شطحن شطحتين شطحة لحالهم بالاستحقاقات اللي يطالبن فيها .. و شطحة في العلالي مع اهاليهم .. هذي المستويات الهاي و اللي ما عاد صاروا يشوفون البشر شي ما ربوا بناتهم بعد الثراء على الادب و القناعة و الرضا والدين و الاخلاق و ما فهموا بناتهم ان الحياة اذا كانت وردية اليوم بكرة راح تكون طين على اهلها و على اللي جابوها
فواجب انها تعمل حسابها على تقلبات الزمان و الاهم التربية الصالحة و الدين و الرضا بالنصيب خصوصا اذا كان الشاب محترم و اهله محترمين و والله ان حماة مثل امه هذي اللي قعدت تبكي بعد الاتصال لوحدها مكسب عدى ان الشاب من اقاربهم ..
يا اخي تخيل لو ان نصيبها مع واحد مستواه اقل من مستوى اهلها او تجلس عانس وش بتسوي اذا كل اللي يتقدمون لها من مستوى اقل من مستوى اهلها .. و بعدين عندهم اكثر من بنت يعني خلفتهم كلها بنات من وين راح يجيبون لكل واحدة فيهن ثري ينغنغها و يدلعها مع الاوضاع المتقلبة و الانخفاضات الاقتصادية و انا سامع ان اثرياء كانوا في المقدمة خسروا مراكزهم و تراجعوا .
الاثرياء يبون من مستواهم و البنات من الطبقة المتوسطة ييحثت عن مستويات اعلى بكثير .. ثم يقول لك عنوسة و يلومون الشباب اللي يطلعون موافقات الزواج من الخارج .. يا اخي النوعيات المتوفرة ما تساعد .. من يوم ما بدأوا يتكلمون لنا البنات عن استحقاقات و علموها ترفع استحقاقاتها رحنا وطي