logo

هوامير البورصة السعودية > الاقسام العامة لموقع هوامير البورصة > الملتقى الــــــعـــــــام للهــــــوامــــــــيــــــــر

شريت كتاب مستعمل وشوفو وش لقيت فيه ؟



صفحة 1 من 2
1
2
أدوات الموضوع
قديم 02-01-2011, 07:31 AM
  المشاركه #1
ابوعبدالله شرقي
عضو هوامير المميز
تاريخ التسجيل: Jul 2006
المشاركات: 2,618
 


شريت كتاب مستعمل وشوفو وش لقيت فيه ؟

السلام عليكم ورحمة الله وبركاته
,,,,,,,,,,,,,,,,,,,,,
رحت لمحل بيع الكتب المستعمله المكتبة ذي تبيع الكتب الرخيصه

رحت لها وشريت لي كتاب وكان عندي اختبار له في اليوم الثاني.. (هذي طريقتي في الاختبارات).. المهم فتحت الكتاب


فتحت الصفحة البيضاء اللي بعد الغلاف لقيتها مكتوبة بقلم حبر ناشف، واضح إنه مكروف لين قال آمين، المهم ..

الكتاب طلع لبنت قبل ما تبيعه (يا عمري توها زانت المذاكرة ) والغريب إنها كاتبة الكلام هذا:

( أنا أدري إنك أول ما تقرا الورقة ذي بتنهبل، بس خلّني أقول لك شي.. أنا صراحة مثلك في الكلية ومقهورة..

ما كتبت هالكلام إلاّ من القهر.. وعندي إحساس إنك بتقدّر ظروفي كونك مثلي عايش نفس الأجواء الحين )!!

وقامت تسب في دكتورة اسمها .... !! وبعد ما شبعت من سبّها.. قالت: (وعموماً فرصة سعيدة جداً إني تعرفت

عليك، وأشكرك على قراءة كلماتي بس والله ما كتبت إلاّ من الطفش -عموماً- أنا فضولية شوي.. ممكن بعد ما

تخلّص من الكتاب.. تكتب لي على الوجه الثاني ردّك لي.. ورجعه وأنا بقرا ردّك.. وإن شاء الله إني أبي أجي

أشتريه في تاريخ كذا كذا )

ناظرت في التاريخ.. لقيته بكره !!!!!؟

ياساتر وش أسوّي؟ طيب أنا ما ذاكرت.. وش ذا الحظ؟ المهم إني خقيت (يعني رحت وطي)..

وقررت إني أكتب لها الرد وبرجّعه.. بس قبل كل هذا رحت وصورت الفصول اللي داخله بالاختبار عشان اذاكر


ضبطت لها رد محترم وقلت لها: ترى أبي أشتريه عقب أسبووع .. ورحت أرجعه ..

وفعلا رجعته وشراه الزوووول مني بنص السعر


اليوم الثاني بالليل رحت للمحل لقيته الكتاب مباع سألت الـزووول : الكتاب اللي شريته منك أمس وينه؟ قال: امبارح اجت

بنت وشالته !!

وانا اللي تنفتح كشرتي لين وصلت اذاني

المهم أخذت أنا ويّاها الله لا يقردنا ثلاثة أشهر وحنّا شارين الكتاب بايعين الكتاب.. والمستفيد الـمحل حق الكتاب المستعمل..

لا وبعد صار ما يحطّه في الدرج.. خلاص فهم علينا وصار يخليه عنده على الطاولة ويسلمه لي أو لها أول ما نجي ..

مررررررت الأيام وجيت مرة قلت للـزوول وين الكتاب؟ قال: ما أدري امبارح

جاء راجل أخذ الكتاب.. قلت: يا ابن الحلال قل غير هالكلام الكتاب قديم ومعفّن وأوراقه نصها كتابات.. قال: آآآآآي

عليك الله أخدوه الزول الكتاب الأصفر ..

المهم طلعت وركبت السيارة.. ويوم وصلت الإشارة قلت : لحظة يا رجال، الـ..... الحين يقول الكتاب الأصفر.. يا خي هو


أحمر أصلا مهوب أصفر ..

المهم ديورت بسرعة ودخلت المحل بسررررعة.. تتوقعون وش شفت؟!!!


لقيت الزووووووول ابن الذين ماسك كتابي الأحمر وقاعد يكتب الرسالة اللي أنتظرها في

صفحة من الصفحاااات

طلع الخال هو اللي انا خاق معه من
مده

منقوول
 
  
قديم 02-01-2011, 07:40 AM
  المشاركه #2
الـرادار
عضو هوامير المميز
تاريخ التسجيل: Sep 2010
المشاركات: 1,569
 



يعني تخرفنت





قديم 02-01-2011, 07:45 AM
  المشاركه #3
سماء ونجوم
قلم هوامير المميز
تاريخ التسجيل: Feb 2008
المشاركات: 9,515
 



شكراا للقصة حلوه تخرفنت مت ضحك عليها هههههههههههههههههههههههههههههههههههههههههههه



قديم 02-01-2011, 07:46 AM
  المشاركه #4
ابوعبدالله شرقي
عضو هوامير المميز
تاريخ التسجيل: Jul 2006
المشاركات: 2,618
 



اقتباس:
المشاركة الأصلية كتبت بواسطة الـرادار
يعني تخرفنت
ماهواناهواللي تخرفن:12:




قديم 02-01-2011, 08:09 AM
  المشاركه #5
عليمية أسهم
عضو موقوف
تاريخ التسجيل: Oct 2006
المشاركات: 3,097
 



مي زيادة وجبران خليل جبران الألفية الثالثه !
رائع جداً حب بين السطور مكانة أرفف المكتبات وبمباركة أمين المكتبة :5::8:

أواه يا قلب عليل تعلق ..
في حب منهو بالكتب فتني ..

عليمية أسهم ،،




قديم 02-01-2011, 08:19 AM
  المشاركه #6
ffahed
عضو هوامير المميز
تاريخ التسجيل: Sep 2006
المشاركات: 11,775
 



ههههههههههههههههههه

منقوله الضحكه



قديم 02-01-2011, 09:10 AM
  المشاركه #7
الـــواعـــد111
عضو هوامير المميز
تاريخ التسجيل: Mar 2010
المشاركات: 21,436
 



القصة هاذي لها اربع خمس سنين حصلت في احدى محلات الكتب المستعملة والمستفيد الزول بفكرتة الذكية يذكرني في مضاربين الاسهم وخداعهم ..... يعني لهالدرجة بعض الشباب عقولهم كذا ينلعب عليهم وخاصة الان في ضل الالفية والتكنولوجيا فيه وسائل اخرى للتعارف اذا هو محتاج حنان ( ايقونة خجل ) لكن الظاهر شبابنا مافيه حيلة سيطر على كل انواع التعارف في شتى انواع المجالات من تقنية الى ورق



قديم 02-01-2011, 09:53 AM
  المشاركه #8
أم عصام
كاتبة قديرة
تاريخ التسجيل: Mar 2007
المشاركات: 12,391
 



ههههههههههههههههههههههههههههههههههههههههههه
من جد هذا الزول ذكي ولعبها صح :12:

انكان عطيتة كم كف علشان مايعيدها



قديم 02-01-2011, 10:23 AM
  المشاركه #9
عربي دايخ
عضو هوامير المؤسس
تاريخ التسجيل: Nov 2005
المشاركات: 20,421
 



اقتباس:
المشاركة الأصلية كتبت بواسطة أم عصام
ههههههههههههههههههههههههههههههههههههههههههه
من جد هذا الزول ذكي ولعبها صح :12:

انكان عطيتة كم كف علشان مايعيدها
منت بسيطه ام عصام .. كم كف .. وش السالفه لاتصيرن من ربع قم بس قم :5::5:




قديم 02-01-2011, 10:45 AM
  المشاركه #10
المبتسمه
قلم هوامير المميز
تاريخ التسجيل: Oct 2010
المشاركات: 1,833
 



ههههههههههههههههههههههههههههههههههه
عرف الزول يطلع الدراهم لوانا في مكانه كان بلغة الشرطه



قديم 02-01-2011, 10:47 AM
  المشاركه #11
$$$سيف$$$
سيـــف الملتقى
تاريخ التسجيل: Aug 2008
المشاركات: 7,676
 



قصة رومااااااااااااااااانسية

بس الله يخرب بيت الزووووووووووووووول

خربهههههههههههههههههههها بالآخر:12:




قديم 02-01-2011, 12:15 PM
  المشاركه #12
aziz413
عضو موقوف
تاريخ التسجيل: Dec 2005
المشاركات: 3,717
 



ههههههههههههههههه مع احترامي انت الغلطان ... انت فاضي كل شوي تروح وتجي المفروض اول ما شريت الكتاب كتبت رقم جوالك مو قصة حياتك ..الظاهر انت شايب ونظامك قديم هههههههههههه



صفحة 1 من 2
1
2



الكلمات الدلالية (Tags)

لقيت

,

مستعمل

,

وشوفو

,

شريت

,

كتاب


«

موجز الاخبار

 |

يا جماعه مثل هالصور وشلون ننسخها لو تكرمتو تكفون

 »

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


07:55 PM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.