logo

هوامير البورصة السعودية > الاقسام العامة لموقع هوامير البورصة > الملتقى الــــــعـــــــام للهــــــوامــــــــيــــــــر

قراسياس هوامير البورصه قراسياس (( طبعا باللهجة المحليه ))



صفحة 1 من 5
1
2
3
4
5
أدوات الموضوع
قديم 26-01-2007, 02:55 PM
  المشاركه #1
الطــــــــير
عضو قدير
تاريخ التسجيل: Jul 2006
المشاركات: 7,158
 


قراسياس هوامير البورصه قراسياس (( طبعا باللهجة المحليه ))

السلام عليكم ورحمة الله وبركاته

أولاً وبادئ ذي بدء (مسوي سيبويه :5: ) أشكر لأعضاء وإدارة المنتدى هذا التكريم , لقد أثلجتم صدري بردودكم على الموضوع المثبت وهذا هو المكسب الحقيقي صراحة , وعسى أن أكون عند حسن الظن .

مع إني كنت أتمنى أن تكون التسميه تناسب وضع السوق الحالي مثل ( مشوت قواطي , مسحّب جوالين , مقاطع كوسه وطماط , يعني من هذا القبيل ) :5:

همسه في أذن الحزب الثوري :- يعلم الله لم تكن هناك خيانات حزبيه بالتخلي عنكم , لكن كل مافي الأمر أنها فترة أنتقاليه .

<<<< اليوم لازم نركد عشان الإداره ما يهونون لأني أريد الحصول على اللقب ومن بعدها يتم المزاد العلني على المعرف , وذلك نظراً للظروف الإقتصاديه الحاصله جراء النسب المتواليه لسوق كل شيء بريالين . :4:

أترككم مع كم قصيده تتوجدون الخميس والجمعه , من الكاتب القدير البهلال فقد هيضني لأنه أصاب كبد الحقيقه وعينها وراسها بعد . ففضت شعراً وأبحرت معه

اقتباس:
المشاركة الأصلية كتبت بواسطة البهلال
بسم الله الرحمن الرحيم
السلام عليكم ورحمة الله وبركاته
=======


لا نيب أنا بلندن ولا شفت أغادير***** في ديرتي من يوم ربي براني
ولا تعّبت رجلي بعيد المشاوير***** و اليا انتهى شغلي ببيتي مكاني
===========================
قالوا ترا في سوقنا الخير و الخير***** و قلنا معاكم يوم ربي بلاني
ودخلت انا سوق الفلس و المحاذير **** راضي(ن) بما رب الخلايق عطاني
لكن غدينا لقمة للهوامير ***** و مهما فعل هامورنا ما يداني
من فعلهم حار الفكر و التفاكير***** و من فعلهم ضاعت احلوم او اماني
في سوقنا ذقنا العنا و المخاسير ***** يا سوقنا اللي ما سلم مودماني
ترا الخساير مثل ضرب السواطير **** و لوكان ما يجري بها الدم قاني
=========================
صرح لنا المسئول وطرنا تباشير****ومن سبة التصريح كلن يعاني


لمسئولنا كنا نسوق المعاذير ***** و الحين صفينا عليه الثماني
ماعاد ينفع منه مليون تقرير ***** كنا نعيش بعالم(ن) غييير .. ثاني


في وصف حالتنا تخون التعابير **** وامحال تاصفها اجزال المعاني
اليا اقبل الراتب كلته الفواتير****و اللي بقا ما بين خبز(ن) و شاني
ما كننا في ديرة الطيب و الخير **** اللي كرمها طال قاصي و داني
================
امنولن نبغى اقصور او دنانير ***** و الحين ما جاني من الله كفاني
يرزقني اللي يرزق الحوت و الطير ***** وما يوم انا للخلق قاصد و عاني
=============
وصلاة ربي عد ما حنت العير ****على النبي واعداد كل المباني

والسلام عليكم
البهلال
ابوابراهيم
اقتباس:
المشاركة الأصلية كتبت بواسطة الطــــــــير
صح لسانك . هيضتني يا أبو براهيم الله يهديك .
قلت أعطيك هالبيتين مجاراه لقصيدتك اللتي لامست جرحنا .

لو أنك بلندن وراعي مغاتير
***** أشهد شهادة حق منته معاني

لكنك بدار الرجال المناعير
***** مسلوب حق وكل يوم أمتهاني

تعبت أنا مثلك ولا أقوى على السير
*****واللي وطاك اليوم عانه وطاني

من قلة الحيله وقل الدنانير
*****ومن عقب ماكنت البطل في زماني

أصبح رصيد البنك كله محادير
***** والمحفظه في كل ساع بطماني

قلّبت محفظتي وعيّت معي تسير
*****تقول من هو للخساره حداني

قلت أسمعي وأنا بعطيك تفسير
*****وخوذي الكلام الزين من مهذباني

يا بنت أنا منوّل أحب المسايير
***** وأحب ترفات البني الغواني

وأحب سجات الخلا تالي عصير
*****وأحب أسامر ليلي السرمداني

وأفرح ليا من شفت غيومٍ مزابير
*****ومن قبلها طالع سهيل اليماني

وأفرح ليا من شفت تزهر نواوير
*****بديار نجد وحول ذيك المحاني

كانت هوى بالي وأجمل تعابير
***** وماني على الدنيا كثير إشفقاني

وجاني ردي الحظ وبرآيه يشير
***** يقول عندك سوق يثري ثرياني

ومن عقبها يا بنت عسى الله يجير
***** فارقت أنا الراحه وكبار الصواني

حلمت لي حلمن وكني أباصير
***** مخاشر التجار في كل شاني

قمت وفتحت مكتب ومعرّف الطير
***** وخطفتك من البنك بليّا ضماني

وأودعت بك وأنتي كما جمة البير
***** نسمع صداه ولا نزلناه داني

مشت أمور الكل بأحسن تياسير
***** وقمنا نثر المال بكل التفاني

من عقبها جونا وجيهن مغابير
***** وخلوا حلال الشعب بأسفل مكاني

أصبحت أنا وياك في أمرٍ محير
***** ويحرم علي يابنت ماني بجاني

لو هي بزمان أول والله لا أغير
***** وآخذ حلال القوم واللي غزاني

تجبري بالله مابه دساتير
***** تحمي حقوق الناس قاصي وداني

 
  
قديم 26-01-2007, 03:00 PM
  المشاركه #2
abu jreeb
كاتب قدير
تاريخ التسجيل: Jul 2006
المشاركات: 6,749
 



كيف سويت أقتباسين على موضوع واحد





قديم 26-01-2007, 03:05 PM
  المشاركه #3
Hizoom
(محلل وقلم الهوامير المميز) &حيزوم ابن الوادي &
تاريخ التسجيل: Sep 2006
المشاركات: 4,375
 



صح لسانك ولسان ابوبراهيم
حي الطير الله حيه



قديم 26-01-2007, 03:13 PM
  المشاركه #4
فايز77
كاتب قدير
تاريخ التسجيل: Jul 2006
المشاركات: 8,092
 



مساك الله بالخير يالذيب
الف مليون مليار مبروك على الترقيه---وبعد المرحله الانتقاليه بنشوفك:5:
قصيده رائعه ورد اروع

وليته على قولتك زمان اول--كان يمكن بالجهد نجيب شيء
لكن مثل ماتفضلت--- وين الدستور اللي يحمينا-:5: -- وكيف حماهم0

وبعدين



قديم 26-01-2007, 03:13 PM
  المشاركه #5
ابا الوليد
عضو هوامير المؤسس
تاريخ التسجيل: May 2005
المشاركات: 3,301
 



صح لسانك
ياطير السعد



قديم 26-01-2007, 03:29 PM
  المشاركه #6
الطــــــــير
عضو قدير
تاريخ التسجيل: Jul 2006
المشاركات: 7,158
 



اقتباس:
المشاركة الأصلية كتبت بواسطة abu jreeb
كيف سويت أقتباسين على موضوع واحد

هذي الحركه ما يسويها الا المميزين فقط . وليس الأعضاء العاديين مثلك :5: لا أصبر حتى يحطون اللقب وتشوفني حاط 50 أقتباس . :5:



قديم 26-01-2007, 03:33 PM
  المشاركه #7
Apatchi
عضو هوامير المميز
تاريخ التسجيل: Jul 2006
المشاركات: 757
 



صح لسانك


ياوجه الخير



قديم 26-01-2007, 03:40 PM
  المشاركه #8
يرفأ
محلل هوامير
تاريخ التسجيل: Apr 2005
المشاركات: 4,200
 



اخي الطير
السلام عليكم ورحمة الله وبركاته

رائع فعلا وان من البيان لسحرا كما قال النبي صلي الله عليه وسلم
فعلا لادساتير ولاانظمه الا على الضعيف ونحن بلد القرآن وفيه اذا سرق الشريف تركوة واذا سرق الضعيف قطعوة ولكن ابشر ان شاء الله
(فعند الله تجتمع الخصوم وهكذا يكفي)



قديم 26-01-2007, 03:42 PM
  المشاركه #9
aimsaims2
عضو موقوف
تاريخ التسجيل: Dec 2005
المشاركات: 183
 



اقتباس:
المشاركة الأصلية كتبت بواسطة الطــــــــير

هذي الحركه ما يسويها الا المميزين فقط . وليس الأعضاء العاديين مثلك :5: لا أصبر حتى يحطون اللقب وتشوفني حاط 50 أقتباس . :5:

لا تتكبر على ابو جريب .... الطير ... تعرف ايش يلقبووني

مشوت مشوت القواطي :5: :4: :5:

صح لسانك الطويل



قديم 26-01-2007, 03:45 PM
  المشاركه #10
ابورغد22
محلل فني
تاريخ التسجيل: Jul 2006
المشاركات: 7,263
 



اقتباس:
المشاركة الأصلية كتبت بواسطة الطــــــــير

هذي الحركه ما يسويها الا المميزين فقط . وليس الأعضاء العاديين مثلك :5: لا أصبر حتى يحطون اللقب وتشوفني حاط 50 أقتباس . :5:
الله يرجك يالطير لين تفور :5: :5: :5:


يابوعبدالمحسن.... قصيده جزله من رجال جزل وفالك المليون
على طاري المليون يقول الشاعر الاردني سلطان الرواد

ويوم الغنم تسرح على غير راعي ----- تبشر بذيبٍ محتري تالي عصير

بعدين انتبه يلعب بك ابليس وتكبر عقب الترقيه :10: :10:




قديم 26-01-2007, 03:52 PM
  المشاركه #11
خشم السيف
عضو هوامير المميز
تاريخ التسجيل: Jul 2006
المشاركات: 2,561
 



صح لسانك<<<<<<<<<<



قديم 26-01-2007, 04:00 PM
  المشاركه #12
abu jreeb
كاتب قدير
تاريخ التسجيل: Jul 2006
المشاركات: 6,749
 



اقتباس:
المشاركة الأصلية كتبت بواسطة الطــــــــير

هذي الحركه ما يسويها الا المميزين فقط . وليس الأعضاء العاديين مثلك :5: لا أصبر حتى يحطون اللقب وتشوفني حاط 50 أقتباس . :5:
كفو والله يالمميز
خلاص سألت ولدي الصغير وعلمني

وش ضنك أسم اللقب اللي بيعطونك



صفحة 1 من 5
1
2
3
4
5



الكلمات الدلالية (Tags)

هوامير

,

المحليه

,

البورصه

,

باللهجة

,

طبعا

,

قراسياس


«

ذبابة علــــى الشــاشــة ..

 |

أسئله... اذا قرأت أجوبتها ....سترتاح ان شالله

 »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


08:58 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.