دخلت موبايلي وأحسست أني انسان ودخلت مرات للأتصالات و تحس انك مهان

صفحة 1 من 2

19-09-2009, 09:06 AM

المشاركه #1

مدررررررررررررس

عضو هوامير المميز

تاريخ التسجيل: Jan 2007

المشاركات: 787

دخلت موبايلي وأحسست أني انسان ودخلت مرات للأتصالات و تحس انك مهان

دخلت موبايلي لكي أرجع البرودباند لعدم تغطية الحي السكني التابع لي لأنه جديد

ودخلت الفرع الرئيسي واذا بشخصين يستقبلاني والأبتسامه على شفاتهم و وتصورت

أنني داخل بالخطأ صالة أفراح عندما رأيت الأبتسامة غير المصطنعه وحلاوة الترحيب

ويقول لي واحد كيف اخدمك ؟

أنا منذهل واقوله نعم

قال اي خدمه تحب تعملها هنا

قلت : لا حاب ارجع الجهاز فقط

قال : تفضل وطلع لي ورقة وكتب عليها اللي اريد اعمله ووقع عليه بعد ماطلع لي

رقم وقال انتظر في هالكراسي .

أي كراسي على مستوى وطاولات تحط الأغراض فوق الطاولة

والموظفين أمامك بأبتسامه يقومون بخدمة العملاء والرد على جميع استفساراتهم

الى أن أتى الرقم المخصص لي

الموظف بأبتسامه تفضل واعطيته الجهاز وبدأ يشرح لي اذا أردت خدمه أخرى من موبايلي وهل لدي أي خدمة في موبايلي وقلت له لا

قال لدينا عروض و و و . . .الخ

المهم لم يسبق أن تعاملت مع موبايلي الا برقم شحن بدون اسم ويوفر علي الكثير

قال لي المهم مقتنع من الخدمة قلت له نعم انتهى الحوار واستلمت فلوسي .

الذاكرة عادت بي وأنا خارج من مبنى موبايلي لشركة الاتصالات علما أن المحل المجاور شركة الاتصالات السعودية ولكن مقفل ليلا فكيف بالعميل اذا احتاج أي خدمة ولايوجد الا فرع واحد يفتح للاتصالات السعودية

عادت الذاكرة عندما كنت ادخل شركة الاتصالات لااجد الا السيكورتي يعطيني

الرقم وفي جيبه اذا ايام في زحمه كم رقم اذا جاه احد معرفه وبعد ذلك تذكرت

مره اريد خدمه ما وادور في الأستمارات وكأني في بنك لااعلم ماهي الاستمارة

المطلوبة واذا ماعندك قلم الله يعينك على الشحاذه قلم يامحسنيين والغريبة شركة

تدعم انديه وماعندها قلم يكتب فيه واتذكر كراسي الانتظار جنب بعض تقول

سوبر بان ومافيه طاوله تكتب فيها لازم تكتب وأنت واقف

تذكرت في شركة الاتصالات حينما يأتي دورك بعد طول انتظار وتشاهد الواسطات

قدامك يدخل على خويه من دون رقم وينجز اموره

نعود لما اتاني الدور والموظف مكشر والكرسي منزله على وراء تقول راكب قراندي
86

الموظف مادري زعلان واذا ابتسمت له تحس انه يقول ايييييييه يبغى يقط وجهه ويتعرف

الموظف انت تشرح له وش تبغى ماتكفيه الاستماره ويسئل خويه اللي بجانبه

كيف هذه ؟ ويرجع يقول اثباتك لو سمحت ويطالع في الاثبات للتأكد من الشخصية

وهذا من حقه لكن طريقة التأكد تخليك تشك انه اثبات واحد غيرك ماهو بأثباتك

وتقوم تتطالع معه تتأكد والنظره تقول عسكري في نقطة تفتيش وبعد التأكد والتمحيص

والتقحيص يسولف مع زميله اللي بجانبه و ياويلك لو تقاطعه لرأيت النظرة

المليئة بالشر .

وبعدين يقول لك اتصل على 902 و 907 يسوون لك هالشئ

طيب من الصبح ياأخي تكلم ولا موظف الأستقبال يقول لنا هالشئ ونسيت

مكتب الاستقبال مكتب بدون موظف

ااااااااااااااااه ياموبايلي

مع العلم كل خدماتي جوال - ثابت من شركة الاتصالات لكن ماقول مجبر اخاك لابطر

الموضوع الأصلي : اضغط هنا || المصدر :
الاسهم السعودية

19-09-2009, 10:06 AM

المشاركه #2

craino

عضو هوامير المؤسس

تاريخ التسجيل: Jun 2005

المشاركات: 5,253

يعطيك العافيه فعلا مكاتب موبايلي افضل من مكاتب الاتصالات والتعامل الفرق واضح لموبايلي سواء في المكاتب او في خدمة العملاء الهاتفيه

19-09-2009, 10:07 AM

المشاركه #3

تيريـــم

عضو هوامير المميز

تاريخ التسجيل: Aug 2007

المشاركات: 164

يا لبى موبايلي بس

والله صرت احس اني عميل مقدر ومحترم .. ثمان سنوات ذقت فيها المر مع الاتصالات ..

لكن ابشرك ربي فكني منهم وحولت رقمي قبل سنتين ومرتااااااااح
والله لو يدبلون الفاتورة ويخلونها عشرين ألف

احبهم وبعطيهم ياشيخ لو يخاشروني في راتبي والله ماقول لا .. لأني ادري انهم على حق وانا على حق
صح فيه غفوات منهم لكن مزاياهم كثيييييييييييير

ياخي لين شفت موظف موبايلي ودي انط في حضنه .. الحب ومايسوي

19-09-2009, 10:12 AM

المشاركه #4

مدررررررررررررس

عضو هوامير المميز

تاريخ التسجيل: Jan 2007

المشاركات: 787

اقتباس:

المشاركة الأصلية كتبت بواسطة craino

تصدق اخاف يصير عندي ادمان واصير كل يوم رايح لموبايلي

يااخي طاولة وكراسي حولها للأنتظار وكراسي كثيرة تكفي وزيادة تحس ياأخي

أنك تدفع وتلقى شئ يريحك ولا بعد ترجع البرودباند وخذ فلوسك .

19-09-2009, 10:15 AM

المشاركه #5

مدررررررررررررس

عضو هوامير المميز

تاريخ التسجيل: Jan 2007

المشاركات: 787

اقتباس:

المشاركة الأصلية كتبت بواسطة تيريـــم

ههههههههههههههه صار عشق ماهو حب بس

ياأخي حتى لديهم فروع نسائية موظفات لذلك تشوف كثير من النساء لديهم موبايلي

بسبب محافظة على خصوصيتهم وتقدر تخاطب نساء مثلها

19-09-2009, 04:01 PM

المشاركه #6

مغربل

عضو هوامير المميز

تاريخ التسجيل: Aug 2007

المشاركات: 65

يارجال تراهم خوات لابارك الله فيهم . رقيه وسبيكه واحده لها قشه والثانيه تمشط

19-09-2009, 05:33 PM

المشاركه #7

نادر999

عضو هوامير المميز

تاريخ التسجيل: Jul 2006

المشاركات: 777

أقسم بالله انك صادق ومن تجربة شخصية للأثنتين موبايلي المشرف تعذر لي من تصرفات الموظف وكلم الموظف وجاء عندنا بمكتب المشرف على القسم ومسح فيه البلاط وخلاه يتعذر مني !!!ولاخلاوني اطلع الامتعذرين مني ومقهويني اقسم بالله اني طلعت وانا ماني مصدق

أما الاتصالات مخطين وينافخون شين وقوي عين وكن الجوال معطيني ايه بلاش وكن الموظف ماله راتب فاعل خير المسكين وماأخس من الموظف الا المشرف عليه!!!!!!

19-09-2009, 05:49 PM

المشاركه #8

زهرة السوسن *

كاتبة قديرة

تاريخ التسجيل: Jul 2009

المشاركات: 21,950

مشاركة: دخلت موبايلي وأحسست أني انسان ودخلت مرات للأتصالات و تحس انك مهان

الله اعين الجميع...كل عام وانت بخير

19-09-2009, 06:17 PM

المشاركه #9

جمس الهيئه

عضو هوامير المميز

تاريخ التسجيل: Aug 2006

المشاركات: 1,480

لاتصالات والله والله والله شوفني صايم انها اخس شركة على وجه الارض وللي مجتمعين على كراسي المسئوليه فيها شلة نصابين من الطراز الرفيع ..
حرام والله شركة وتحمل اسم البلد وتكون معاملاتها مع الجمهور بها الشكل .. اسئلني انا ادق على 902 يلطني 20 دقيقه ثم يرد على واحد ينافخ علي اي والله ياخوان هذا اللي حصل معي ومو مره بس لا والله اكثر من مره .. وانا علي نذر لو يعطوني من جيووبهم فلوس ولا يعطوني خدمه مجانيه مارجعت لهم .. اروح موبايلي ولا زين ولا ادفع زيادة ولا اجلس في شركه مسئول وموظف سرقه في سرقه .. لا ولمى رد علي تدرون اش قال لي يقول ياخي احنا 3 فروع انت الان تككلم فرع الرياض .. قلت اش دخل هذا في اني تلطعني 20 دقيقه على السماعه .. قال اخوي .. احنا نخدم 23 مليون نسمه .. قلت له 23 مليون نسمه كلهم لك معهم عقود ويكلمونك باستمرار قال واكثر .. كيف اقدر اخدمك ..
تدق على زين ولا موبايلي اقسم بالله ما تكمل 3 دقايق الا في موظف رد عليه لا ويقول لك احلى الكلام وشويه لو بيده يشيلك شيل .. هذا السنع

مو واحد ياخذ مني كل شهرين 1000 ويوم ادق ينافخ علي .. هزلت ولو الود ودي

مايجلس في شركة الاتصالات اي شخص حتى تفلس وتعرف تجيب موظفين وتعرف تتعامل مع الجماهير ..

19-09-2009, 06:21 PM

المشاركه #10

@ الساحر @

عضو هوامير المميز

تاريخ التسجيل: Jul 2006

المشاركات: 4,014

يا لبى موبايلي بس

19-09-2009, 06:28 PM

المشاركه #11

متااابع

عضو هوامير المميز

تاريخ التسجيل: Feb 2008

المشاركات: 1,956

موبايلي وغيرها لا دور

19-09-2009, 07:14 PM

المشاركه #12

البرنس 999

عضو هوامير المميز

تاريخ التسجيل: Feb 2007

المشاركات: 55

ماخس من قديد الا عسفان

صفحة 1 من 2

الكلمات الدلالية (Tags)

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

08:56 PM

دخلت موبايلي وأحسست أني انسان ودخلت مرات للأتصالات و تحس انك مهان

الاسهم السعودية

للأتصالات

أني

مهان

موبايلي

مرات

وأحسست

ودخلت

انسان

انك

تيس

دخلت

اقرا ايضا

دع محمد صديق المنشاوي يدرس ابنك القران الكريم

مِن عجائبِ العلاجِ بالصَّدَقة !!!!