بعد عدة اتصالات من أرقام دولية قررت الرد .. وكانت المفاجأة

المشاركة الأصلية كتبت بواسطة سيف مجاهد

السلام عليكم

يا اخوان تجيني كثير اتصالات من ارقام دولية وهذي ظاهرة الكل يشتكي منها حقيقة ولست وحدي

وفي اكثر الاحيان بل الاغلب اني اتجاهلها او اعطية " مشغول " ولا ما أرد ..

لكن أمس جاني اتصال من دولة لا اعرفها يبدأ مفتاحها الدولي بـ 68567+

بحثت عنها في قوقل وطلعت دولة ساموا ولا اعرف اين تقع ..

الشاهد بالموضوع اني قررت ارد واشوف واللي كلمني طلع سعودي !

قلت يمكن من جنسية عربية او يحاول يقلد اللهجة بس فعلا والله كلامه سعودي بحت

قلت انت سعودي ؟؟

قال ايه والله سعودي ومن قبيلة كذا و و و

قمت اسألة اسألة عشان اتاكد عن مناطق المملكة والقبائل واحياء الرياض وشوارعها بحكم انه يقول اني كنت ساكن بالرياض

وفعلا طلع الرجال سعودي

قلت وش المطلوب طيب

قال انا الصراحة ياغالي انا مستثمر في روسيا وعندي مجموعة استثمارات عقارية ولكن صارت لي ظروف وخسرت اموالي

وحاليا انا محتاج مبلغ مالي وانا صريح معك وحنا عيال بلد واحد وكلنا اخوان والله لايفرقنا و و و من الكلام الجميل

المهم اني صرفته وقلت انا الان مشغول وعندي معازيم اكلمك بوقت ثاني واسكر الخط ..

من ساعتها وانا افكر بكلامه هل هو صادق ولا يكذب

مع العلم انه يقول انه يرجع من هجرة حول الافلاج ولكنه كان مقيم بالرياض قبل اربع سنوات وانته انتقل لروسيا يعيش فيها بحكم التجارة و و

وسألته عن الافلاج ومناطقها وهجرها وعدها لي وحده وحده

احد حصل له نفس هذا الموقف ؟