logo

هوامير البورصة السعودية > الاقسام العامة لموقع هوامير البورصة > قصائد الهوامير

تقـدم الدنيـا لنـا درس ٍ جـديـد بـكـل يــوم - والناس تسلم من غثـا الدنيـا بحفـظ دروسه



قديم 09-06-2012, 09:39 PM
  المشاركه #1
أبوعبيّد
عضو موقوف
تاريخ التسجيل: Jun 2008
المشاركات: 10,063
 


تقـدم الدنيـا لنـا درس ٍ جـديـد بـكـل يــوم - والناس تسلم من غثـا الدنيـا بحفـظ دروسه

تقـدم الدنيـا لنـا درس ٍ جـديـد بـكـل يــوم
والناس تسلم من غثـا الدنيـا بحفـظ دروسهـا !!
وعلى حسب حفـظ المواجيـب وتعاليـم السلـوم
نعـرف مقاسـات البشـر بالمرجلـه ونقوسـهـا
صيت الرجال الوافيّـه بأفعالهـا .. ولا ّ الرخـوم
ينبيـك عنهـا : قـل نفعتهـا وشـيـن نفوسـهـا
تطـرد ورى الدنيـا وتكشـخ بالمواتـر والهـدوم
مثل ( الحريم ) أغلـب دراهمهـا علـى ملبوسهـا
والإمعـه والشايـب الكـذّاب وضعيـف العـزوم
ناس ٍ مع العالـم بـلا هيبـه تدربـي روسهـا !!
والبخـل : خلاّنـه بهايـم !! لا تسـام ولا تسـوم
لا شفتهـا ترفـع يـدك حمـد وشكـر وتبوسهـا
على الصحن هم أول الجلاّس وآخـر مـن يقـوم
يعيّفـك حلـو الاكـل والشـرب طـول جلوسهـا
ماهيـب للـلازم سنـد ولا ذخـر عنـد اللـزوم
تمـوت ماسـرّك مهايطـهـا وكـثـر فلوسـهـا
وسوالف الخبلان .. رفعة ضغط وصداع وهمـوم
فـلاوة ٍ تخطّـف علـوم الـعـرب وتحوسـهـا
واجب عليك إليا حكت عن جملـة حكاهـا تشـوم
الهنـد مـا يـرأس حكومتهـا سـوى هندوسـهـا
وربـع المصالـح والمجامـل خـوة ٍ ماهيـب دوم
اقولهـا والتجربـه قـطـع وريــدي موسـهـا
وقت الرخا .. مثل الصقور اللي على المرقب تحوم
فيّ ٍ يـذّري ساقـك الرمضـا وحـر ّ شموسهـا
وإليا احتمت صكّات بقعا وامسـت علومـك علـوم
اتلـوّي خششهـا وتجحـد خـوّتـك وتدوسـهـا
من عقب ما انت الطيّب وقدرك معـزّز ومحشـوم
تصيـر اردى مـا خلـق ربـي ودم ضروسـهـا
أبعد عن الأشكال ذي .. بعد الثـرى عـن النجـوم
وش حاجتك في قرب رديـان العـرب ونجوسهـا
ماهوب عيب إليا عزموك تقول يالربع .. معـزوم !
العيـب : لارحـت لعزايمهـا وجيـت عروسهـا
وخلّـك فطيـن تعلّمـك دنيـاك درس بكـل يـوم
والرجل يسلم من غثـا الدنيـا بحفـظ دروسهـا !!

الشاعر /
محمد جارالله السهــلي .


الموضوع الأصلي : اضغط هنا    ||   المصدر :

قصائد الهوامير
 
  
قديم 14-07-2012, 11:29 PM
  المشاركه #2
ablaze
ابو امجاد
كاتب مميز
تاريخ التسجيل: Jan 2009
المشاركات: 13,835
 



صح لسانك ولسان الشاعر









«

قصيده روعه

 |

عذب القوافي ( من العبق القديم )

 »
أدوات الموضوع

تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
BB code is متاحة
كود [IMG] متاحة
كود HTML معطلة
الانتقال السريع

هوامير البورصة السعودية - الأرشيف - الأعلى


12:32 AM

images

Powered by vBulletin® Version 3.8.11
Copyright ©2000 - 2024, vBulletin Solutions, Inc.

جميع المواضيع و الردود المطروحة لا تعبر عن رأي الموقع بل تعبر عن رأي كاتبها وقرار البيع والشراء مسؤليتك وحدك بناء على نظام السوق المالية بالمرسوم الملكي م/30 وتاريخ 2/6/1424هـ ولوائحه التنفيذية الصادرة من مجلس هيئة السوق المالية: تعلن الهيئة للعموم بانه لا يجوز جمع الاموال بهدف استثمارها في اي من اعمال الاوراق المالية بما في ذلك ادارة محافظ الاستثمار او الترويج لاوراق مالية كالاسهم او الاستتشارات المالية او اصدار التوصيات المتعلقة بسوق المال أو بالاوراق المالية إلا بعد الحصول على ترخيص من هيئة السوق المالية.