هوامير البورصة

صفحة 1 من 2

30-06-2012, 01:01 AM

المشاركه #1

فيلاسوف -1-

عضو موقوف

تاريخ التسجيل: Feb 2011

المشاركات: 4,426

أحلى إفطار رومانسي ، وصفات إفطار لذيذ

السلام عليك ورحمة الله وبركاته

في يوم إجازة زوجك قومي من نومك الصباح بدري
وروحي ع المطبخ وجهزي لك فطور ورمانسي [.jpg[/url] وتخيلي أنك راح تقدمين الفطور لنزيل فندق 5 نجوم
مو زوجك ويستاهل

أنا بأعطيك الأفكار اللي ممكن تختصر وقتك ..!

أولا لازم يكون الفطور شيء خفيف يعني هو بياكله على الريق :

يعني اعتمدي على الأجبان بأنواعها

العسل أو المربى

البيض المقلي أو المسلوق

سلطات وتكون بسيطة شرايح خيار شرايح طماط ورقتين خس ورقتين بقدونس

ممكن زيتون وحمص

فول أو عدس << ما أفضلها في فطور رومانسي لأنها تجيب كسل ولأن التوابل تغير ريحة الفم

الخبز أو المعجنات بأنواعها << راح أعطيك كل شيء بالتفصيل

مو لازم تحطين كلش بس صنفين مثلا تكفي لك ولزوجك << الخف زين

وكل مره غيري الأصناف وغيري طريقتك وابتكري في التقديم
نبدأ بالمعجنات

[ كروسان ] http ممكن جاهز أو مصلح من الليل ومحفوظ في الثلاجة
ممكن تسوين عجينة فطاير أو ممكن تستخدمين البف باستري

الحشوة جبن مع زيتون شرايح

أو جبن وزعتر

أو على ذوقك

[ الوافل ] http حلو يغطى بكريمة وفواكه

أو شوكولاته نوتيلا ومكسرات أو شرايح موز

طبعا لازم يكون عندك آلة الوافل لعجينة تكون سايلة تصبينها وتسكرين الآلة
الموضوع كله ما ياخذ عشر دقايق

والمقادير كالتالي :
كوب طحين منخول
3 ملاعق كبيرة سكر
ربع ملعقه ملح
1.5ملعقه صغيره باكينغ بودر
رشة فانيلا
بيضه
نصف كوب حليب سائل
3 ملاعق زبده مذوبه

الطريقه :
اول شي نشغل جهاز الوافل حتى يسخن خلال هالفتره نخلط المقادير اول شي النواشف بعدين الحليب والبيض والزبده نخلي العيينه ترتاح تقريبا ربع ساعه وبعدين نحط الخلطه بملعقه على الجهاز بحذر ولاتكثرون لانه راح تنفش ..

بعجين الوافل ممكن نسوي شكل ثاني

[ تارت البيض المقلي ]

عجينه عادية أو نفس عجينه الوافل

تحطينها على قوالب الكب كيك وعليها بيضه مع قطع فلفل رومي أحمر + بقدونس + فلفل وملح

وتدخل الفرن من الأسفل حتى ينضج العجين ثم من أحلى حتى يتحمر البيض خفيف
[ بان كيك ]
ممكن تصلحينها في البيت أو تختصرين وتشترين خليط البان كيك الجاهز ( فرشلي أو قودي )
طبعا شوفوا وش مكتوب على العلبة

أضيفي الماء

رجي

واسكبي على التاوه طبعا

المقادير
ك دقيق
ك وربع ماء
فنجان شاي حليب بودره
= = = سكر
نص فنجان شاي زيت
بيضه مع فانيلا
ملعقه وسط بكنج باودر

الطريقة:
تخلط جميع المقادير مع بعض لمدة 2 دقيقه
وتصبح الخليط سايل

سخني التاوه وابدئي بصب الخليط حتى يحمر من تحت ثم يقلب ويحمر من فوق

طريقة تقديمه حسب رغبتك

ممكن تلفينها رولات تغيير للشكل أو ممكن تستخدمين القوالب على التاوه مباشرة تعطيك أشكال حلوة
شوفوا كيف شكلها يجنن
ممكن يحشى بجبن ويصب فوقه عسل

ممكن يحشى بالجبنة ويغطى بمربى الفراولة أو التوت أو شرايح فواكه
أو تحشينها فول سوداني أو شوكولاته نوتيلا وتغطينها مكسرات
[ توست هولندي ]

توست أسمر محمص ومقطعه أطرافه ..

ندهنه بزبده وهو حار ثم نرشه بسكر بودره .. ونقطع حبات فراوله ونحطها فوقه ..

قدمها مع كاس عصير برتقال طازج وكاس كابتشينو . . ونقدر نزينه بالنوتيلا

[ التوست الفرنسي ]

.رة طعمه خيال ... وماياخذ وقت ابدا ابدا ...

كل اللي عليك تسوينه ... تخلطين بيض وجبن سايل كرافت .. مع شوية ملح وفلفل وبعدين غمسي شريحة التوست بعد ماتشيلين اطرافها ...

نحمرها على تاوه مدهونه بالزبده ..

أو بآلة الخبز المخططة

والنتيجة
[ توست وبيض رومانسي ] لمقادير:

- توست
- قطاعات مثلا على شكل قلب او دائره او ورده
- ملعقة زبده
-ملح وفلفل

الطريقة:///
بامكانك تقديم البيض مع التوست للفطور لزوجك بطريقة رومانسيه
باستخدام القطاعه قومي بعمل فتحه باي شكل ترغبين قلب مثلا
في منتصف شريحة التوست.؛؛؛
ثم حمصي التوست في التوستر. ؛؛؛
وفي مقلاة غير لاصقه ضعي ملعقة زبده.

وقومي بكسر البيضه وضعيها في طبق صغير استعدادا لوضعها في فتحة التوست..
ضعي شريحة التوست في المقلاه وفي الفتحه ضعي البيضه واتركيها حتى تنضج "بامكانك تغطية المقلاه لكتم الحراره لتنضج البيضه اسرع". ؛؛؛
ملحيها حسب الرغبه وقدميها ساخنه. ؛؛؛

شكل جديد للتوست [ كلوب ساندويش ] توست محمص خفيف
والحشوة
مرتديلا
شرايح خس
شرايح طماط
شرايحة جبن

أو شي سريع
سندوتشات المربي ممكن بر للنظام الدايت

زبدة الفول السوداني بشرائح الموز

سندوتشات متنوعه ممكن تستخدمين خبز البرغر [ خبز التورتيلا ]

ممكن تشترينه جاهز أذكره في جيان بس سكرت اتوقع في التميمي بعد
له نكهات وفيه حار يجنن

أما إذا سنعه وبتصلحينه بنفسك فهذي الطريقة :
اول شي في الخلاط ملعقة سكر وملعقتين حليب جاف
وملعقة خميره وربع اصبع زبده مذوب وكاس مويه وذرة ملح
وفي الزبديه كاسين دقيق .

اعجنيهم مع بعض وخليها تتخمر من نص ساعه الى ساعه

نقطع العجينه بالحجم اللي نرغبه انا احبها كبيره شوي

واحيانا اتبل العجينه بالببريكا والفلفل الاحمر
والثوم البودره والملح او بالسكر والهيل
او ببهارات البيتزا اللي هي ريحان وزعتر واوريقانو
او بالحبه السودا كل هاذي خيارات حسب رغبتك
طبعا او ساده من دون تتبيل

بعد كذا اخبزه بآلة المطازيز بس انا ماافضلها
افضل طريقه لها ترقينها بايدك وتحطينها على قلايه
فيها شوي زيت حامي على النار

وهذا شكلها اللي على اليمين بالآله واللي على اليسار
رقيته بايدي وخبزته بالقلايه على النار

وهنا الخبز محشي بشاورما دجاج

سندوتشات البيض بخبز التورتيا بالزيتون و البصل الاخضر
[ بيض بالمرتديلا ]

نقطع المرتديلا + فلفل بارد وندهن الكاسات بزيت ونحط الفلفل البارد ثم المرتديلا ثم الجبن ..

نخق البيض مع ملح وفلفل ونصبه عليهم ونحطهم بصينيه وندخلهم الفرن من تحت حوالي 15 دقيقه

.. او بالمكرويف 3 دقايق ..

وتكون جاهزه ..

وبكذا تكون وجبه متكامله .. بروتين + كالسيوم + فيتامين من الفلفل البارد

وقدمها مع خبز وزيتون وكاس قهوه ..
[عجة بيض فااخرة]
الطريقة :

احمسي شوية بصل على النار وبعدين حطي معاه طماطم وخليه يتسبك شوي /

قطعي شوية بقدونس وابشري جزر وحطيهم وبعدين اخفقي لك كم بيضة مع ملح وحطيهم بعد!

اخلطي الاشياء هذي كلها مع بعض وقصري النار مررررررة وغطيها ..

خمس دقايق بتكون جاهزة ,,

قدميها بالطريقة اللي تحبين .. ممكن تقسمينها انصاف دوائر ..او تحطينها دائرة كاملة مثل ماهي

تقدم مع خبز عربي .. وكوب شاهي منعنش
[ بيض مسلوق بطريقة مبتكرة ]

الطريقة :

احمسي شوية بصل على النار وبعدين حطي معاه طماطم وخليه يتسبك شوي /

قطعي شوية بقدونس وابشري جزر وحطيهم وبعدين اخفقي لك كم بيضة مع ملح وحطيهم بعد!

اخلطي الاشياء هذي كلها مع بعض وقصري النار مررررررة وغطيها ..

خمس دقايق بتكون جاهزة ,,

قدميها بالطريقة اللي تحبين .. ممكن تقسمينها انصاف دوائر ..او تحطينها دائرة كاملة مثل ماهي

تقدم مع خبز عربي .. وكوب شاهي منعنش
الطريقة :

احمسي شوية بصل على النار وبعدين حطي معاه طماطم وخليه يتسبك شوي /

قطعي شوية بقدونس وابشري جزر وحطيهم وبعدين اخفقي لك كم بيضة مع ملح وحطيهم بعد!

اخلطي الاشياء هذي كلها مع بعض وقصري النار مررررررة وغطيها ..

خمس دقايق بتكون جاهزة ,,

قدميها بالطريقة اللي تحبين .. ممكن تقسمينها انصاف دوائر ..او تحطينها دائرة كاملة مثل ماهي

تقدم مع خبز عربي .. وكوب شاهي منعنش

[ بيض مسلوق بطريقة مبتكرة ]

سهل مرة ., اسلقي البيض عادي .. بعدين اقسميها من النص بالطول ,, خوذي الصفار .. واخلطي معاه جبن كرافت . . وشوية فلفل اسود وشوية ملح ..

ممكن اذا تحبين تحطين بقدونس او شرائح زيتون ,, او جبنة موزاريلا : :

وبعدين اخلطيهم مع بعض ورجعيه مرة ثانية جوا البيضه .. راح يطلع طعمه ختيييييييييير .. مرة !

قدمي معاه .. خبز توست محمص ..

بس هاااه .. استعدي للكلام الحلو .. اللي بيجيك .. هع!

[ بيض أومليت ]
.
.
.طبعا طريقته سهله .. ولكن تفنني في طريقة تقديمه !

اخلطي البيض مع الملح والفلفل .. واعمليه بشكل عادي .. واذا حبيتي رشي جبن تشيدر ولفيه على شكل نصف دائرة ..

وممكن تاخذين شريحة جبنه .. وتقطعينها مربعات وتحطينها فوق الاومليت ,/

وممكن بعد : تخلطين مع البيض بقدونس يعطيه شكل حلو "

أو تحشينه بجبنه موزاريلا مع شرائح زيتون ...

وقدميها بطريقة كلاسيكية وناعمة :*

ولا تنسي كأس عصير برتقال فريش منعـــــــــش ؛)

علبة حمص
نص علبة زبادي
عصير ليمون

يزين بالسماق
وحبات الحمص
والبقدونس
ويصب عليه زيت زيتون

[زيتون]
فيه نكهات بعد في بنده تشترينها بالكيلو
شيء حار وشيء مخلل وشيء محشي جزر

[مربى]
[عسل]حلو على الصباح يعطي طاقة
[كورن فليكس]
بطريقة حلوة
وأفضل شيء على الريق

[التمر]
اتباع لسنة الرسول صلى الله عليه وسلم
لقوله صلى الله عليه وسلم " من تصبح بسبع تمرات لم يضره ذلك اليوم سم ولا سحر "
ولأن هالثمرة العجيبة تحتوي على نسبة سكريات ومعادن يعتمد عليها الجسم بقية اليوم
المشروبات ]

إما ساخنة
قهوة - شاهي - حليب
أو باردة
عصير - لبن
حسب نوع الطعام
أو حسب الأجواء
حددي نوع المشروب

[مكان تناول الوجبة ]

إما في الحديقة أو في الشرفة (البلكونة) على كراسي خشب أو بلاستيك أو خيزران
أو على السرير لو حابة تدلعين زوجك
تجيبين له ابريق ماء ووعاء بلاستيك فاضي وتحطين منشفة زوجك على ذراعك
وصبي الماء في الوعاء وخليه يغسل وجهه ويديه وهو على سريره
ثم عطيه المنشفة حتى ينشف
بعدها قدمي الفطور
أو في الصالة بس افتحي الشباك أو الستارة علشان تشعرين بالصباح وبشروق الشمس

[طريقة الترتيب]

استخدمي مفرش الطاولة بألوان زاهية ومناديل السفرة إذا كانت مرتبة بطريقة جذابة وذوق تعطي لمسة حلوة للسفرة
[واستخدمي[/url] طقم اواني منقشه بألوان زاهية
[أو[/url] بيضاء سادة
منقول

الموضوع الأصلي : اضغط هنا || المصدر : منتدى هوامير البورصة السعودية


إعلانات

12-08-2012, 07:49 PM

المشاركه #2

المبتسمه

قلم هوامير المميز

تاريخ التسجيل: Oct 2010

المشاركات: 1,833

جزاك الله الف خير

26-08-2012, 02:23 PM

المشاركه #3

دكتور وسوسة

عضو هوامير المميز

تاريخ التسجيل: Jul 2012

المشاركات: 2,491

سبحان الله ....

سبعين في المائة من لذة الطعام في المظهر وأسلوب التقديم والباقي في الطعم ,,,

وسبعين في المائة من لذة الحياة وكل الأشياء في أسلوب تقديمها والباقي لجوهرها

بل كل شي في الحياة علشان يحلو لا بد أن يقدم بأسلوب حلو ولذيذ

حتى كلام الله سبحانه وهو أبلغ كلام وأجمل كلام
لما يقدم لك بصوت حلو وجميل شوفو كيف يكون تأثيرة
سبحان من خلق الجمال وكمّله
سبحان من خلق الكمال وجمّله

07-10-2012, 08:42 AM

المشاركه #4

zxzxone

عضو هوامير المميز

تاريخ التسجيل: Mar 2011

المشاركات: 1,579

بارك الله فيك
ووووووووووووووووووووووووووواو

05-01-2013, 08:16 AM

المشاركه #5

ابوعبداللطيف1

عضو هوامير المميز

تاريخ التسجيل: Jan 2010

المشاركات: 10,443

بارك الله فيك

05-02-2013, 05:31 AM

المشاركه #6

Ray of hope

عضو هوامير المميز

تاريخ التسجيل: Nov 2011

المشاركات: 330

وصفات رائعة
يسلمووووا

17-02-2013, 12:13 PM

المشاركه #7

الحاسه العاشره

عضو هوامير المميز

تاريخ التسجيل: Aug 2006

المشاركات: 3,589

شكراا على المعلومااات .................................

15-03-2013, 10:03 AM

المشاركه #8

صقر6

عضو هوامير المميز

تاريخ التسجيل: Sep 2011

المشاركات: 7,864

بارك الله فيك

06-04-2013, 11:47 PM

المشاركه #9

فيلاسوف -1-

عضو موقوف

تاريخ التسجيل: Feb 2011

المشاركات: 4,426

شكرا للجميع وبالف هنا وعافيه

03-05-2013, 07:36 PM

المشاركه #10

هاموررة

عضو هوامير المميز

تاريخ التسجيل: Sep 2012

المشاركات: 3

جميل ...........شكرأ

04-05-2013, 01:26 PM

المشاركه #11

الزين غالي

عضو هوامير المميز

تاريخ التسجيل: Jan 2013

المشاركات: 10,166

لك اللي تبي اذا فيه زوجة سعودية تسوي كذا

24-05-2013, 11:40 AM

المشاركه #12

زهرة السوسن *

كاتبة قديرة

تاريخ التسجيل: Jul 2009

المشاركات: 21,950

وصفات رااائعة وسهلة
الله يعطيك العافيه

صفحة 1 من 2

« سلطه البنجر مع الرمان والجرجير | الرد العلمي للعلماء على شبهات الخارجي وليد السناني »

أدوات الموضوع
مشاهدة صفحة طباعة الموضوع أرسل هذا الموضوع إلى صديق

تعليمات المشاركة
لا تستطيع إضافة مواضيع جديدة لا تستطيع الرد على المواضيع لا تستطيع إرفاق ملفات لا تستطيع تعديل مشاركاتك BB code is متاحة الابتسامات متاحة كود [IMG] متاحة كود HTML معطلة قوانين المنتدى

الانتقال السريع

اجعل كافة الأقسام مقروءة

11:06 AM