|
قصتي مع ابو ياسر صاحب الاكسبديشن 2016 ,,
في احد المواقع بيع السيارات شفت اعلان بيع اكسبديشن موديل 2016 عداد السياره 13000 الف كيلو يعني تعتبر جديده
تم الالتصال بصاحب السياره وسؤاله عن السعر وهل السياره تعرضت لحادث لو بسيط لاني انا ابعد عن مدينتك حوالي 700 كيلو اذا فيها شي علمني بدل السفر والتعب فرد صاحب السياره ( علي طلاق من زوجتيني ) سياره هذا علي يدي من الوكاله ولم تتعرض لاي حادث ابدا والله شهد علي كلامي فتم الاتفاق بيننا بتلفون علي ان احضر يوم السبت لاتمام البيعه وفعلا حضرنا انا وابن اختي وتواعدنا مع صاحب السياره الساعه الرابعه عصرا وفعلا حضر ومعه السياره في الموعد المتفق والله من شكله انه رجال اجودي وسياره وقفتها تعتبرجديده واكياس الوكاله باقي علي بعض الكراسي واخذنا السياره للفحص :hawamer5712وهنا المفاجائه بعد الفحص تبين ان سياره تعرضت لحادث قوي جدا وان الشاص تاثر وفيه بعد السمكره انحراف 4 سم وتم تغير اجزاء في السياره سالنا ابو ياسر عساه مايربح اشرايك في تقرير الفحص انا مثلكم ماني مصدق سكت الرجل ماعرف يرد ماحنا سالناك هل تعرضت لحادث وقلت سليمه من الحوادث وطلقت من زوجاتك انها سيلمه من الحوادث يعني تعبتنا وجيناك من سفر قال (عليه طلاق انكم ماترحون ) تتعشون عندي بعدها مايصير الا الي يرضيكم قلنا الله لا يسامحك وش رايكم في هذا الرجل |
رد: قصتي مع ابو ياسر صاحب الاكسبديشن 2016 ,,
للاسف البعض صار ما عنده ذمه ولا شي ، يحلف بالله ويقسم الايمان علشان يبيع سلعه مغشوشه
|
رد: قصتي مع ابو ياسر صاحب الاكسبديشن 2016 ,,
الله يجعل في الامر خيره لكم ان شاء الله
وهؤلاء بعضهم شريطيه وكذابين لاوفقهم الله ولكن الحمد لله انكم فحصتو السياره وطلع لكم المشكله قبل تنشب في حلوقكم |
رد: قصتي مع ابو ياسر صاحب الاكسبديشن 2016 ,,
يمكن مو متزوج او مطلق اصلا
|
رد: قصتي مع ابو ياسر صاحب الاكسبديشن 2016 ,,
وليه مارحتوا تتعشو ن عنده علي كلامه وتشوفون صدقه من كذبه وهل هو متزوج ولا يطلق في الهواء
|
رد: قصتي مع ابو ياسر صاحب الاكسبديشن 2016 ,,
لذلك خلق الله الجنة والنار
dalthomali |
رد: قصتي مع ابو ياسر صاحب الاكسبديشن 2016 ,,
الله لايوفقه ولا يبيحه الخسيس
|
رد: قصتي مع ابو ياسر صاحب الاكسبديشن 2016 ,,
الرجل صار في موقف محرج بعد انكشاف حقيقة السيارة ،
وأحب إنه يصالحك ويطيب خاطرك بوليمة عشاء . ومن جانبك التسامح أفضل طريق للخروج بموقف مشرف بعد انتفاء شرط سلامة السيارة من حادث ، فسيارته تبقى في حوزته و فلوسك محفوظة في حسابك الشخصي .. |
رد: قصتي مع ابو ياسر صاحب الاكسبديشن 2016 ,,
الفحص كان عليكم ام عليه
|
رد: قصتي مع ابو ياسر صاحب الاكسبديشن 2016 ,,
طبيعي جدا يحصل كثير -- فيه عدة احتمالات
1- ممكن الرجل ما يدري عنها فعلا 2 يمكن انه نصاب وحرامي 3 يمكن ان السيارة ماهي له لكن المفروض انكم اشترطوا عليه ان قيمة الفحص عليه هو في حال طلع في السيارة ملاحظات - وتشوفون سيارة اخرى السوق مليان ومتكدس علشان مشواركم ما يطلع بدون فائدة كان ما رجعت الا انت شاري - |
رد: قصتي مع ابو ياسر صاحب الاكسبديشن 2016 ,,
حصلت معي باكسبدشن
كنت بسافر مستعجل والجسب بالورشة وسيارتي صغيرة اسولف لواحد بجيب جمس اسافر واذا رجعت بعته وان جازلي خليته قال ابد ليش تشتري وكالة وتخسر اضعاف خذ مستعمل الله يجزاه خير فتحلي موقع وقال هذا واحد موديل العام ورحت اشوفه ويحلف راعيه ايمان مغلظة بان السيارة كرت وانا مستعجل شريته ومشيت وانه مصدوم صدمة مأثرة على القير والشاص ومغير العداد وفرط على القير بالطريق وتبهذلت الحمدلله كانت ثقتي بالله واني استانست باسم الله واليمين واطلب العوض من الله |
رد: قصتي مع ابو ياسر صاحب الاكسبديشن 2016 ,,
لا تثقون في أحد مهما كاااااااااااااااااااااااان لان أكثرهم كلاب للمال حتى لو على حساب أقرب قريب له فما بالك تثق في واحد بينك وبينه 700 كم
|
| 02:37 PM |
Powered by vBulletin® Version 3.8.11
Copyright ©2000 - 2024, vBulletin Solutions, Inc.
Search Engine Optimisation provided by
DragonByte SEO (Pro) -
vBulletin Mods & Addons Copyright © 2024 DragonByte Technologies Ltd.
جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك