كيف ما جات بارسلها

10-09-2019, 11:16 AM

المشاركه #1

يلحق

عضو هوامير المميز

تاريخ التسجيل: Sep 2012

المشاركات: 9,999

كيف ما جات بارسلها

باسن حرفي واقول يالله سهلها
وبانثر على صفحتي كادي وريحاني

ماني مرتب وكيف ماجات بارسلها
مره على الخاطره ومرات دنداني

وان زاد هاجوسها والله لاعقلها
وان جف بحر ووقف شفنا بحر ثاني

ياساريه في صباحك ظهرك اولها
عيشي حروفي ولو ضيعت الاوزاني

الموضوع الأصلي : اضغط هنا || المصدر :
الـركـــن الأدبـــــي

10-09-2019, 01:04 PM

المشاركه #2

يلحق

عضو هوامير المميز

تاريخ التسجيل: Sep 2012

المشاركات: 9,999

ابي اكتب
عن بقايا الشوق في قلبي
وابي ارسم لوحتي احساس
مشاعر ماهدمها الوقت
وعشق ما فناه الياس
خيااااال عاش مافارق
ولحظه
ماسألت بها
من الطارق
وقلت انسى
ولكن سكة النسيان
تاهت عنها افكاري
وانا غارق

11-09-2019, 01:57 AM

المشاركه #3

الماســـي

مشرف منتديات هوامير والركن الأدبي

تاريخ التسجيل: Oct 2006

المشاركات: 4,861

صح لسانك . أبيات معبره جميلة دمت مبدعاً في الركن الأدبي .

( وَمَا أُوتِيتُمْ مِنْ الْعِلْمِ إِلاَّ قَلِيلاً )

11-09-2019, 11:37 AM

المشاركه #4

يلحق

عضو هوامير المميز

تاريخ التسجيل: Sep 2012

المشاركات: 9,999

اقتباس:

المشاركة الأصلية كتبت بواسطة الماســـي

صح لسانك . أبيات معبره جميلة دمت مبدعاً في الركن الأدبي .

تعيش وتدوم يالماسي

يقولو الماس من بداه كل الناس تشتاقه
الا سبحان من اغلاه وزاده بالنظر طاقه
اذا شفته بليل تقول نجم مقبل اشراقه
وزاد على الذهب سعره ويعجز عنه طلابه

كنوز الارض قيراطه الا يامال الا يامال
وما يعجزك توصيفه ولا ياجي بدله بدال
به الازرق به الاخضر به الاوصاف ماتنقال
الا يابخت من يقناه والا ياعز من جابه

12-09-2019, 11:27 PM

المشاركه #5

الماســـي

مشرف منتديات هوامير والركن الأدبي

تاريخ التسجيل: Oct 2006

المشاركات: 4,861

الله عليك ماشاء الله تبارك الله .. استمر بالنظم ؛ والقصائد حتى ترقى الموهبة لديك ..
كل التوفيق لك ياغالي .

( وَمَا أُوتِيتُمْ مِنْ الْعِلْمِ إِلاَّ قَلِيلاً )

13-09-2019, 03:03 PM

المشاركه #6

يلحق

عضو هوامير المميز

تاريخ التسجيل: Sep 2012

المشاركات: 9,999

شكرا لمن قرأ وسيقرأ وللعزيز الماسي

وعلى الطاير

ابي اجلد مبتداها بالخبر والعب على المجرور
وبانقضها وبافتلها واخلي جرها يسير فاعلها

وكم قد سايرتني ماتغلت واصطفت في الطابور
على بيض النقا تمشي على ممشاي لو صعبت حبايلها

معانيها على يدي وفي قلبي شعاع ونور
تفارقني توادعني وتهجرني ولكن ما ازاعلها

ما ابي فيها استفز ولا ابي حتى الف وادور
اهيجنها واحاديها واروبعها واثولث من اصايلها

اكتفي

14-09-2019, 12:22 PM

المشاركه #7

يلحق

عضو هوامير المميز

تاريخ التسجيل: Sep 2012

المشاركات: 9,999

اللي ماله اول ماله تالي
وبارجع لبعض قديمي ونديمي وقصائد عشقي
فقد قلت ذات يوم

ياشوقي ارحل مع النسمه وقف يمه
وقول له الشوق وحده ماله الثاني

وقبله ياشوق في خده وفي فمه
وقول له ان الفرح من دونه احزاني

فلو جا خياله قبالي قمت واضمه
واشكي عليه اغترابي كيف خلاني

يزود حبي لحب ابوه له وامه
واهواه ياشوق مهما الوقت يجفاني

ياشوق بالقلب وبروحي جرى دمه
ونسمات حبه تعانق كل وجداني

ياشوق قول له تراي اموت من همه
اعيش فيه الضما شفقان ما ارواني

فالعطر لولاه عطره كان ما اشمه
والعشق لولاه عشقه كان ما اغواني

14-09-2019, 09:01 PM

المشاركه #8

الماســـي

مشرف منتديات هوامير والركن الأدبي

تاريخ التسجيل: Oct 2006

المشاركات: 4,861

اقتباس:

المشاركة الأصلية كتبت بواسطة يلحق

مبدع في هذه القصيدة وقصة شوق لن تنتهي الا في مواني البحور العميقة .. ابحر ياصديقي لاماوراء العواااطف
قصيدة جميلة روح انت مبدع .

( وَمَا أُوتِيتُمْ مِنْ الْعِلْمِ إِلاَّ قَلِيلاً )

29-09-2019, 07:39 PM

المشاركه #9

يلحق

عضو هوامير المميز

تاريخ التسجيل: Sep 2012

المشاركات: 9,999

اقلب الصفحات مدري علامي
وارجع اقلبها وانا فاقد شي

واكتب عليها وارجع امسح كلامي
ويروح وقتي بن لاهي وملهي

02-10-2019, 10:04 AM

المشاركه #10

يلحق

عضو هوامير المميز

تاريخ التسجيل: Sep 2012

المشاركات: 9,999

ياسلسبيل الشعر مالك ومالي
دور لغيري شاعر منك مليت

عذبت لي فكري وعذبت حالي
ماعاد ابي نظم القوافي ولو بيت

العالم تبدل وانا بك الا لي
وقوقل المطلوب واما انت وليت

حتى المجالس فيك ماعاد تبالي
كل يقل ياشعر عنك تخليت

30-11-2019, 07:51 PM

المشاركه #11

يلحق

عضو هوامير المميز

تاريخ التسجيل: Sep 2012

المشاركات: 9,999

قلت قبل 17 عام

عطني سيجاره خلني اشعل الليل
وانفث به الدخان واشب ناره

فالحيل ماعاده على خبرك الحيل
والشيب غازي الراس معلن وقاره

قلت اتمشى بالقوافي مع سهيل
واسامره وان حب ياخذ سيجاره

وابعدت عني دلتي والفناجيل
من بعد ما زاور خيالي خماره

وقمت ازود حالي القول واطيل
واخبره عن نجم السما في مداره

واتلي هجيني الشعر له بالمواويل
حتى بضيه زاد واعطى الاشاره

حتى علينا الريح جات بالغرابيل
وضيعت فيها من يمينه يساره

ميل معي لكن على عكس ما اميل
يقول صعب انه يواصل مساره

ياشينها افكاري وبعض التعاليل
خلطت فيها رمل باقسى الحجاره

ولبست طوق النار احسبه الاكليل
اثري غشيم اقولها عن جداره

هات السيجاره ياولد واشعل الليل
وبراد شاهي كيف راسي وعماره

30-11-2019, 07:59 PM

المشاركه #12

يلحق

عضو هوامير المميز

تاريخ التسجيل: Sep 2012

المشاركات: 9,999

من ارشيفي

اعتذر لك

جيتك اسجل على صفحه هواي الاعتذار
بعدما غادرت روحي فاصطفيت الذكريات

جيتك وليلي حبيبي صار في حكم النهار
ذبلت كل الورود وعمرها سار امنيات

باعتذرلك
كثر شوقي
والدم الي في عروقي
وعذاباتي وحروقي
والرعود اللي تزلزل
والبروقي
وكل ما سويت فيني
من دهاك

باعتذرلك
حتى عذري لو رفضته او قبلت
حتى لو غادرت دنياي ورحلت
وبكتفي
انك جميع الحب في قلبي قتلت
بس من يقتل غلاك

باعتذرلك
واعتذاري ما يشابهه اعتذار

اوجد الاعتذر لك يا عساك بها اتسلى
وادري ان العذر صعب وادري انك ما دريت

عاشقك مهما تغيب وعن هواكم ما اتخلى
وادري اني في هواك وبالمحبه ابتليت

صفحة 1 من 2

الكلمات الدلالية (Tags)

أدوات الموضوع
مشاهدة صفحة طباعة الموضوع

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

04:35 PM

الـركـــن الأدبـــــي

بارسلها

اقرا ايضا

حبة الضغط النحيسةْ

.. الحلم العربي ..