لتبليغ الإدارة عن موضوع أو رد مخالف يرجى الضغط على هذه الأيقونة الموجودة على يمين المشاركة لتطبيق قوانين المنتدى

العودة   هوامير البورصة السعودية > >


موضوع مغلق
 
أدوات الموضوع انواع عرض الموضوع
<
قديم 30-07-2010, 08:17 PM  
#1
مفهي بس فاهم
عضو هوامير المميز
 
تاريخ التسجيل: Jan 2010
المشاركات: 166

ساعدوووني استشاره قانونيه انا انسرقت







ممكن اللي فاهم في هالامور يوضح لي وش اسوي بالضبط

انا تعرفت على واحد عن طريق منتدى على بالي صداقه وخوهـ

المهم انه قالي وش رايك ندخل مشروع قبل رمضان مربح جدا

قلت تم قال انا اشتري دايم قبل رمضان ضحايا وارسلها لخويي

عندكم فالرياض وهو بطريقته يصرفها المهم قالي تبي تدخل معنا

قلت تم قال اجل هاك رقم الحساب هذا وحول لي اللي تقدر عليه

حولت له سبع الاف ريال والولد من بعدها بدا يماطل ويلف ويدور معاي

وش اسوي اذا ابي ارجع فلوسي

كل اللي اعرفه عنه رقم جواله وجبت بطريقتي معلومات عن الحساب

اللي حولت له رقم بطاقته ورقم ثابت ورقم جوال صاحب الحساب واسمه كامل عندي

وين اروح اذا حبيت اشتكيهم وهل في امل ترجع لي فلوسي

هو فالشرقيه وانا فالرياض

وعندي ايصال الحواله بس مابينا شي موقع او شي يثبت صحة كلامي

تكفون دلوني على الحل مايصير انسرق فالاسهم وانسرق برا الاسهم :12:

الموضوع الأصلي : اضغط هنا    ||   المصدر : منتدى هوامير البورصة السعودية
مفهي بس فاهم غير متواجد حالياً  
 
 

قديم 30-07-2010, 08:19 PM   #2
قروية2008
عضو هوامير المميز
 
تاريخ التسجيل: Mar 2008
المشاركات: 28

رد: ساعدوووني استشاره قانونيه انا انسرقت

مفهي


وفاهم


ماتجي ابداً




قروية2008 غير متواجد حالياً  
قديم 30-07-2010, 08:20 PM   #3
هيلتون
عضو موقوف
 
تاريخ التسجيل: Jul 2009
المشاركات: 1,059

رد: ساعدوووني استشاره قانونيه انا انسرقت

آفا صادوك الرجاجيل طلقتي في الراس والسلام



هيلتون غير متواجد حالياً  
قديم 30-07-2010, 08:20 PM   #4
spy
عضو هوامير المميز
 
تاريخ التسجيل: Nov 2009
العمر: 38
المشاركات: 7,154

رد: ساعدوووني استشاره قانونيه انا انسرقت

اذا ما يرد على مكالماتك ارسل رساله وقله السالفه وهدده باللجوء الى الجهات المختصه فورا



spy غير متواجد حالياً  
قديم 30-07-2010, 08:22 PM   #5
ابن نجد 6666
ابوتركي
 
تاريخ التسجيل: Nov 2007
المشاركات: 13,333

رد: ساعدوووني استشاره قانونيه انا انسرقت

طلعت اثنين بيض يعني تبي له



ابن نجد 6666 متواجد حالياً  
قديم 30-07-2010, 08:23 PM   #6
ابوعلوش محمد
عضو هوامير المميز
 
تاريخ التسجيل: Aug 2009
المشاركات: 7,505

رد: ساعدوووني استشاره قانونيه انا انسرقت

الله اعلم مالك درب عليه اذا مافيه ورقه وشهود لاتتعب نفسك التحويل اثبات مالى فقط لكن ليش حولت وش تقول ووش اثباتك الله يعوض عليك اخوى



ابوعلوش محمد غير متواجد حالياً  
قديم 30-07-2010, 08:25 PM   #7
مفهي بس فاهم
عضو هوامير المميز
 
تاريخ التسجيل: Jan 2010
المشاركات: 166

رد: ساعدوووني استشاره قانونيه انا انسرقت

والله شف انا حاليا ابي حلول وديهـ وبدون مشاكل ..

وبعدين التحويل تم وانا بحاله تفهيه بس ماكنت فاهم ..

لان بلدك هذي اذا بتم صاحي طول الوقت بتنفجر من القهر والغبنه ..




مفهي بس فاهم غير متواجد حالياً  
قديم 30-07-2010, 08:27 PM   #8
همسات
الشجرة المثمرة
 
تاريخ التسجيل: Apr 2005
المشاركات: 20,868

رد: ساعدوووني استشاره قانونيه انا انسرقت

أفتح موضوع وشهر بالمعرف واذكر السالفة كاملة لا يكون لاعب على غيرك واطلب ممن يعرفه يدلك عليه ..

واعطي رقمه لمسؤؤؤؤول لو حولك وخله يتفاهم معه ..


ولا تعاودها وتفهي ..:5:




همسات غير متواجد حالياً  
قديم 30-07-2010, 08:27 PM   #9
abdullahsw
عضو هوامير المميز
 
تاريخ التسجيل: Mar 2010
المشاركات: 4,996

رد: ساعدوووني استشاره قانونيه انا انسرقت

عادي إعتبر نفسك صكوك نسبة تحت...العلم قدام



abdullahsw متواجد حالياً  
قديم 30-07-2010, 08:28 PM   #10
صبــــ الأيام ـــــــر
عضو هوامير المميز
 
تاريخ التسجيل: May 2009
المشاركات: 24,219

رد: ساعدوووني استشاره قانونيه انا انسرقت

يا اخوي سبعة الاف ريال والله ما تسوى تعب ومراجعة المحاكم ومواعيد بالاشهر
نصيحتي خلك معه دبلوماسي وحاول تسترجع فلوسك بطريقه سياسيه
والا الله يعوض عليك
وتاكد ان حقك لو ما اخذته في الدنيا راح تاخذه يوم القيامه

وخل هذا يكون لك درس في حياتك ولا تثق في اي شخص ما تعرفه




صبــــ الأيام ـــــــر غير متواجد حالياً  
قديم 30-07-2010, 08:29 PM   #11
الدار أمان
عضو هوامير المميز
 
تاريخ التسجيل: Oct 2009
المشاركات: 2,850

رد: ساعدوووني استشاره قانونيه انا انسرقت

كيف تثق في شخص لا تعرفه إلا عن طريق المنتدى يا أخي كثير من الناس الآن ما يهمها إلا الدنيا ضاعت الامانة وعلى العموم إلي غلب عليك في هذه المسألة مفهي وليس فاهم وأعذرني إذا تدخلت بعض الشي وأسأل الشرطة أعتقد يقدرون يفيدونك أكثر




الدار أمان غير متواجد حالياً  
قديم 30-07-2010, 08:30 PM   #12
الفاهم
عضو هوامير المميز
 
تاريخ التسجيل: May 2005
المشاركات: 1,207

رد: ساعدوووني استشاره قانونيه انا انسرقت

قدم شكوى للشرطة ولازم قسم الشرطة في المنطقة التي يسكن فيها
لو يسكن الدمام تقدم شكوى عليه على قسم شرطة الدمام
اذا في الخبر تقدم شرطة الخبر
وهناك سوف يفتحون محظر وتخبرهم عن السالفة وسوف يتم استدعائه




الفاهم غير متواجد حالياً  
قديم 30-07-2010, 08:30 PM   #13
رشاقة الرجال
عضو موقوف
 
تاريخ التسجيل: Jun 2009
المشاركات: 449

رد: ساعدوووني استشاره قانونيه انا انسرقت

عوض الله عليك

يااخي الكريم ان حليتها ودي

ولا ماتقدر تشتكيه لاحد لانه القانون لايحمي مغفلين

للأسف واسف علي هذي الكلمه




رشاقة الرجال غير متواجد حالياً  
قديم 30-07-2010, 08:31 PM   #14
ضاري الأسلمي
عضو هوامير المميز
 
تاريخ التسجيل: Nov 2009
المشاركات: 7,241

رد: ساعدوووني استشاره قانونيه انا انسرقت

يارجال مع احترامي لك انت انسان دلخ ولا تزعل مني

تتعرف على واحد بالنت وترسله فلوس

انا اخوي لالقيته بالماسنجر وقالي ارسلي فلوس رحت دقيت عليه جوال وقلت له كم تبي

بأمكاني اقوله بالماسن بس انا ماثق بالنت

على العموم خذ الوصل حق الحواله ولا رح للجهاز وخذ كشف حساب لاخر العمليات ورح اشتك عليه

وقبل لاتشتكي قله بترجعها ولا بيننا المحكمه يمكن يخاف ويرجعها
اما اذا قالك بلط البحر

روح اشتك للمظالم قلهم حولتها بالغلط

الله يعوض عليك




ضاري الأسلمي غير متواجد حالياً  
قديم 30-07-2010, 08:33 PM   #15
قروية2008
عضو هوامير المميز
 
تاريخ التسجيل: Mar 2008
المشاركات: 28

رد: ساعدوووني استشاره قانونيه انا انسرقت

اقتباس:
المشاركة الأصلية كتبت بواسطة amjad200010 مشاهدة المشاركة
يا اخوي سبعة الاف ريال والله ما تسوى تعب ومراجعة المحاكم ومواعيد بالاشهر
نصيحتي خلك معه دبلوماسي وحاول تسترجع فلوسك بطريقه سياسيه
والا الله يعوض عليك
وتاكد ان حقك لو ما اخذته في الدنيا راح تاخذه يوم القيامه

وخل هذا يكون لك درس في حياتك ولا تثق في اي شخص ما تعرفه



سبعه ألاف ليش ماتسوى إذا خذ من مفهي 7 والمفهي الثاني 7 راح يكون كل المنتدى مفهين
خلوه يأخذ حقه وبلغ عنة والشرطة راح تجيب سلسلة من جرائمه هذا بسيط يجيبونه بسرعة يمكن كثير من يحول له

ويسهر في البحرين على حساب المفهين




قروية2008 غير متواجد حالياً  
موضوع مغلق







مواقع النشر (المفضلة)

الكلمات الدلالية (Tags)
انا , انسرقت , استشاره , ساعدوووني , قانونيه

أدوات الموضوع
انواع عرض الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك

BB code is متاحة
كود [IMG] متاحة
كود HTML معطلة

الانتقال السريع




11:30 PM



تشغيل وتطوير افاق الإقتصاد
Powered by vBulletin® Version 3.8.7
Copyright ©2000 - 2017, vBulletin Solutions, Inc.
جميع المواضيع و الردود المطروحة لا تعبر عن رأي المنتدى بل تعبر عن رأي كاتبها وقرار البيع والشراء مسؤليتك وحدك

بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.